რა სახის ინფორმაციას ინახავს ,,გლოვო“?
,,გლოვოს“ პლატფორმა (რომელიც მოიცავს ვებ-გვერდს და მობილურ აპლიკაციას) გამოიყენება, როგორც მომხმარებლების, ისე ჩვენი მომწოდებლების მიერ. მომხმარებლებისგან მიღებული ინფორმაცია ინახება/მუშავდება ქვემოთ მოცემული წესით.
,,გლოვო“ ინახავს, როგორც მომხმარებლების მიერ პირდაპირ მოწოდებულ ინფორმაციას, ასევე ,,გლოვოს“ პლატფორმის გამოყენებისას არაპირდაპირი გზით მოწოდებულ ინფორმაციასაც.
ა) მომხმარებლების მიერ პირდაპირი გზით მოწოდებული ინფორმაცია:
- სარეგისტრაციო ინფორმაცია: „გლოვოს“ პლატფორმაზე ანგარიშის გახსნისას მომხმარებლების მიერ მოწოდებული ინფორმაცია: „მომხმარებელი“ და პაროლი.
- ინფორმაცია მომხმარებლის გვერდის შესახებ: ინფორმაცია, რომელსაც ,,გლოვოს“ პლატფორმას აწვდიან მომხმარებლები ,,გლოვოს“ სერვისით შემდგომი სარგებლობის მიზნით. მაგალითად: ტელეფონის ნომერი და მისამართი მიტანის სერვისის განსახორციელებლად. მომხმარებლებს შეუძლიათ, ნებისმიერ დროს გაეცნონ და შეცვალონ მათ პირად გვერდზე არსებული ინფორმაცია. ,,გლოვო“ არ ინახავს ინფორმაციას მომხმარებლების საკრედიტო ბარათის მონაცემების შესახებ, მაგრამ აწვდის მონაცემებს იმ ლიცენზირებულ პირებს, რომლებიც უზრუნველყოფენ ,,გლოვოს“ პლატფორმაზე ელექტრონული გადახდის მომსახურების მიწოდებას. ეს პირები ინახავენ მიწოდებულ ინფორმაციას გადახდის პროცედურის უზრუნველსაყოფად. საკრედიტო ბარათის მონაცემები არ ინახება გლოვოს“ არცერთ სერვერზე. ,,მომხმარებლებს“ შეუძლიათ, ნებისმიერ დროს წაშალონ მათ ანგარიშზე მიერთებული საკრედიტო ბარათის მონაცემები. ასეთი ქმედება გამოიწვევს სერვისის მიმწოდებლების მიერ შესაბამისი ინფორმაციის წაშლას და შესაბამისად, პლატფორმაზე ახალი შეკვეთის განთავსებას დასჭირდება საკრედიტო ბარათის მონაცემების ხელმეორედ შეყვანა/არჩევა. მომხმარებლებს უფლება აქვთ, ნებისმიერ დროს გაეცნონ სერვის-მიმწოდებლების ,,პერსონალურ მონაცემთა დაცვის წესებს“.
- დამატებითი ინფორმაცია, რომელსაც მომხმარებელი ,,გლოვოს“ აწვდის თავისი ინიციატივით. ეს შეიძლება იყოს ნებისმიერი ინფორმაცია, რომელსაც მომხმარებელი ,,გლოვოს“ უზიარებს სხვადასხვა მიზნით. მაგალითად: მომხმარებლის ფოტოსურათი ან ანგარიშის ნომერი, ,,გლოვოსგან“ შესაბამისი ინვოისის მისაღებად.
- ინფორმაცია ,,გლოვოსთან“ კომუნიკაციის შესახებ: ,,გლოვოს“ აქვს წვდომა მომხმარებლების მიერ საკონტაქტო ფორმის, ელექტრონული ფოსტის ან ტელეფონის მეშვეობით „გლოვოსთვის“ მიწოდებულ ინფორმაციაზე (კითხვებსა და საჩივრებზე) შესაბამისი რეაგირების მოხდენის მიზნით.
სახელშეკრულებო ვალდებულებების განხორციელების მიზნით ,,გლოვოს“ სრულად უნდა ჰქონდეს წვდომა ზემოაღნიშნულ ინფორმაციაზე. თუ მომხმარებელი ,,გლოვოს“ არ მიაწვდის შესაბამის ინფორმაციას, მოთხოვნილი სერვისები შეიძება ვეღარ გახდეს მომხმარებლისთვის ხელმისაწვდომი და ,,გლოვომ“ ვერ შეძლოს მომხმარებლისთვის შესაბამისი მომსახურების გაწევა.
ბ. მომხმარებლების მიერ არაპირდაპირი გზით მოწოდებული ინფორმაცია
- პლატფორმის გამოყენებასთან დაკავშირებული მონაცემები - ,,გლოვო“ ინახავს ინფორმაციას მომხმარებლების მიერ ,,გლოვოს“ პლატფორმის გამოყენების შესახებ.
- ინფორმაცია აპლიკაციის და შესაბამისი მოწყობილობის შესახებ: ,,გლოვო“ ინახავს ინფორმაციას იმ მოწყობილობის/აპლიკაციის შესახებ, რომლებსაც იყენებენ მომხმარებლები შესაბამისი მომსახურების მისაღებად. ეს ინფორმაცია მოიცავს:
undefinedundefinedundefinedundefinedundefined - მონაცემები, მომხმარებლის წყაროს შესახებ: ,,გლოვო“ ინახავს ინფორმაციას მომხმარებლის მიერ ,,გლოვოს“ ვებ-გვერდზე შემოსვლის წყაროს შესახებ. მაგალითად: ინფორმაცია, იმის თაობაზე, რომ მომხმარებელი ,,გლოვოს“ პლატფორმაზე აღმოჩნდა გარე წყაროს (სხვა ვებ-გვერდის ლინკი ან სოციალური ქსელი)მეშვეობით.
- მონაცემები, ინციდენტების მოგვარების/თავიდან აცილების მიზნით: თუ მომხმარებელი უკავშირდება ,,გლოვოს“ პლატფორმას ,,საკონტაქტო ფორმის“ ან/და სატელეფონო ზარის მეშვეობით, მიღებულ შეტყობინებებს ,,გლოვო“ შეინახავს და დაამუშავებს მიმდინარე და პოტენციური ინციდენტების თავიდან აცილების მიზნით.
- ინფორმაცია ,,ქუქის“ შესახებ: ,,გლოვო“ იყენებს საკუთარი და მესამე პირების ,,ქუქებს“, მომხმარებლების მიერ ,,გლოვოს“ ვებ-გვერდით სარგებლობის უზრუნველსაყოფად და სტატისტიკური მიზნებისთვის (იხ. ,,ქუქის გამოყენების წესები“).
- მესამე პირებისგან მოწოდებული ინფორმაცია: მომხმარებლების თანხმობის საფუძველზე ,,გლოვო“ დაამუშავებს და შეინახავს ,,მესამე“ პირებისგან მოწოდებულ ინფორმაციას. მაგ.: თუ მომხმარებელი ,,გლოვოს“ პლატფორმაზე რეგისტრირდება მისი Facebook გვერდის მეშვეობით, Facebook ,,გლოვოს“ მიაწვდის მომხმარებლის იმ პირად მონაცემებს, რომლებიც განთავსებულია მომხმარებლის Facebook გვერდზე (სახელი/გვარი, სქესი, ასაკი). მსგავსად აღნიშნულისა, თუ მომხმარებელი გლოვოს ვებ-გვერდს სტუმრობს Google-ის პროდუქტების/სერვისების მეშვეობით, Google შესაბამისი ,,ლინკის“ მეშვეობით ,,გლოვოს“ მიაწვდის ინფორმაციას მომხმარებლის პირადი მონაცემების შესახებ. მომხმარებლები უფლებამოსილნი არიან, მესამე პირების მიერ ,,გლოვოსთვის“ ინფორმაციის მოწოდება აკონტროლონ ამ პირების პერსონალურ მონაცემთა დაცვის პოლიტიკის შესაბამისად.
- ინფორმაცია გეოგრაფიული ადგილსამყოფელის შესახებ: მომხმარებლების თანხმობის საფუძველზე, ,,გლოვო“ დაამუშავებს მონაცემებს მომხმარებელთა ადგილსამყოფელის, მათ შორის, მომხმარებელთა კომპიუტერის ან/და მობილური მოწყობილობის ფაქტობრივი გეოგრაფიული ადგილსამყოფელის შესახებ.
რა მიზნით ხდება ინფორმაციის შენახვა?
1. ,,გლოვო“-ს პლატფორმის გამოყენება;
1.1 ,,გლოვო“ ამუშავებს მომხმარებლების მონაცემებს, რათა მათ შეძლონ ,,გლოვოს“ პლატფორმაზე წვდომა და მომსახურების მიღება პლატფორმის ,,მოხმარების წესების” შესაბამისად. მომხმარებლის შეკვეთების განხორციელებისას, ინფორმაციის დამუშავება ხდება შემდეგი პირების მიერ:
- კურიერის მიერ, რომელიც ასრულებს პროდუქტის მიწოდების სერვისს;
- პროდუქტის გამყიდველი/მიმწოდებელი ორგანიზაციის მიერ, თუ მომხმარებელი ითხოვს პროდუქტის შეძენას მესამე პირისგან;
- მომხმარებელთა ზრუნვის სერვისის მიერ, რომელთანაც სახელშეკრულებო ურთიერთობებში იმყოფება ,,გლოვო“, მომხმარებლისთვის ყველა შესაძლო ინციდენტის შესახებ ინფორმაციის მიწოდების და მომხმარებლების მიერ გაკეთებული უარყოფითი შეფასებების გამოკვლევის მიზნით. ,,გლოვო“ უფლებამოსილია, დაამუშავოს მონაცემები, მომსახურების მიწოდებასთან დაკავშირებული ხარვეზების აღმოფხვრის მიზნით.
- ინფორმაციის შენახვა ხდება მომხმარებლებისთვის პლატფორმაზე გაკეთებული შეკვეთების დასათვალიერებლად და მომხმარებლების მიერ ,,გლოვოს“ სერვისის შესაფასებლად.
- „გადახდის პლატფორმის“ მიერ, რათა თანხის ჩამოჭრა მოხდეს მომხმარებლის ანგარიშიდან.
1.2. ,,გლოვო“ უფლებამოსილია გამოიყენოს მომხმარებლების მიერ მიწოდებები პერსონალური მონაცემები სერვისთან დაკავშირებული ინფორმაციის მომხმარებლებისთვის მისაწოდებლად ელექტრონული ფოსტის ან/და სმს-შეტყობინების მეშვეობით.
,,გლოვო“ სმს შეტყობინებით მომხმარებლებს უგზავნის ინფორმაციას შეკვეთის სტატუსის შესახებ. შეკვეთის დასრულების შემდეგ, ,,გლოვო“ მომხმარებელს ელექტრონული ფოსტის მეშვეობით აწვდის ინფორმაციას შეკვეთის დაჯამებული/დასრულებული ფასის შესახებ. პლატფორმაზე რეგისტრაცია ითვლება მომხმარებლის თანხმობად წინამდებარე პერსონალურ მონაცემთა დაცვის პოლიტკაზე და გულისხმობს, ,,გლოვოსთვის“ ზემოაღნიშნული კომუნიკაციის განხორციელების უფლების მინიჭებას.
1.3. ,,გლოვო“ იყენებს ინფორმაციას, რომ გამოიკვლიოს/გაანალიზოს მის მიერ მომხმარებლებისთვის მიწოდებული სერვისის (მისი მახასიათებლების) გაუმჯობესების გზები.
,,გლოვო“ ამუშავებს ინფორმაციას სტატისტიკური მიზნებისთვისაც, რათა გაანალიზოს მომხმარებლის ქცევები/ტრენდები, გაეცნოს, როგორ იყენებენ მომხმარებლები ,,გლოვოს“ პლატფორმას, გააუმჯობესოს მიწოდებული სერვისები და შექმნას ახალი სერვისების დამატების შესაძლებლობა.
ზემოაღნიშნული მონაცემების დამუშავების მიზანია ,,გლოვოს“ პლატფორმაზე რეგისტრაციისას ,,გლოვოსა“ და მომხმარებლებს შორის დადებული ხელშეკრულების შესრულება.
მაშასადამე, ამ ხელშეკრულების განხორციელება არის ლეგიტიმური საფუძველი „გლოვოს“ ან/და მესამე პირების მიერ ხსენებული მონაცემების დასამუშავებლად და მომხმარებლებისთვის შესაბამისი მომსახურების გასაწევად.
2. უზრუნველყონ უსაფრთოხება და შესაბამისი გარემოს შექმნა სერვისის უსაფრთხოდ მისაწოდებლად
2.1. ,,გლოვო“ უფლებამოსილია, დაამუშაოს ინფორმაცია, „გლოვოს“ პლატფორმაზე მოთხოვნილი პროდუქტებს/სერვისების უსაფრთხოდ მიწოდების უზრუნველსაყოფად (ფარმაცევტული/სამედიცინო რჩევის მიცემა და უზრუნველყოფა, რომ პროდუქტის მიწოდება ხდება 18 წელს შესრულებულ პირებთან).
მაგალითად: როცა ,,გლოვო“ ფარმაცევტული პრეპარატების მიწოდებისას თამაშობს შუამავლის როლ სდა როცა მომხმარებელი სტუმრობს ,,გლოვოს“ პლატფორმის საფარმაციო ნაწილს, იგი უფლებამოსილებას ანიჭებს ,,გლოვოს“, საჭიროების შემთხვევაში ფარმაცევტს გადასცეს მომხმარებლის პერსონალური მონაცემები. ფარმაცევტი თავის მხრივ უზრუნველყოფს ფარმაცევტული პრეპარატის მიმწოდებელთან დაკავშირებას და შესაბამისი ინფორმაციის მიწოდებას პროდუქტის მისაღებად.
2.2. „გლოვო“ უფლებამოსილია, დაამუშავოს მომხმარებელთა ინფორმაცია დანაშაულის გამოვლენის მიზნით და პლატფორმით სარგებლობის წესების პოტენციური დარღვევის თავიდან აცილების მიზნით. ამ უკანასკნელის განსახორციელებლად ,,გლოვო“ უფლებამოსილია, მომხმარებელთა მონაცემები გადასცეს იმ პლატფორმებს, რომლებიც დანაშაულებრივ ქმედებებს იძიებენ/იკვლევენ.
,,გლოვო“ უფლებამოსილია, დაამუშავოს მომხმარებლების მიერ მიწოდებული ინფორმაცია ზემოხსენებული ლეგიტიმური საუფუძვლით, პლატფორმის უსაფრთხოდ გამოყენების მიზნით, მოქმედ კანონმდებლობასთან შესაბამისობის უზრუნველსაყოფად და მომსახურების უსაფრთხოდ მისაწოდებლად.
3. დაწინაურება და კომერციული შეთავაზებები (კავშირზე და კავშირს გარეთ)
„გლოვო“ იყენებს პლატფორმაზე ინტეგრირებულ მესამე პირების ტექნოლოგიების მომხმარებელთა პრეფერენციების გამოკვლევის მიზნით და მოიხმარს მათ სიარ სისტემასთან და უმაღლესი დონის ტექნოლოგიებთან ერთად მომხმარებელთა ინტერესების სასარგებლოდ.
ზემოაღნიშნული ხორციელდება შეგროვებული ინფორმაციის საფუძველზე:
3.1. ,,გლოვო“ უფლებამოსილია, მომხმარებლებს ელექტრონული ფოსტის მეშვეობით გაუგზავნოს სარეკლამო წერილები და სერვისთან დაკავშირებული სხვა შეთავაზებები, რომლებიც შესაძლოა, წარმოადგენდეს მომხმარებლების ინტერესთა სფეროს. ,,გლოვო“ უფლებამოსილია რეკლამის ფორმა და შინაარსი შეუსაბამოს მომხმარებლის პრეფერენციებს. თუ ,,გლოვოს“ მომხმარებელს არ სურს მსგავსი ინფორმაციის და სარეკლამო შეტყობინებების მიღება, იგი უფლებამოსილია ნებისმიერ დროს გააუქმოს გამოწერა ელექტრონული ფოსტის მეშვეობით. აღნიშნულის განხორციელების შემთხვევაში ,,გლოვო“ ავტომატურად შეწყვეტს მსგავსი შინაარსის მქონე შეტყობინებების გაგზავნას.
3.2. ,,გლოვო“ ასევე უფლებამოსილია, რომ მომხმარებლებს გაუგზავნოს მომსახურებასთან დაკავშირებული მობილური შეტყობინებები/შეთავაზებები, ,,ფუშ შეტყობინებების“ მეშვეობით. თუ ,,გლოვოს“ მომხმარებლებს არ სურთ წინამდებარე მუხლით და 3.1. მუხლით გათვალისწინებული ინფორმაციის მიღება, მათ შეუძლიათ პირადი გვერდის კონფიდენციალურობის პრეფერენციების მეშვეობით გააუქმონ გამოწერები.
3.3. ,,გლოვო“ და ,,გლოვოსთან“ დაკავშირებული მესამე პირები უფლებამოსილნი არიან გამოიყენონ მომხმარებლის მიერ მიწოდებული მისამართი სარეკლამო მიზნებისთვის: მათი ინტერესების გათვალისწინებით, განხორციელებულ შეკვეთასთან ერთად პროდუქციის ნიმუშების და სხვა უფასო პროდუქტების მისაწოდებლად (მაგალითად, უფასო ნიმუშების ან სარეკლამო ბუკლეტების მიტანა სახლის მისამართზე).
3.4. ,,გლოვოს“ პლატფორმის გამოყენების შედეგად, მომხმარებლებმა შეიძლება მიიღონ შეტყობინებები ,,გლოვოს“ პლატფორმასთან დაკავშირებული სხვა პლატფორმებისგან, (მაგალითად, Facebook და Google), მომხმარებლების მიერ განთავსებული კონფიდენციალურობის პრეფერენციების შესაბამისად.
მარკეტინგული აქტივობების განხორციელებისას ინფორმაცია უნდა დამუშავდეს ,,გლოვოს“ ლეგიტიმური ინტერესის გათვალისწინებით, მომხმარებელთა ინტერესების სასარგებლოდ. თუ მომხმარებლებს არ სურთ ,,გლოვოსგან“ დამატებითი ნიმუშების მიღება, ისინი უფლებამოსილნი არიან, კონფიდენციალურობის მართვის ცენტრის მეშვეობით გააუქმონ ონლაინ მარკეტინგული სერვისი ან წაშალონ პირადი გვერდი.
4. მომხმარებლის ინფორმაციის გაზიარება მესამე პირებთან
4.1. ზემოხსენებული 3.4. მუხლის შესაბამისად, თუ მომხმარებელი „გლოვოს“ ანგარიშს აკავშირებს რომელიმე სოციალურ ქსელთან ან სხვა პლატფორმასთან, ,,გლოვო“ უფლებამოსილია ასეთი სოციალური ქსელისთვის/პლატფორმისთვის მიწოდებული ინფორმაცია დაამუშაოს მხოლოდ იმ შემთხვევაში, თუ ,,გლოვოსთვის“ ინფორმაციის გაზიარება მოხდა სოციალური ქსელის/პლატფორმის კონფიდენციალურობის პოლიტიკის დაცვით.
4.2. მომხმარებლები აცხადებენ თანხმობას, რომ ,,გლოვოს“ საკუთრებაში არსებული ქონების ან ქონების დიდი ნაწილის მესამე პირების მიერ შეძენის შემთხვევაში, ,,გლოვო“ შემძენ პირს გადასცემს მის ხელთ არსებულ მონაცემებს, რათა მესამე პირმა შეძლოს ინფორმაციის დამუშავება მომსახურების მიწოდების მიზნით. ,,გლოვო“ აცხადებს, რომ ზედამხედველობაზე უფლებამოსილ ორგანოს მიაწვდის ინფორმაციას შეცვლილ გარემოებებზე და მომხმარებლებს შეატყობინებს ,,ფაილ მაკონტროლებლის“ ახალი ვინაობის შესახებ. ამ უკანასკნელს ,,გლოვო“ ახორციელებს მომხმარებლების მიერ ,,გლოვოსთან“ დადებული ხელშეკრულების საფუძველზე.
4.3. მომხმარებლის მიერ ,,გლოვოს“ პლატფორმაზე შეტანილი საკრედიტო ბარათის მონაცემები ინახება ,,საგადასახადო პლატფორმაზე“, რომლის მეშვეობითაც მომხმარებლის ანგარიშიდან ხდება მომსახურების საფასურის ჩამოჭრა. აღნიშნული ხორციელდება ,,გლოვოს“ პლატფორმის ,,მოხმარების პირობების“ დაცვით, მომხმარებელსა და ,,გლოვოს“ შორის დადებული ხელშეკრულების მიზნის მისაღწევად.
4.4. ,,გლოვო“ უფლებამოსილია, მომხმარებლის ნათლად გამოხატული თანხმობის საფუძველზე, მომხმარებლის პირადი მონაცემები გადასცეს ,,გლოვოსთან“ დაკავშირებულ მესამე პირებს.
ავრცელებს თუ არა „გლოვო“ შეგროვებულ ინფორმაციის?
როგორც წინა სექციაშია ნახსენები, „გლოვოს“ მიერ შეგროვებული პერსონალური მონაცემები გამოყენებული იქნება მხოლოდ „გამოყენების პირობებით“ გათვალისწინებული მიზნების მისაღწევად.
სახელშეკრულებო ურთიერთობის სათანადო შესრულებისა და მომსახურების სრულყოფილად გაწევის მიზნით, აგრეთვე თავისი ლეგიტიმური ინტერესის შესაბამისად, „გლოვო“ გაუზიარებს მომხმარებელთა პერსონალურ მონაცემებს:
- მომსახურების პროვაიდერებს: მომსახურების პროვაიდერ მესამე პირებს, რომლებიც აგზავნიან ამანათებს, ასრულებენ შეკვეთებს ან/და უმკლავდებიან მიწოდებასთან დაკავშირებულ შემთხვევებს, თავიანთი ფუნქციების შესრულებისას საჭიროებისამებრ ექნებათ წვდომა მომხმარებელთა პერსონალურ ინფორმაციაზე, თუმცა მათ არ აქვთ აღნიშნული ინფორმაციის სხვა მიზნებისთვის გამოყენების უფლებამოსილება. ისინი ვალდებულნი არიან გადაამუშაონ ზემოთხსენებული პერსონალური ინფორმაცია „კონფიდენციალური ინფორმაციის დაცვის პოლიტიკისა“ და მონაცემთა დაცვის შესახებ არსებული კანონმდებლობის შესაბამისად.
- მიმწოდებლები, რომელთანაც „გლოვოს“ კომერციული შეთანხმება აქვს დადებული, უფლებამოსილნი არიან გამოიყენონ „გლოვო“ ვებ. გვერდისა და აპლიკაციის საშუალებით, რათა უზრუნველყონ პროდუქტების პირადად შეძენა იმ მაღაზიებში, რომელთანაც „გლოვოს“ კომერციული შეთანხმება აქვს დადებული. ასეთ დროს, შესაბამის მაღაზიას ტრანზაქციის განხორციელების ხელშეწყობის მიზნით შესაძლოა გადაეცეს მომხმარებლის სახელი და ტელეფონის ნომერი. თუკი მომხმარებელი პირდაპირ დადებს ხელშეკრულებას მიმწოდებლებთან და შესაბამისად პირდაპირ გაუზიარებს მას თავის პერსონალურ მონაცემებს, „გლოვო“ არ იქნება პასუხისმგებელი პროვაიდერის მიერ ამ ინფორმაციის შემდგომში გამოყენებით დამდგარ შედეგზე.
- მომხმარებლებმა შეკვეთის დადასტურების, პროდუქტის უკან დაბრუნების, შეკვეთის შეფასების ან შეკვეთის აღწერის მიზნით შესაძლოა მიიღონ წერილები „გლოვოსგან“ ან/და მაღაზიისგან ელ. ფოსტის მეშვეობით. მაღაზიებს არ აქვთ უფლებამოსილება მიიღონ ან მოითხოვონ „მომხმარებელთა“ საკრედიტო ბარათების მონაცემების შესახებ ინფორმაციის მიიღება. „კონფიდენციალური ინფორმაციის დაცვის პოლიტიკის“ ნორმები არ ვრცელდება „გლოვოს“ კონტროლს მიღმა მომხმარებელთა მიერ მაღაზიისთვის მოწოდებულ ინფორმაციაზე.
- აფთიაქები: თუკი მომხმარებელი ფარმაცევტული მომსახურების მოქმედი კანონმდებლობის შესაბამისად მიღების მიზნით ნათლად და გარკვევით განაცხადებს თანხმობას, „გლოვო“ უფლებამოსილია მიაწოდოს მომხმარებლის სახელი და ტელეფონის ნომერი აფთიაქარს, რომელმაც მომხმარებელს უნდა გამოუწეროს პროდუქტი.
- „გლოვო“ გარანტიას იძლევა რომ ყველა კომერციული პარტნიორი, ტექნიკოსი, მომწოდებელი და ნებისმიერი სხვა დამოუკიდებელი მესამე პირი შებოჭილი იქნება სახელშეკრულებო პირობების საფუძველზე, რათა შეეძლოთ მათთვის მიწოდებული ინფორმაციის „გლოვოს“ მოთხოვნების, „კონფიდენციალური ინფორმაციის დაცვის პოლიტიკისა“ და მონაცემთა დაცვის კანონმდებლობის შესაბამისად გადამუშავება.
- მომსახურების პროვაიდერების შერჩევისას, „გლოვო“ უფლებამოსილია გადააგზავნოს მომხმარებელთა მონაცემები ევროპული ეკონომიკური ზონის საზღვრებს გარეთ. მონაცემების გაგზავნამდე „გლოვო“ ვალდებულია უზრუნველყოს, რომ მომსახურების პროვაიდერები იმოქმედებენ ევროკომისიის მიერ დადგენილი უსაფრთხოების მინიმალური სტანდარტების შესაბამისად და რომ ისინი ყოველთვის გადაამუშავებენ მონაცემებს „გლოვოს“ ინსტრუქციების შესაბამისად. „გლოვოს“ მათთან შესაძლოა ჰქონდეს სახელშეკრულებო ურთიერთობა, რომლის თანახმადაც პროვაიდერები თანახმა არიან იმოქმედონ „გლოვოს“ ინსტრუქციების შესაბამისად და მომხმარებელთა მონაცემების დასაცავად უზრუნველყონ აუცილებელი უსაფრთხოების ზომების მიღება.
- უსაფრთხოების კომპანიები, სამართალ აღსრულების ორგანოები და სააგენტოები: „გლოვო“ უფლებამოსილია გაამჟღავნოს კლიენტთა ანგარიშების შესახებ მონაცემები და ინფორმაცია, თუკი სჯერა, რომ ამგვარი გამჟღავნება აუცილებელია კანონის მოთხოვნათა შესასრულებლად, „მოხმარების პირობების“ გამოსაყენებლად და აღსასრულებლად, ან „გლოვოს“, მისი მომხმარებლებისა და მესამე პირების უფლებების, საკუთრების ან უსაფრთხოების დასაცავად. ამგვარად, ზემოთხსენებული შეიცავს სხვა კომპანიებთან, ორგანიზაციებთან, სამართალ აღსრულების ორგანოებთან და სააგენტოებთან ინფორმაციის გაცვლის წესებს, რათა უზრუნველყოს თაღლითობის თავიდან აცილება და შეამციროს კრედიტის რისკი.
- გადახდის საშუალება: „გლოვო“ არ ინახავს მომხმარებელთა საკრედიტო ბარათების მონაცემებს. თუმცა, საკრედიტო/დებიტ ბარათების საიდენტიფიკაციო მონაცემები (ნომერი და ვადის ამოწურვის თარიღი) ინახება „გლოვოს“ მიერ შერჩეული გადახდის მომსახურების პროვაიდერის მიერ, რომელსაც მიღებული აქვს PCI -თან შესაბამისობაში მყოფი მაღალი დონის უსაფრთხოების ზომები გადახდის ბარათის ინდუსტრიის უსაფრთხოების სტანდარტის ან PCI DSS-ს შესაბამისად. თუ მომხმარებელი მოითხოვს მის პროფილზე არსებული გადახდის მეთოდთან დაკავშირებული ინფორმაციის წაშლას, მომსახურების პროვაიდერი მესამე პირი ვალდებულია წაშალოს ამგვარი ინფორმაცია თავისი სერვერებიდან.
- კანონით დადგენილ შემთხვევებში „გლოვო“ უფლებამოსილია გაამჟღავნოს ინფორმაცია სახელმწიფოს აღმასრულებელი ორგანოების ან მესამე პირების წინაშე, თუ ეს საჭიროა სისხლის სამართლის გამოძიების ჩატარების ან და სავარაუდო უკანონო მოქმედებების აღსაკვეთად.
- „გლოვოს“ ჯგუფის კომპანიები: მომსახურების მიწოდების მიზნით, „გლოვო“ უფლებამოსილია მომხმარებლის მიერ მომსახურების განხორციელების ადგილმდებარეობის შესაბამისად გადასცეს მომხმარებელთა ზოგიერთი პირადი მონაცემი თავის შვილობილ კომპანიას. ნებისმიერი ქვეყნის პლატფორმაზე რეგისტრაციისას, სადაც „გლოვო“ თავის საქმიანობას ახორციელებს, მომხმარებლები ინფორმირებულები არიან, რომ მათი მონაცემები შეინახება „გლოვოს“ მონაცემთა ბაზაში. ეს უკანასკნელი მდებარეობს ირლანდიაში და მიეკუთვნება „გლოვოს“ ესპანურ კომპანიას. იმ შემთხვევაში, თუ შვილობილი კომპანია მდებარეობს ევროპის ეკონომიკური ზონის საზღვრებს გარეთ, მონაცემები გადაიგზავნება ევროკომისიისა და ევროკავშირის მონაცემთა დაცვის რეგულაციით დადგენილი წესებით მონაცემთა დაცვის შესაფერისი დონის მქონე ქვეყნებში, ან ევროკომისიის მიერ მოწონებული ხელშეკრულებების მეშვეობით, რომელიც უზრუნველყოფს მონაცემთა სუბიექტის უფლებათა დაცვასა და მისთვის შესაბამისი გარანტიების მიცემას.
- ქოლ-ცენტრი და უბედურ შემთხვევათა მართვის მომსახურება: მომხმარებლისთვის მომსახურების გაწევის მიზნით, მომხმარებელთა წინასწარი თანხმობის შემთხვევაში „გლოვო“ უფლებამოსილია უსაფრთხოების ზომების დაცვით ევროპის ეკონომიკური ზონის საზღვრებს გარეთ არსებულ კომპანიებს მიაწოდოს მომხმარებელთა პირადი მონაცემები, რათა უზრუნველყოს ადმინისტრაციული დახმარების მომსახურების გაწევა და მომხმარებელთა მოთხოვნილებების სრულად დაკმაყოფილება.
- მომსახურების მიწოდება თაღლითობის კონტროლის მიზნით: „გლოვო“ მომხმარებელთა მონაცემებს გაუზიარებს თაღლითობის პრევენციის მიზნით არსებულ პროვაიდერებს, რათა მათ შეძლონ განხორციელებულ ტრანზაქციებთან დაკავშირებული რისკების შეფასება.
- ზოგიერთ მონაცემზე ანონიმურობის დადგენის მომსახურების პროვაიდერი: მომხმარებელთა მონაცემების პროვაიდერი მესამე პირების მიერ პირადი მონაცემების არასწორი გამოყენების პრევენციის მიზნით, „გლოვო“ უფლებამოსილია დაფაროს მომხმარებელთა ზოგიერთი მონაცემი და გამოიყენოს ისინი ანონიმური სახით. მაგალითად, „გლოვო“ უფლებამოსილია ანონიმურობის დადგენის მიზნით გადაცეს მომხმარებელთა ტელეფონის ნომრები მესამე პირებს და მხოლოდ ამის შემდეგ მიაწოდოს ინფორმაცია პროვაიდერებს, რათა მათ შეძლონ მომხმარებელთან დადებული ხელშეკრულებით გათვალისიწინებული მომსახურების განხორციელება.
- „გლოვოს“ მომხმარებელთა მონაცემები ინახება „ამაზონ ვებ სერვისის, ინქ.“-ის სერვერებზე, რომელიც ხელშეკრულების საფუძველზე განთავსებულია ირლანდიაში. „გლოვო“ ადასტურებს, რომ ზემოთხსენებული სერვერები შეესაბამება მონაცემთა დაცვის შესახებ კანონმდებლობასა და პერსონალურ მონაცემთა დაცვის პოლიტიკით დადგენილ ნორმებს. მომხმარებლები „გლოვოს“ ჯგუფის შვილობილ კომპანიებს ანიჭებენ მათ პერსონალურ მონაცემებზე ნებისმიერი ტერიტორიიდან წვდომის უფლებამოსილებას.
- „გლოვოს“ მომხმარებლების მონაცემების მესამე პირების წინაშე გამჟღავნება აკრძალულია, გარდა იმ შემთხვევისა, როდესაც: (i) „გლოვო“ მესამე პირებთან ერთად მოქმედებს და გამჟღავნება აუცილებელია მოთხოვნილი მომსახურების გასაწევად; (ii) „გლოვოს“ აქვს მომხმარებლის ნათლად და არაორაზროვნად გამოხატული თანხმობა; (iii) შესაბამისი სახელმწიფო ორგანოები თავისი უფლებამოსილებიდან გამომდინარე ითხოვენ გამჟღავნებას (გამოძიების ჩატარების, უკანონო ქმედებათა აღკვეთისა და სხვა ამგვარი მოქმედებების ჩატარების მიზნით); ან (iv) ამას კანონმდებლობა ითვალისწინებს.
- მომხმარებელთა თანხმობით: ზემოთხსენებულის გარდა, მომხმარებლები ინფორმირებულნი იქნებიან მათი პირადი მონაცემების „მოხმარების პირობების“ გარდა სხვა მიზნებით „გლოვოს“ პლატფორმის ან/და ვებ. გვერდის კომერციული პარტნიორების წინაშე გამჟღავნების შესახებ, რათა მათ ჰქონდეთ ამ ინფორმაციის გამჟღავნებასთან დაკავშირებით გადაწყვეტილების მიღების შესაძლებლობა.
- მომხმარებელთა თანხმობით: მომხმარებლის მიერ წინასწარ, ნათლად და არაორაზროვნად გაცემული თანხმობის შემთხვევაში, ინფორმაცია შესაძლოა გამჟღავნდეს მესამე პირების წინაშე, რომლებიც არ წარმოადგენენ „გლოვოს“ კომერციულ პარტნიორებს ან მასთან დაკავშირებული პირებს.
- ზემოთხსენებულ მონაცემთა გამჟღავნებაში არ იგულისხმება პერსონალურ მონაცემთა დაცვის პოლიტიკით გათვალისწინებული ვალდებულებების საწინააღმდეგოდ კლიენტის პირადი მონაცემების გაყიდვა, გაქირავება ან ნებისმიერი სხვა სახით გაზიარება.
რა უფლებებით სარგებლობენ მომხმარებლები?
- რა დროით ინახება პირადი მონაცემები?
პირადი მონაცემები ინახება ბოლო ინტერაქციიდან 24 თვის განმავლობაში, გარდა იმ შემთხვევებისა როცა მონაცემების შინაარსი დაუყოვნებლივ მოითხოვს მის წაშლას.
თუ მომხმარებელი არ ეთანხმება/პირდაპირ უარს ამბობს მონაცემთა დამუშავებაზე, მონაცემები დაიბლოკება, აღარ მოხდება მისი შემდგომი დამუშავება და შეინახება მხოლოდ 4 წლით პოტენციური საჩივრებისგან თავდაცვის მიზნით.
მომხმარებლებს უფლება აქვთ ნებისმიერ დროს გამოითხოვონ თანხმობა ,,გლოვოს“ მიერ მათი პირადი მონაცემების დამუშავების თაობაზე. აღნიშნულის განსახორციელებლად მათ უნდა შეავსონ და გამოაგზავნონ www.glovoapp.com/es/contact მისამართზე განთავსებული საკონტაქტო ფორმა. მომხმარებლები აცნობიერებენ, რომ თანხმობის გამოთხოვის შემთხვევაში, ,,გლოვო“ ვეღარ შეძლებს მომხმარებლებისთვის შესაბამისი სერვისების მიწოდებას.
- რა სახის ინფორმაციაზე აქვთ წვდომა მომხმარებლებს?
,,გლოვო“ უფლებამოსილებას ანიჭებს მომხმარებლებს, რომ დიდი ოდენობით ფლობდნენ www.glovoapp.com განთავსებულ ინფორმაციას მათი ანგარიშების და ტრანზაქციების შესახებ, გაეცნონ ინფორმაციას და დაარედაქტირონ იგი.
ნებისმიერ მომხმარებელს შეუძლია, წვდომა ჰქონდეს საკუთარ ანგარიშზე, შეიტანოს მასში დამატებები და დაარედაქტიროს იგი პირადი შეხედულებისამებრ.
როგორც ზევით აღინიშნა, მომხმარებლებს შეუძლიათ, რომ შექმნან პირადი ანგარიში Facebook-ის მეშვეობით. მომხმარებლების მიერ მოწოდებული ინფორმაცია განთავსდება მომხმარებლის პირად გვერდზე და მომხმარებლები ყოველთვის შეძლებენ მასში ცვლილებების შეტანას ,,რედაქტირება“ ღილაკის მეშვეობით.
- ინფორმაციაზე წვდომა, რედაქტირება, წაშლა, ინფორმაციის დამუშავების შეზღუდვა, საჩივრები და ინფორმაციის პორტაბელურობა
ინფორმაციაზე წვდომის უფლება გულისხმობს მომხმარებელთა უფლებას, ,,გლოვოსგან“ შეიტყონ რა სახის მონაცემების დამუშავება ხდება ევროკავშირის მონაცემთა დაცვის რეგულაციის მე-15 მუხლში მითითებულ ინფორმაციასთან ერთად.
ევროკავშირის მონაცემთა დაცვის რეგულაციის მე-16 მუხლის თანახმად, მომხმარებლები უფლებამოსილნი არიან, მოსთხოვონ „გლოვოს“ მონაცემთა ბაზაში დაცული არასრული ინფორმაციის რედაქტირება.
ინფორმაციის წაშლის უფლება მოიცავს მომხმარებელთა უფლებას, მოსთხოვონ ,,გლოვოს“ ინფორმაციის წაშლა ევროკავშირის მონაცემთა დაცვის რეგულაციის მე-17 მუხლის შესაბამისად.
მომხმარებელთა მოთხოვნის საფუძველზე, ,,გლოვო“ შეზღუდავს ინფორმაციის დამუშავებას ევროკავშირის მონაცემთა დაცვის რეგულაციის მე-18 მუხლის პირობების დაცვით.
ევროკავშირის მონაცემთა დაცვის რეგულაციის მე-20 მუხლი მომხმარებლებს ანიჭებს უფლებამოსილებას, რომ მოსთხოვონ ,,გლოვოს“ ინფორმაციის მიწოდება სტრუქტურირებულ და წასაკითხად მათთვის მოსახერხებელ ფორმატში ან/და მოსთხოვონ ,,გლოვოს“ ამ ინფორმაციის გადაგზავნა სხვა ,,ფაილ-მაკონტროლებთან“.
მომხმარებლები ასევე უფლებამოსილნი არიან, გააპროტესტონ ,,გლოვოს“ მიერ მათი მონაცემების დამუშავება ევროკავშირის მონაცემთა დაცვის რეგულაციის 21-ე მუხლის შესაბამისად.
გამომდინარე იქიდან, რომ ზემოხსენებული უფლებების განხორციელება ატარებს პერსონალურ ხასიათს, მნიშვნელოვანია უფლების განმახორციელებელი პირების ვინაობის ზუსტი იდენტიფიცირება. კერძოდ, ამ უფლებებით სარგებლობა შეიძლება მხოლოდ ,,გლოვოსთვის“ წერილობით მიმართვით, ,,საკონტაქტო ფორმის“ მეშვეობით ან/და ,,გლოვოს’’ ოფისებში ადგილზე მისვლით. წერილობით მიმართვას თან უნდა ერთოდეს განმცხადებლის ხელმოწერა, მისი მისამართი, პირადობის მოწმობა ან/და ვინაობის დამადასტურებელი სხვა სახის დოკუმენტი.
რა ალტერნატივებს ვთავაზობთ მომხმარებლებს?
თანახმად ზემოხსენებულისა, მომხმარებელი უფლებამოსილია მისი სურვილისებრ შეწყვიტოს ,,გლოვოსგან“ ელექტრონული საფოსტო გზავნილების მიღება, ,,თქვენ შეგიძლიათ გააუქმოთ გამოწერები“-ის ღილაკის მეშვეობით.
ასევე, მომხმარებლებს შეუძლიათ, ,,გლოვოს“ არ მიაწოდონ ინფორმაცია მათი გეოგრაფიული ადგილსამყოფელის შესახებ. მობილური აპლიკაციების უმრავლესობა მომხმარებლებს აძლევს შესაძლებლობას, არ გააზიარონ თავიანთი ადგილმდებარეობა. აღნიშნულის განხორციელება, როგორც წესი, ხდება მომხმარებლის ხელსაწყოს სამართავი სისტემის ნაწილიდან. თუ თქვენ არ იცით, როგორ გამორთოთ ადგილმდებარეობის გაზიარების ფუნქცია თქვენს ხელსაწყოში, დაუკავშირდით თქვენი ხელსაწყოს მწარმოებელს ან სერვის ოპერატორს.
ზემოაღნიშნული უფლებების გარდა, მომხმარებლები უფლებამოსილნი არიან, თავიანთი მოთხოვნებით მიმართონ ზედამხედველობაზე უფლებამოსილ ორგანოს.
როგორ ვიცავთ მომხმარებელთა მონაცემებს?
არაუფლებამოსილი პირების მიერ პერსონალურ მონაცემებზე წვდომის, მასში ცვლილებების შეტანის, გადამუშავების და მონაცემთა დაკარგვის თავიდან ასაცილებლად, ,,გლოვომ“ ევროკომისიის და სხვა უფლებამოსილი ორგანოების რეკომენდაციების შესაბამისად და პერსონალური მონაცემების და ამ მონაცემთა დამუშავების მახასიათებლების გათვალისწინებით მიიღო ზომები უსაფრთოხების მაღალი ხარისხის უზრუნველსაყოფად. როგორც ზევით აღინიშნა, მომხმარებლების მიერ მოწოდებული ინფორმაცია არ გადაეცემათ მესამე პირებს მომხმარებლის თანხმობის გარეშე.
შეტყობინებების მიღება და ცვლილებების შეტანა
ყველა მომხმარებელს აქვს უფლება, ჰქონდეს წვდომა მის მონაცემებზე, განაახლოს ან/და წაშალოს იგი და ასევე, გამოხატოს პრეტენზიები. ამ უფლების განხორცილება ან/და ,,გლოვოს“ „პერსონალურ მონაცემთა დაცვის წესებთან“ დაკავშირებით მოთხოვნების გაგზავნა შესაძლებელია ,,საკონტაქტო ფორმის“ მეშვეობით.
,,გლოვოს“ სერვისების მუდმივი განახლების შედეგად, წინამდებარე ,,პერსონალურ მონაცემთა დაცვის წესებში“, ,,ქუქის გამოყენების წესებსა“ და ,,მოხმარების პირობებში“ შესაძლებელია, განხორციელდეს შესაბამისი ცვლილებები. არსებითი ცვლილებების განხორცილების შემთხვევაში, ,,გლოვო“ შეტყობინებას გაუგზავნის მომხმარებლებს ელექტრონული ფოსტის მეშვეობით ან სხვა ისეთი ფორმით, რომელიც უზრუნველყოფს მომხმარებლების მიერ შესაბამისი გზავნილის მიღებას. ,,გლოვო“ ზემოაღნიშნულ წესებში არ შეიტანს ისეთ ცვლილებებს, რომლებმაც შეიძლება გამოიწვიოს მომხმარებელთა მონაცემების დაცვის არაეფექტურობა.
ამ წესების ესპანურ ვერსიასა და წინამდებარე თარგმანს შორის შეუსაბამობის შემთხვევაში, უპირატესობა ენიჭება ესპანურ ვერსიას.