გამოყენებისა და ხელშეკრულების დადების ძირითადი წესები და პირობები

ბოლო განახლების თარიღი: 2022 წლის 23 დეკემბერი

გამოყენების წინამდებარე ძირითადი პირობები და სამართლებრივი ინფორმაცია (შემდგომში, „ძირითადი პირობები“) შეეხება Glovoapp23, S.A.-ის ვებსაიტს (შემდგომში, “Glovo”), რომლის დომენიცაა  https://glovoapp.com და მასთან დაკავშირებულ მობილურ აპლიკაციას, ისევე, როგორც ნებისმიერ მასთან დაკავშირებულ საიტსა თუ საიტებს, რომლებსაც ბმული გაკეთებული აქვს https://glovoapp.com-იდან Glovo-ს მიერ, და აფილირებულ კომპანიებსა და პარტნიორებს, როგორც ეს გაწერილია დანართ I-ში, Glovo-ს მსოფლიო მასშტაბით არსებული საიტების ჩათვლით (შემდგომში კოლექტიურად მოხსენიებული, როგორც „საიტი“). საიტი წარმოადგენს Glovo-ს საკუთრებას. ამ საიტის გამოყენებით, თქვენ იღებთ და მკაფიოდ ეთანხმებით გამოყენების წინამდებარე წესებსა და პირობებს. იმ შემთხვევაში, თუ არ ეთანხმებით, გთხოვთ, თავი შეიკავოთ მისი გამოყენებისგან.

Glovo ამგვარად ხდის Glovo-ს საიტსა და მობილურ აპლიკაციას (შემდგომში და ერთობლივად, „პლატფორმა“) ხელმისაწვდომს მომხმარებელთათვის (შემდგომში, „მომხმარებელი“ ან „მომხმარებლები“).

მოქმედი კანონმდებლობის დებულებათა შესაბამისად, საიტის მფლობელის საიდენტიფიკაციო მონაცემები მოცემულია ქვემოთ:

• კომპანიის დასახელება: Glovoapp23, S.A.
• იურიდიული მისამართი: C/ Pallars 190, 08005 Barcelona.
• კომერციულ რეესტრში რეგისტრაციის მონაცემები: ოქმი 2014/1249, ტომი: 44467, ქაღალდის ფორმატი: 76, ფურცელი: 456858, ჩანაწერი: 1.
• საგადასახადო საიდენტიფიკაციო ნომერი (NIF): A66362906

1. მიზანი

Glovo წარმოადგენს ტექნოლოგიურ კომპანიას, რომლის ძირითადი საქმიანობაა ტექნოლოგიური პლატფორმის შემუშავება და მართვა, რისი მეშვეობითაც გარკვეულ ადგილობრივ მაღაზიებს მთელ რიგ ტერიტორიებზე შეუძლიათ თავიანთი პროდუქტის და/ან მომსახურების შეთავაზება პლატფორმაზე მობილური ან ვებ-აპლიკაციის საშუალებით (შემდგომში, „აპლიკაცია”) და, დამხმარე წესით, საჭიროების შემთხვევაში და თუ ამის მოთხოვნა აპლიკაციის საშუალებით ხდება ამ ადგილობრივი მაღაზიების მომხმარებლების მიერ, მოქმედებს, როგორც შუამავალი, პროდუქციის დაგეგმილი ან დაუყოვნებლივი მიწოდების თვალსაზრისით.

ამრიგად, Glovo-მ შეიმუშავა ,,პლატფორმა“, რომლის მეშვეობითაც მეწარმე სუბიექტებს, რომლებთანაც Glovo-ს შეუძლია იქონიოს სახელშეკრულებო ურთიერთობები, შეეძლებათ განახორციელონ თავიანთი პროდუქტის/მომსახურების შეთავაზება. „მომხმარებლებს“ შეუძლიათ მოითხოვონ ასეთი მეწარმეებისგან პროდუქტების შეძენა და/ან აღება პირადად, იმ მინდობილობის გამოყენებით, რომელსაც ისინი „პლატფორმის“ მეშვეობით შეკვეთისას გადასცემენ მესამე პირს. ასეთ შემთხვევებში, Glovo წარმოადგენს უბრალო შუამავალს და, შესაბამისად, არ არის უფლებამოსილი, აიღოს და არ იღებს პასუხისმგებლობას პროდუქტების ან გაწეული მომსახურების ხარისხზე, რომლის შეთავაზებასაც ახორციელებენ მეწარმე სუბიექტები ან სხვა მსგავსი მესამე პირები.

დამატებით, Glovo წარმოადგენს დისტანციური ელექტრონული საშუალებებით „მოთხოვნისთანავე“ მომსახურებათა შეძენის საშუამავლო მრავალკატეგორიულ „ტექნოლოგიურ პლატფორმას“. მისი მიზანია ნებისმიერი პირისთვის, რომელსაც ესაჭიროება დახმარება გარკვეული დავალებების შესრულებაში, მომსახურების შეძენა, პროდუქტების პირადად შეძენა და/ან აღება ადგილობრივი მეწარმე სუბიექტებისგან (შემდგომში, „მომხმარებლები“), გაამარტივოს აღნიშნული ქმედებების დელეგირება ისეთ მესამე პირებზე, რომლებიც მზად არიან, ნებაყოფლობით შეასრულონ მათთვის „მომხმარებელთა“ მიერ მინდობილობით გადაცემული ქმედებები (შემდგომში, „მინდობილი პირები“).

აქედან გამომდინარე, „მინდობილი პირები“ შეადგენენ თვითდასაქმებულ პროფესიონალთა ქსელს, რომლებიც თანამშრომლობენ Glovo-სთან. როდესაც მათ სურთ თავიანთი მომსახურების გაწევა, ისინი შედიან Glovo-ს „პლატფორმაზე“ და პასუხისმგებლობას იღებენ, დროის გარკვეული შუალედის განმავლობაში განახორციელონ მათთვის „მომხმარებლის“ მიერ მინდობილი მომსახურების მიწოდება, ზემოაღნიშნული მინდობილობის საფუძველზე. შედეგად, Glovo არ შეიძლება იყოს პასუხისმგებელი მიტანის დროზე, რადგან ეს დამოკიდებულია ადგილობრივი ობიექტების წარმატებულ ოპერაციებზე, შეკვეთების მომზადებაზე, „მინდობილ პირებსა“ და იმ ინფორმაციაზე, რომელსაც თავად „მომხმარებელი“ უთითებს შეკვეთის განთავსებისას ან მის ხელმისაწვდომობასა და მზადყოფნაზე შეკვეთის მიტანის დროს. აქედან გამომდინარე, „საიტზე“ წარმოდგენილ მიტანის დროებს მხოლოდ მიმთითებელი დანიშნულება გააჩნია.

ამრიგად, Glovo ადასტურებს, რომ მას გააჩნია ყველა საჭირო ნებართვა იმისათვის, რომ განახორციელოს კომერციული საქმიანობა ქვეყნებში, რომლებშიც იგი ოპერირებს.

წინამდებარე „გამოყენების ძირითად წესებში“, „მომხმარებლები“ და „მინდობილი პირები“ მოიხსენებიან, როგორც „პლატფორმის მომხმარებლები“.

2. გამოყენების წესები

„პლატფორმაზე“ შესვლითა და პროფილის ნებაყოფლობითი შექმნით, თითოეული „მომხმარებელი“ ნათლად და არაორაზროვნად ეთანხმება წინამდებარე „გამოყენებისა და ხელშეკრულების დადების ძირითად წესებსა და პირობებს“, „კონფიდენციალურობის დაცვის პოლიტიკასა“ და „Cookie-ფაილების პოლიტიკას“.

3. „მომხმარებელთა“ წვდომა და რეგისტრაცია

იმისათვის, რომ გახდეთ „პლატფორმის“ „მომხმარებელი“, აუცილებელია დააკმაყოფილოთ შემდეგი მოთხოვნები:

• „მომხმარებელი“ უნდა იყოს სულ ცოტა 18 წლის.
• „მომხმარებლებმა“ კეთილსინდისიერად უნდა შეავსონ სარეგისტრაციო ფორმის სავალდებულო ველები, რომლებიც ითხოვს ისეთ პერსონალურ ინფორმაციას, როგორიცაა „მომხმარებლის“ სახელი, ელფოსტის მისამართი, ტელეფონის ნომერი და საბანკო ბარათის ნომერი.
• მომხმარებლები უნდა დაეთანხმონ „გამოყენებისა და ხელშეკრულების დადების ძირითად წესებსა და პირობებს“.
• „მომხმარებლები“ უნდა დაეთანხმონ კონფიდენციალურობისა და მონაცემთა დაცვის პოლიტიკას.
• „მომხმარებლები“ უნდა დაეთანხმონ Cookie-ფაილების პოლიტიკას.

„მომხმარებელი“ იძლევა გარანტიას, რომ „პლატფორმისათვის“ საჭირო სარეგისტრაციო ფორმების მეშვეობით მის მიერ Glovo-სთვის მიწოდებული ინფორმაცია საკუთარი პიროვნებისა და ქმედუნარიანობის შესახებ არის სწორი, ზუსტი და სრულყოფილი. დამატებით, „მომხმარებლები“ იღებენ პასუხისმგებლობას, საკუთარი დეტალები არსებული რეალობის შესაბამისად განაახლონ.

იმ შემთხვევაში, თუ „მომხმარებელი“ წარმოადგენს მცდარ, არაზუსტ ან არასრულ ინფორმაციას, ან თუ Glovo გადაწყვეტს, რომ არსებობს ასეთი ინფორმაციის სისწორეში, სიზუსტესა და მთლიანობაში ეჭვის შეტანის საფუძველი, Glovo-მ შესაძლოა არ დაუშვას „მომხმარებლის“ მიერ „პლატფორმის“ ან მისი ნებისმიერი კონტენტის და/ან მომსახურების როგორც ამჟამინდელი, ისე სამომავლო გამოყენება.

„პლატფორმაზე“ რეგისტრაციისას, „მომხმარებლებმა“ უნდა შეარჩიონ მომხმარებლის სახელი და პაროლი. მომხმარებლის სახელი და პაროლი მკაცრად კონფიდენციალური და პირადია, და არ ექვემდებარება გადაცემას. ანგარიშების უსაფრთხოების გაუმჯობესების მიზნით, Glovo ურჩევს „მომხმარებლებს“, არ გამოიყენონ შესვლის იგივე მონაცემები, რომლებსაც იყენებენ სხვა პლატფორმებზე წვდომისათვის. იმ შემთხვევაში, თუ „მომხმარებელი“ გამოიყენებს შესვლის იმავე მონაცემებს, რომლებსაც იყენებს სხვა პლატფორმებზე წვდომისათვის, Glovo მოკლებული იქნება შესაძლებლობას, უზრუნველყოს ანგარიშის სრულყოფილი უსაფრთხოება ან აღკვეთოს „მომხმარებლის“ ანგარიშის სხვა პირების მიერ გამოყენება.

„მომხმარებლები“ იღებენ პასუხისმგებლობას, არ გაუზიარონ თავიანთი ანგარიშის დეტალები ან არ მისცენ მასზე წვდომა მესამე პირებს. „მომხმარებლები“ იღებენ ერთპიროვნულ პასუხისმგებლობას მესამე პირთა მიერ აღნიშნული დეტალების ან საიტის მომსახურებათა გამოყენების ნებისმიერ შემთხვევაზე, რაც მოიცავს განცხადებებს და/ან კონტენტს, რომლის შეყვანაც „პლატფორმაზე“ ხორციელდება, ან ნებისმიერ სხვა ქმედებას, რომელიც განხორციელდება მათი მომხმარებლის სახელით და/ან პაროლით.

“მომხმარებლები” წარმოადგენენ მათ მიერ “პლატფორმაზე” შეყვანილი კონტენტის ერთპიროვნულ მესაკუთრეებს. გარდა ამისა, „პლატფორმაზე“ რეგისტრაციითა და „პირობებზე“ დათანხმებით, „მომხმარებელი“, მის მიერ მოწოდებულ კონტენტთან დაკავშირებით, აძლევს Glovo-ს აღნიშნული კონტენტის მსოფლიო მასშტაბით მოქმედ, გამოუხმობად და გადაცემად ლიცენზიას მის ქველიცენზირებაზე, გამოყენებაზე, ასლის შექმნაზე, მოდიფიცირებაზე, დერივაციული ნაშრომების შექმნაზე, დისტრიბუციაზე, პუბლიკაციასა და ნებისმიერი ფორმით გამოყენებაზე, რაც საჭიროდ იქნება მიჩნეული Glovo-ს მიერ, „მომხმარებელთან“ ყოველგვარი დამატებითი კომუნიკაციისა და ყოველგვარი თანხის გადახდის გარეშე.

Glovo მოკლებულია შესაძლებლობას, უზრუნველყოს „მომხმარებლის“ იდენტურობა და, აქედან გამომდინარე, არ არის პასუხისმგებელი არარეგისტრირებული მესამე პირების მიერ რეგისტრირებული „მომხმარებლის“ იდენტურობის გამოყენებაზე. „მომხმარებლები“ იღებენ პასუხისმგებლობას, დაუყოვნებლივ შეატყობინონ Glovo-ს, ამ უკანასკნელის მიერ განსაზღვრული საკომუნიკაციო არხების მეშვეობით, თუ მოხდება მათი მონაცემების მოპარვა, გამჟღავნება ან დაკარგვა.

                3.1 პროფილი

„პლატფორმაზე“ რეგისტრაციის დასასრულებლად, „მომხმარებლებმა“ უნდა წარმოადგინონ კონკრეტული მონაცემები, მათ შორის: მომხმარებლის სახელი, ელფოსტის მისამართი, ტელეფონის ნომერი და საბანკო ბარათის დეტალები. რეგისტრაციის პროცესის დასრულების შემდეგ, „მომხმარებლებს“ მიეცემათ შესაძლებლობა, მიიღონ წვდომა, დაასრულონ და სურვილისამებრ შეცვალონ საკუთარი პროფილი. Glovo არ ინახავს მომხმარებელთა გადახდის მონაცემებს, რომელთა დამუშავება და შენახვა ხდება გადახდის მომსახურების მომწოდებლის მიერ, როგორც ეს აღწერილია წინამდებარე „წესებსა“ და „კონფიდენციალურობის დაცვის პოლიტიკაში“.

                3.2. საკრედიტო ბარათის ქურდობა ან მითვისება

იქიდან გამომდინარე, რომ Glovo-ს არ შეუძლია რეგისტრირებული „მომხმარებლების“ იდენტურობის გარანტირება, „მომხმარებლები“ ვალდებული არიან, შეატყობინონ Glovo-ს, თუ მათ გააჩნიათ იმის მტკიცებულება, რომ Glovo-ს მათ ანგარიშთან დაკავშირებული ბარათი მოპარულია და/ან მისი გამოყენება თაღლითურად ხორციელდება მესამე პირის მიერ. ამიტომ, რამდენადაც Glovo და მისი გადახდის პლატფორმა პროაქტიულად ახორციელებენ „მომხმარებელთა“ დაცვას შესაბამისი უსაფრთხოების ზომების გამოყენებით, თუ „მომხმარებელი“ არ შეატყობინებს Glovo-ს დაკარგული ბარათის შესახებ, Glovo არ იქნება პასუხისმგებელი „მომხმარებლის“ ანგარიშზე განხორციელებულ ნებისმიერ თაღლითურ ქმედებაზე. Glovo ურჩევს „მომხმარებლებს“, შეატყობინონ პოლიციას ქურდობის, ძარცვის ან მათი საკრედიტო ბარათის სავარაუდო არამიზნობრივი გამოყენების შესახებ.

საჭიროების შემთხვევაში, Glovo იღებს პასუხისმგებლობას, მხარი დაუჭიროს „მომხმარებლებს“ და ითანამშრომლოს ხელისუფლების კომპეტენტურ ორგანოებთან არასწორად ჩამოჭრილ თანხასთან დაკავშირებული მტკიცებულებების გაზიარების კუთხით. თაღლითობის შემთხვევაში, Glovo იტოვებს უფლებას, განახორციელოს შესაბამისი ქმედება, თუ „საიტის“ გამიზნულ არამიზნობრივ გამოყენებას გავლენა ჰქონდა მასზე.

4. მომსახურების ექსპლოატაცია. მინდობილობის პირობები.

როდესაც „მომხმარებელს“, რომელიც დარეგისტრირებულია, როგორც „მომხმარებელი“, ესაჭიროება დახმარება რაიმე დავალების შესრულებაში, ის უნდა შევიდეს ონლაინპლატფორმაზე ან გამოიყენოს Glovo-ს შესაბამისი აპლიკაცია და მოითხოვოს მომსახურების გაწევა აღნიშნული ელექტრონული მეთოდებით. საბაზისო საკურიერო მომსახურება ითვალისწინებს პროდუქტის აღებასა და შემდგომ მიტანას „მომხმარებლის“ მიერ განსაზღვრული მისამართების შესაბამისად, თუ, რა თქმა უნდა, აღნიშნული მისამართები ექცევა Glovo-ს სამოქმედო ზონაში. შესაბამისად, „მომხმარებელს“ შეუძლია მოითხოვოს, რომ „მინდობილმა პირმა“ პირადად შეიძინოს პროდუქტები მის ნაცვლად, აიღოს ისინი და მიიტანოს განსაზღვრულ მისამართზე. მინდობილობის საფუძველზე, „მინდობილი პირი“ იღებს პასუხისმგებლობას, შეიძინოს „მომხმარებლის“ მიერ შეკვეთილი პროდუქტები ამ უკანასკნელის ნაცვლად და მისი მითითებებისა და სპეციფიკაციების გათვალისწინებით.

„მომხმარებლები“ ერთპიროვნულად არიან პასუხისმგებელი „პლატფორმაზე“ მიტანისა და აღებისთვის სწორი მისამართის მითითებაზე და, აქედან გამომდინარე, ათავისუფლებენ Glovo-სა და „მინდობილ პირს“ ყოველგვარი პასუხისმგებლობისგან დაუდევრობასა და შეცდომაზე, რომელიც დაკავშირებულია აღებისა და მიტანის არასწორი მისამართების განსაზღვრასთან. შედეგად, იმ ხარჯის გაწევა, რომელიც დაკავშირებულია „პლატფორმაზე“ აღებისა და მიტანის არასწორი მისამართების განსაზღვრასთან, დაეკისრება „მომხმარებელს“.

„მომხმარებლებმა“ მაქსიმალურად დეტალურად უნდა წარმოადგინონ ყოველგვარი ინფორმაცია იმ მომსახურებაზე, რომლის გაწევაც დაკავშირებულია დავალებასთან და, საჭიროების შემთხვევაში, კავშირშია პროდუქტთან, რომლის შეძენასაც ისინი სთხოვენ „მინდობილ პირს“ ფიზიკურ მაღაზიაში. ამისათვის, მათ შეუძლიათ წარმოადგინონ ნებისმიერი კომენტარი „კომენტარების“ განყოფილებაში, რომელსაც „მინდობილი პირისათვის“ გამოსადეგად ჩათვლიან, ხოლო, საჭიროების შემთხვევაში, ფოტოსურათიც კი გაუზიარონ მას, შეკვეთების იდენტიფიცირების მიზნით. „მომხმარებლები“ შეძლებენ, იქონიონ მუდმივი კონტაქტი „მინდობილ პირთან“ და დაუკავშირდნენ მას ნებისმიერ დროს, რათა ამ უკანასკნელმა ზედმიწევნით შეასრულოს „მომხმარებლის“ ინსტრუქციები.

იმისათვის, რომ მოხდეს „მინდობილ პირთან“ პირდაპირი კომუნიკაციის უზრუნველყოფა, შეკვეთის დამუშავებისას წარმოქმნილ ინციდენტებთან გამკლავება
და/ან ცვლილებების შესახებ შეტყობინება, GLOVO „მომხმარებლებისათვის“ უზრუნველყოფს ჩეთის შიდა სისტემის არსებობას, რაც შესაძლებელს ხდის „მომხმარებელსა“ და „მინდობილ პირს“ შორის პირდაპირ და დაუყოვნებლივ კომუნიკაციას შეკვეთის შესრულების პროცესში. ჩეთის სესიის დეაქტივაცია მოხდება, როგორც კი „მომხმარებელი“ მიიღებს პროდუქტს ან როდესაც შეკვეთა გაუქმდება ნებისმიერი გათვალისწინებული მიზეზით. იმ შემთხვევაში, თუ „მომხმარებელს“ სურს დაუკავშირდეს „მინდობილ პირს“ ან Glovo-ს, შეკვეთის დასრულების შემდეგ, მან უნდა გამოიყენოს საკონტაქტო ფორმა, რომელიც ხელმისაწვდომია „პლატფორმაზე“ და დაუკავშირდეს „მომხმარებელთა“ დახმარების მომსახურებას.

„მომხმარებელი“ ათავისუფლებს Glovo-სა და „მინდობილ პირს“ ნებისმიერი სახის პასუხისმგებლობისგან, რომელიც დაკავშირებულია „მომხმარებლის“ დაუდევრობასა თუ მითითებაში დაშვებულ შეცდომასთან, რომლის შესაბამისადაც უნდა მომხდარიყო შეკვეთილი პროდუქტის შეძენა ფიზიკურ ობიექტზე, „მომხმარებლის“ ნაცვლად. შედეგად, „მომხმარებელი“ იქნება პასუხისმგებელი იმ ხარჯების გაწევაზე, რომლებიც გამოწვეული იქნება „პლატფორმაზე“ პროდუქტებთან დაკავშირებით არასწორი მითითებების შეყვანასთან (როგორიცაა არასწორი მისამართი ან პროდუქტი).

როდესაც შეკვეთა ხდება „რაც გინდა“ კატეგორიიდან, „მომხმარებელს“ შეუძლია განსაზღვროს პროდუქტის და/ან მომსახურების ფასი, თუ აღნიშნული არ ჩანს პლატფორმაზე. ასეთ შემთხვევაში, მომსახურების ან პროდუქტის შეძენა „მინდობილი პირის“ მხრიდან „მომხმარებლის“ მიერ განსაზღვრული მიახლოებითი თანხის შესაბამისად მოხდება და არასდროს გადასცდება აღნიშნულ მიახლოებით თანხას 30%-ზე მეტით. თუ ფასი უფრო მაღალია, „მინდობილი პირი“ დაუკავშირდება „მომხმარებელს“, რათა შეატყობინოს მას ვითარების შესახებ და ეს უკანასკნელი მიიღებს საბოლოო გადაწყვეტილებას იმასთან დაკავშირებით, უნდა მოხდეს თუ არა ობიექტზე შეძენის განხორციელება. Glovo-მ შესაძლოა წარმოადგინოს მიახლოებითი ფასი მხოლოდ და მხოლოდ „მომხმარებლის“ დახმარების მიზნით და აღნიშნული არცერთ შემთხვევაში არ შეიძლება იყოს ვალდებულება, როგორც „მომხმარებლის“ მიერ გადასახდელი საბოლოო ფასი.

თუ პროდუქტის/მომსახურების ფასი არ ჩანს „პლატფორმაზე“, „პლატფორმაზე“ წარმოდგენილი ფასები შესაძლოა იყოს მიმთითებელი, როგორც ეს განსაზღვრულია წინამდებარე „პლატფორმის გამოყენების ძირითადი წესებისა და პირობების“ მე-7 მუხლში.

თუ პროდუქტი და/ან მომსახურება არ არის ხელმისაწვდომი, „მინდობილმა პირმა“ უნდა დაურეკოს „მომხმარებელს“ ხელმისაწვდომი ვარიანტების შესათავაზებლად. თუ „მომხმარებელი“ არ მიიღებს „მინდობილი პირის“ მიერ შეთავაზებულ არცერთ ვარიანტს და, აქედან გამომდინარე, არ იქნება დაინტერესებული ალტერნატიული ვარიანტებით, მან უნდა მიიღოს გაუქმების პოლიტიკა, რომელიც გაწერილია წინამდებარე „გამოყენების ძირითად წესებში (მეცხრე განყოფილება)“. თუ „მომხმარებელი“ არ უპასუხებს ტელეფონს, „მინდობილი პირი“ მას წასვლამდე 5 წუთის განმავლობაში დაელოდება.

თუ „მომხმარებელი“ არ იმყოფება მიტანისთვის შეთანხმებულ ადგილზე, „მინდობილი პირი“ შეინახავს პროდუქტს 24 საათის განმავლობაში, ან 5 წუთის განმავლობაში, თუ პროდუქტი მალფუჭებადია. დამატებით, „მომხმარებელმა“ უნდა გაწიოს საბაზისო საკურიერო მომსახურების ხარჯი 100%-ით, ისევე, როგორც პროდუქტის ღირებულება, იმ შემთხვევაში, თუ აღნიშნულის შეძენა ან დაქირავება განხორციელდა „მინდობილი პირის“ შუამავლობითა და „მომხმარებლის“ მოთხოვნით, და მოუწევს დამატებითი მომსახურების ღირებულების გადახდა იმ პროდუქტების მისაღებად, რომელთა მიტანაც არ განხორციელებულა. „მინდობილი პირი“ არცერთ შემთხვევაში არ იქნება პასუხისმგებელი იმ პროდუქტის გაფუჭებასა თუ ვადის გასვლაზე, რომელსაც უკავშირდება დავალება.

მომხმარებლები ადასტურებენ და აცხადებენ თანხმობას, რომ GLOVO პლატფორმის მეშვეობით მიღებული სერვისებისა და მომსახურებისთვის, მათ შეუძლიათ მიიღონ მიწოდების, კურიერის მომსახურების ან მართვის/მენეჯმენტის სერვისისთვის შესაბამისი ინვოისები.

დავალების შესრულების შემდგომ, თუ მოთხოვნა ითვალისწინებდა პროდუქტის პირად შეძენას, „მინდობილმა პირმა“ უნდა გადასცეს „მომხმარებელს“ გადახდის დამადასტურებელი ქვითარი ასეთი პროდუქტისთვის და/ან მიაწოდოს იგი ელფოსტის მეშვეობით. თუ დავალების მიზანი პროდუქტის უბრალოდ მიტანაა, „მინდობილმა პირმა“ უნდა მიუტანოს იგი „მომხმარებელს“ ზუსტად იმ დროსა და ადგილას, რომელიც ამ უკანასკნელის მიერაა განსაზღვრული. ეს ყოველივე არ ემსახურება ელექტრონული გადახდის დამადასტურებელი ქვითრის პრეიუდიციას, რომელსაც „მომხმარებელი“ მიიღებს მის ანგარიშთან დაკავშირებულ ელფოსტის მისამართზე.

ამ მომენტისთვის, „მომხმარებელი“ ან ნებისმიერი მესამე პირი, რომელსაც მინიჭებული აქვს მის მიერ უფლებამოსილება, იმ მომსახურების მიმღებია, რომელიც განსაზღვრულია მომხმარებლისვე მიერ შეკვეთაში და, საჭიროების შემთხვევაში, უნდა მოახდინოს მინდობილობის რატიფიცირება, „მინდობილი პირის“ მოწყობილობაზე ხელმოწერით. Glovo-ს არ აქვს შესაძლებლობა, შეამოწმოს „მომხმარებლის“ ხელმოწერის ავთენტურობა. თუ „მომხმარებელი“ მიიღებს დადასტურებას იმის შესახებ, რომ შეკვეთის შესრულება მოხდა მისი ან მის მიერ უფლებამოსილი მიმღების მხრიდან მინდობილობის რატიფიცირების გარეშე, მან დაუყოვნებლივ უნდა შეატყობინოს Glovo-ს, რათა შესაბამისი ზომების მიღება შესაძლებელი გახდეს „პლატფორმის“ მხრიდან. Glovo იტოვებს უფლებას, შეამოწმოს „მომხმარებლის“ მიერ განხორციელებული ნებისმიერი კომუნიკაცია დადასტურებისა და მონიტორინგის მიზნებისათვის.

საჭმელი / შეფუთული პროდუქტები: Glovo-ს მიერ რეკომენდებულია, რომ მინდობილობის საფუძველზე საკვები პროდუქტების შეკვეთისას, „მომხმარებელმა“ ჰკითხოს „მინდობილ პირს“ და/ან დაწესებულებას, რომელიც პროდუქტის შეთავაზებას ახდენს „პლატფორმის“ მეშვეობით, თუ რა შემადგენლობისაა შეკვეთილი საკვები პროდუქტები.

გარდა ამისა, Glovo არ არის პასუხისმგებელი იმის უზრუნველყოფაზე, რომ შეკვეთილი პროდუქტების მიტანა „მომხმარებელთათვის“ განხორციელდება სათანადოდ დახურულ ჩანთებში, რომლებიც, იდეალურ შემთხვევაში, ეტიკეტირებული ან დალუქული უნდა იყოს. 

5. არამალფუჭებადი პროდუქტების დაბრუნება

თუ „მომხმარებელს“ სურს არამალფუჭებადი პროდუქტის დაბრუნება ან მომსახურების გაწევასთან დაკავშირებით მოთხოვნის წარდგენა, Glovo-ს შუამავლობის შესაძლებლობასთან დაკავშირებით პრეიუდიციის გარეშე, სრული პასუხისმგებლობა ყოველთვის დაეკისრება მეწარმეს, რომლისგანაც განხორციელდა შეძენა. თუ „მომხმარებელი“ მოიპოვებს შენაძენის ღირებულების ანაზღაურებას, მეწარმე გადაწყვეტს, თუ რა ფორმით განახორციელოს აღნიშნული ანაზღაურება (ნაღდი ფული, საკრედიტო ბარათი, ობიექტის ვაუჩერი და ა.შ.) იმის მიუხედავად, Glovo არის თუ არა ის მხარე, რომელიც იხდის ანაზღაურებას ადგილობრივი მეწარმის სახელით. აქედან გამომდინარე, არამალფუჭებადი პროდუქტის დაბრუნება „მინდობილი პირის“ მიერ „მომხმარებლის“ მხრიდან გაცემული მინდობილობის შესაბამისად, ნებისმიერ შემთხვევაში დაექვემდებარება მეწარმის პროდუქტის დაბრუნების პოლიტიკას.

იმის გამო, რომ კონკრეტულ დაწესებულებებს შესაძლოა არ ჰქონდეთ საჯაროდ გახსნის შესაძლებლობა, „მომხმარებლებს“ არ ექნებათ მათთან პირადი წვდომა რაიმე მოთხოვნის ან დაბრუნების დასამუშავებლად. ასეთ შემთხვევებში, ისინი უნდა დაუკავშირდნენ Glovo-ს „მომხმარებელთა დახმარების მომსახურებას“ იმისათვის, რომ მიიღონ საჭირო დახმარება და მხარდაჭერა იმ არხების გამოყენებით, რომლებიც ხელმისაწვდომია „პლატფორმაზე“.

თუ „მომხმარებელს“ სურს, მოახდინოს არამალფუჭებადი პროდუქტის დაბრუნების დამუშავება იმის გამო, რომ ის არ დაემთხვა პლატფორმის მეშვეობით შეკვეთილს, მან უნდა წარმოადგინოს სრული შეკვეთის ფოტო და არასწორი ან არმიტანილი პროდუქტების ჩამონათვალი, ისევე, როგორც მოთხოვნილი პროდუქტის შეუსაბამობის დამადასტურებელი სხვა მტკიცებულებები.

„მომხმარებელმა“ უნდა შეამოწმოს „მინდობილი პირის“ მიერ მიტანილი არამალფუჭებადი პროდუქტები მიტანის მისამართზე მანამ, სანამ ხელს მოაწერს და, საჭიროების შემთხვევაში, მინდობილობის რატიფიცირებამდე. აღნიშნული ხელმოწერის მეშვეობით, „მომხმარებელი“ ადასტურებს და ახდენს მინდობილობის, პირადად შეძენის ან მისი სახელით განხორციელებული მომსახურების რატიფიცირებას. დამატებით, „მომხმარებელი“ აცხადებს, რომ მესამე პირს შეუძლია მინდობილობის რატიფიცირება მისი სახელით. მაგალითად, თუ „მომხმარებელი“ არ იმყოფება მიტანის საბოლოო მისამართზე ან მან განსაზღვრა მესამე პირი, რომელიც უფლებამოსილია მიღებასა და ხელმოწერაზე, საჭიროების შესაბამისად. „მომხმარებელი“ (და/ან აღნიშნული მესამე პირი) არის პასუხისმგებელი გაწეული მომსახურების შესაბამისობის შემოწმებაზე, ისევე, როგორც საკმარისი მტკიცებულებების შეგროვებაზე იმის დასამტკიცებლად, რომ იგი არ არის შესაბამისი.

ნებისმიერ შემთხვევაში, საბოლოო გადაწყვეტილებას იმასთან დაკავშირებით, უნდა მოხდეს თუ არა დაბრუნება, მიიღებს მეწარმე. ამიტომ „მომხმარებელმა“ უნდა შეატყობინოს Glovo-ს დავის წარმოშობის შესახებ, ამ უკანასკნელის მიერ განსაზღვრული მეთოდების მეშვეობით.

6. მომსახურებათა ფასები და ანგარიშის გამოწერა

„მომხმარებლებს“ შეუძლიათ „პლატფორმაზე“ დარეგისტრირება და მისი უფასოდ გამოყენება, თუმცა, აღნიშნული საკითხი ექვემდებარება Glovo-ს მიერ გადახედვას ნებისმიერ დროს. „მომხმარებლებს“ შესაძლოა მოუწიოთ კონკრეტულ მომსახურებათა ღირებულების გადახდა „პლატფორმაზე“, როგორც ეს განსაზღვრულია წინამდებარე „გამოყენების ძირითად წესებსა და პირობებში“.

ჩვენი პლატფორმით სარგებლობისთვის Glovo მომხმარებელს დააკისრებს მომსახურების გადასახადს, რომელიც ხელს უწყობს ჩვენი მომსახურებების ზოგადი ხარისხის უწყვეტ გაუმჯობესებას, სავაჭრო ობიექტების ფართო არჩევანის შემოთავაზებას, მომხმარებლებისთვის უფრო კომფორტული გარემოს შექმნასა და ა.შ.

პროდუქტების ღირებულების მიხედვით, მომსახურების გადასახადის ოდენობა შეიძლება იყოს ფიქსირებული ან ცვლადი. მომსახურების გადასახადის ოდენობას განსაზღვრავს Glovo და ისვე უთითებს მას მომხმარებლებისთვის თითოეული შეკვეთისთვის ანგარიშსწორებისას.

მომსახურების აღნიშნული გადასახადი ჩამოგეჭრებათ იმ საკრედიტო ბარათიდან, რომელიც შეკვეთის ღირებულების გადასახდელად აირჩიეთ. თუ ნაღდი ფულით გადახდის ვარიანტი აირჩიეთ (Glovo, შესაძლოა, ვერ გთავაზობდეთ ამ ვარიანტს ზოგიერთ ქვეყანაში), მომსახურების გადასახადის გადახდა დაგეკისრებათ ნაღდი ფულის სახით, თქვენთვის მოტანილი შეკვეთის ჩაბარებისას, რა შემთხვევაშიც, აღნიშნული თანხის Glovo‑ს სახელით მიღებაზე პასუხისმგებელი იქნება კურიერი.

„პლატფორმის“ გამოყენებას „მინდობილი პირებისა“ და მეწარმეების მიერ შესაძლოა თან ახლდეს გარკვეული ღირებულება, რომელიც დაკავშირებულია იმასთან, თუ რომელ ქვეყანაში სურთ მათ „პლატფორმის“ გამოყენება მომსახურების გაწევისთვის.

„მომხმარებელი“ იხდის მხოლოდ „პლატფორმის“ მეშვეობით მოთხოვნილი ყოველი მომსახურების ღირებულებას, რაც მოიცავს პროდუქტების შეკვეთასა და „პლატფორმის“ მეშვეობით კომუნიკაციას, ისევე, როგორც საკურიერო მომსახურებას ან დავალებების შესრულების მომსახურებას, რომლის გაწევასაც ახორციელებენ მესამე პირები. 

წვიმის ან ცუდი ამინდის შემთხვევაში, „მომხმარებელს“ მოუწევს დამატებითი მოსაკრებლის გადახდა კურიერის ან მომსახურების გამწევი მესამე პირისთვის.

ამასთანავე, ისეთი მომსახურებისთვის, რომელიც მოიცავს პროდუქტის შეძენას, „მომხმარებელმა“ უნდა გადაიხადოს ასეთი პროდუქტის ფასი. „პლატფორმის“ მეშვეობით რეგისტრაციითა და შესაბამისი საბანკო მონაცემების წარდგენით, „მომხმარებელი“ გარკვევით აძლევს Glovo-ს უფლებამოსილებას, რომ გასცეს გადახდის ქვითრები მოთხოვნილი მომსახურებისთვის, მიტანის საფასურისა და შეკვეთილი პროდუქტების ფასის ჩათვლით.

თითოეული მომსახურების სრული ღირებულება შესაძლოა შედგეს ცვლადი პროცენტების მეშვეობით, რომლებიც ეფუძნება გავლილი კილომეტრების რაოდენობასა და „მინდობილი პირის“ მიერ დახარჯულ დროს, ისევე, როგორც ყოველი მეწარმის მიერ განსაზღვრულ ფასს, ისეთ შემთხვევებში, როდესაც „მომხმარებელი“ ითხოვს პროდუქტის ან მომსახურების ფიზიკურ შეძენას. Glovo იტოვებს უფლებას, შეცვალოს ფასი გავლილი მანძილის და/ან დროის იმ მონაკვეთის შესაბამისად, რომლის განმავლობაშიც მოხდა მომსახურების გაწევა. წინამდებარე წესების შესაბამისად, „მომხმარებელი“ უფლებამოსილია იცოდეს მომსახურების მიახლოებითი ღირებულება შეკვეთამდე და მანამ, სანამ გადაიხდის ღირებულებას, გარდა იმ შემთხვევებისა, როდესაც „მომხმარებელი“ არ აკონკრეტებს აღების მისამართს. მიტანის მომსახურების ღირებულება შესაძლოა შეიცვალოს ფორსმაჟორული სიტუაციის შესაბამისად, რომელიც არ ექვემდებარება Glovo-ს მიერ კონტროლს, რაც მოიაზრებს ღირებულების ზრდას.

ღირებულებამ შესაძლოა მოიცვას დამატებითი გასამრჯელო „მინდობილი პირისა“ და/ან ადგილობრივი ობიექტისათვის, რომლის ოდენობაც ერთპიროვნულად და სრულად „მომხმარებლის“ გადაწყვეტილებას ექვემდებარება.

Glovo იტოვებს უფლებას, შეცვალოს „პლატფორმაზე“ მოცემული ფასები ნებისმიერ დროს. ასეთი ცვლილებები ძალაში შევა გამოქვეყნებისთანავე. „მომხმარებელი“ აძლევს Glovo-ს უფლებას, გაუგზავნოს მას ქვითრები შეკვეთილი მომსახურებისათვის და/ან გენერირებული ანგარიშები ელექტრონულად, იმ ელფოსტაზე, რომელიც „მომხმარებელმა“ მიუთითა რეგისტრაციისას. თუ საჭიროა ანგარიშფაქტურა, „მომხმარებელმა“ უნდა მიუთითოს შესაბამისი საგადასახადო მონაცემები პლატფორმაზე შეკვეთის განთავსებამდე.

თუ მომსახურება გაუქმებულია „მომხმარებლის“ მხრიდან იმ დროს, როდესაც შეკვეთის მომზადება ადგილობრივი მეწარმის მიერ უკვე დადასტურებულია და „მომხმარებელი“ ამის შესახებ ინფორმირებულია, Glovo უფლებამოსილია ჩამოაჭრას „მომხმარებელს“ შესაბამისი ღირებულება თითოეულ შემთხვევაში. ანალოგიურად, თუ „მომხმარებელმა“ მოსთხოვა „მინდობილ პირს“ მისი სახელით პროდუქტის შეძენა და შემდეგ „მომხმარებელმა“ გააუქმა შეკვეთა მაშინ, როდესაც შეძენა უკვე განხორციელებულია, ეს უკანასკნელი პასუხისმგებელი იქნება როგორც „მინდობილი პირის“ მიერ გაწეული მიტანის მომსახურების საფასურის, ისე პროდუქტის სრული ღირებულების გადახდაზე. ყოველივე აღნიშნული პრეიუდიციის გარეშეა „მომხმარებლის“ შესაძლებლობის მიმართ, რაც ითვალისწინებს მის უფლებას, მოითხოვოს ახალი მომსახურება შეძენილი პროდუქტების დასაბრუნებლად ან მათ სხვა მისამართზე მისატანად. არამალფუჭებადი პროდუქტების შემთხვევაში, „მომხმარებელი“ უფლებამოსილია გამოიყენოს გასვლის უფლება იმ მეწარმესთან მიმართებით, რომელმაც მიჰყიდა პროდუქტი. თუ „მომხმარებელს“ სურს აღნიშნული უფლების Glovo-ს მეშვეობით გამოყენება, მან უნდა მოითხოვოს მომსახურება განმეორებით.

              6.1. გადახდის პლატფორმები

თანხის გადახდა იმ პროდუქტების და/ან მომსახურებისთვის, რომლებიც შემოთავაზებულია „პლატფორმაზე“, იყიდება პირადი შესყიდვისას რესტორნებსა და/ან მაღაზიებში და მიტანილია „მომხმარებელთან“ გადავადების წესით, დროებით ხდება Glovo-სთვის, რომელიც შემდეგ უგზავნის აღნიშნულ თანხას იმ რესტორნებს და/ან მაღაზიებს, რომლებთანაც მას გააჩნია კომერციული ხელშეკრულება. დაკავშირებული რესტორნები და/ან დაწესებულებები უფლებამოსილებას აძლევენ Glovo-ს, მიიღოს გადახდები მათი სახელით. ნებისმიერი პროდუქტის ღირებულების გადახდა (როგორიცაა საჭმელი, სასმელი, საჩუქარი და ა.შ.) Glovo-სთვის, გაათავისუფლებს „მომხმარებელს“ აღნიშნული ღირებულების დაკავშირებული რესტორნების და/ან დაწესებულებებისთვის გადახდის ვალდებულებისგან.

შესაბამისად, „მომხმარებლის“ გადახდა ათავისუფლებს მას ნებისმიერი ვალდებულებისგან „მინდობილი პირის“ მიმართ, ისევე, როგორც სრული გადახდა „მომხმარებლის“ მხრიდან ათავისუფლებს „მომხმარებელს“ ნებისმიერი ვალდებულებისგან, რომელიც მას შესაძლოა წარმოეშვას რესტორნების და/ან მაღაზიების, ანდა „მინდობილი პირების“ მიმართ.

„მომხმარებლის“ მიერ ღირებულების გადახდა პროდუქტების და/ან მომსახურებისათვის მიიღება Glovo-ს ანგარიშებზე, „ელექტრონული ფულის დაწესებულების“ მეშვეობით. „ელექტრონული ფულის დაწესებულებები“ უფლებამოსილი არიან, მიაწოდონ გადახდის რეგულირებული მომსახურება, პირდაპირი ან არაპირდაპირი წესით, ყველა იმ ტერიტორიაზე, რომელზეც Glovo მოქმედებს და შესაბამისობაშია მოქმედ კანონმდებლობასთან, რომელიც შეეხება გადახდის მომსახურებას ისეთი „პლატფორმებისთვის“, როგორიცაა Glovo*.

*თუ ასეთი დაწესებულებები არ არიან ავტორიზებული, Glovo არ აიღებს პასუხისმგებლობას ავტორიზაციის ან ლიცენზიის არქონაზე და სრული პასუხისმგებლობა დაეკისრება „ელექტრონული ფულის დაწესებულებას“. 

გადახდის პროვაიდერის გამოყენებით ამ ხელშეკრულების ფარგლებში აღნიშნული მიზნითა და მხოლოდ გადახდის საშუალების შემოწმების განზრახვით, Glovo იტოვებს უფლებას, როგორც თაღლითობის აღმკვეთი ღონისძიება, პლატფორმის მეშვეობით შეკვეთილ პროდუქტზე თანხის წინასწარი დაკავება მოითხოვოს. ამგვარი წინასწარი დაკავება არცერთ შემთხვევაში არ უნდა ითვალისწინებდეს შეკვეთის სრული ღირებულების გადახდას, რადგან ეს უკანასკნელი მხოლოდ მაშინ მოხდება, როდესაც „მომხმარებელი“ პროდუქტს მიიღებს, ან წინამდებარე ხელშეკრულების პირობებით გათვალისწინებული სხვა მიზეზებით.

„მომხმარებელთა“ უკეთ მხარდაჭერისთვის, Glovo მათი კონტაქტის პირველი წერტილი უნდა იყოს და პასუხისმგებლობა უნდა აიღოს პლატფორმაზე განხორციელებულ გადახდებზე. ეს პასუხისმგებლობა მოიცავს თანხის დაბრუნებას, შეკვეთის დაბრუნებას, გაუქმებებსა და ადრეული სტადიის დავის გადაწყვეტას, და ეს არის პრეიუდიციის გარეშე იმ ნებისმიერი ქმედების მიმართ, რაც შესაძლოა Glovo-მ განახორციელოს ადგილობრივი მეწარმეების წინაშე, რომლებიც „მომხმარებელთა“ მიერ შეკვეთილი პროდუქტის ერთპიროვნული ფიზიკური გამყიდველები არიან.

ზემოთ აღნიშნულის შესაბამისად, დავის დროს, Glovo ვალდებულია უზრუნველყოს პირველადი დახმარება და „მომხმარებლის“ კომპენსირება, თუ აღნიშნული მიზანშეწონილად იქნა მიჩნეული.

თუ „მომხმარებელს“ შეკვეთის მიმდინარეობასთან დაკავშირებით რაიმე პრობლემა აქვს, მან უნდა მიმართოს Glovo-ს „მომხმარებელთა დახმარების მომსახურებას“, პლატფორმაზე „მომხმარებელთათვის“ არსებული მეთოდებით.

7. პლატფორმაზე არსებული პროდუქტების ფასები და/ან მომსახურებები

პლატფორმაზე არსებული ნებისმიერი ფასი მოიცავს ყველა იმ გადასახადს, რაც შესაძლოა გამოყენებულ იქნეს იმის მიხედვით, თუ რომელ ტერიტორიაზე მოქმედებს „მომხმარებელი“, და ნებისმიერ შემთხვევაში სახელდებული უნდა იყოს იმ ვალუტაში, რომელიც ძალაშია და გამოიყენება „მომხმარებლის“ მოქმედების ადგილზე.

ზემოთ მოყვანილი მე-6 მუხლის შესაბამისად, თითოეული მომსახურების მოცემული ფასი უნდა იყოს პლატფორმაზე გამოქვეყნებულის შესაბამისი, ექვემდებარებოდეს ზემოთ მოცემულ სპეციფიკურ მახასიათებლებს და სახელშეკრულებო პროცესის ბოლო ეტაპზე ავტომატურად გამოყენებადი უნდა იყოს.

თუმცა, Glovo-ს პლატფორმაზე მოცემული ფასები იმ პროდუქტებისა, რომლებიც რესტორნებსა და/ან ობიექტებში იყიდება, შესაძლოა იყოს მხოლოდ მიმთითებელი. ნებისმიერ შემთხვევაში, ისინი რესტორნებსა და/ან ობიექტებში გაყიდულ პროდუქტებს შეესაბამება და ამ უკანასკნელთა მიერ ერთპიროვნულად არის დადგენილი. შეკვეთილი პროდუქტის საბოლოო ფასის დასადგენად, „მომხმარებელი“ შესაძლოა „მინდობილ პირს“ დაეკონტაქტოს.

„მომხმარებელი“ უშვებს, რომ ნებისმიერ შემთხვევაში, ზოგიერთი პროდუქტის ფასი შესაძლოა შეიცვალოს რეალურ დროში, მისი გამყიდველი დაწესებულებისა და ხელმისაწვდომი მარაგების საფუძველზე. შეკვეთის განთავსებასთან დაკავშირებული ნებისმიერი ინფორმაციის მოპოვების მიზნით, „მომხმარებელს“ შეუძლია დაეკონტაქტოს Glovo-ს.

ზემოაღნიშნულის შესაბამისად, „მომხმარებელი“ მინდობილობას ანიჭებს „მინდობილ პირს“, პლატფორმაზე შედგენილი შესყიდვისა და მიწოდების მოთხოვნის საფუძველზე, რათა შეიძინოს პროდუქტები პირადად, მისი სახელით, მეწარმის მიერ დადგენილი ფასით. შეკვეთის განხორციელების პროცესში, „მომხმარებელს“ შეუძლია პირდაპირი კომუნიკაცია აწარმოოს „მინდობილ პირთან“.

8. აქციების კოდები და/ან სხვა შეთავაზებები თუ ფასდაკლებები

Glovo-ს უფლება აქვს, ცალმხრივად, ნებისმიერ დროს, ზოგიერთ მომხმარებელს მიანიჭოს კრედიტი პლატფორმაზე გამოსაყენებლად ან უფასო მიტანის მომსახურება. მომხმარებელი ადასტურებს და ეთანხმება იმას, რომ კრედიტი და უფასო მიტანის მომსახურება გამოყენებულ უნდა იქნეს ექვსი (6) თვის ვადაში პლატფორმაზე მომხმარებლისთვის მისი მინიჭების დღიდან.

შეკვეთის განთავსებამდე, პლატფორმაზე სწორად უნდა იქნეს შეყვანილი აქციის კოდები და/ან სხვა შეთავაზებები თუ ფასდაკლებები. სხვაგვარად, აღნიშნული ვერ შევა ძალაში და „მომხმარებელი“ ვერ შეძლებს მის გამოყენებას. 

როდესაც Glovo გაუქმებას მოითხოვს, ქვემოთ მოყვანილი მე-9 განყოფილების შესაბამისად, „მომხმარებელი“ ვალდებულია უზრუნველყოს აქციის კოდის და/ან სხვა შეთავაზებისა თუ ფასდაკლების ძალმოსილობა სამომავლო გამოყენებისათვის. შეკვეთის „მომხმარებლის“ მოთხოვნით გაუქმებისას, მოხდება ქვემოთ მოცემული მე-9 განყოფილების გამოყენება.

Glovo იტოვებს უფლებას, ცალმხრივად გააუქმოს აქციის კოდები და/ან სხვა შეთავაზებები თუ ფასდაკლებები, იმ შემთხვევაში, თუ შეიტყობს მათი თაღლითური გამოყენების შესახებ (მათ შორის: აქციის კოდის გამოსყიდვა იმ პირისგან, ვინც არ არის მისი კანონიერი მიმღები, კოდების გადაცვლა ან კოდებისა თუ ფასდაკლების გაყიდვა), ზემოაღნიშნული პერიოდის ბოლოს. ამასთანავე, ის იტოვებს სანქციების გამოყენების უფლებას „მომხმარებლებზე“, იმ ოდენობით, რა ოდენობითაც Glovo გამოვლენილი თაღლითობისგან დაზარალდა.

Glovo არ იღებს პასუხისმგებლობას, თუ ფორსმაჟორული მოვლენის ან მის კონტროლს მიღმა არსებული სხვა მოვლენის გამო, ან რისი საჭიროებაც გამართლებულია, იძულებული გახდება, გააუქმოს, შეამციროს, გააგრძელოს ან შეცვალოს აქციების პირობები.

კერძოდ, Glovo არ იღებს პასუხისმგებლობას, თუ ვებსაიტი არ იქნება ხელმისაწვდომი ნებისმიერ დროს აქციების განმავლობაში ან ავტომატიზებული აქციების სისტემაში არსებული გაუმართაობის გამო.

პრომოკოდები არ არის დაჯამებადი. მომხმარებელს შეუძლია ერთ შეკვეთაზე მხოლოდ 1 პრომოკოდის გამოყენება. აპლიკაცია თავისით არჩევს პრომოკოდს და აბავს შეკვეთას.

თავის მხრივ, პრომოკოდს ვერ გამოიყენებ აპლიკაციაში არსებული პრომო აქციებით სარგებლობისას.

აკრაძალულია ერთი და იგივე მომხმარებლის რამდენიმეჯერ რეგისტრირება, უკანონო სარგებლის მისარებად, რომელიც არ არის კანონიერი და ეწინააღმდეგება ჩვენს წესებსა და პირობებს.

9. შეკვეთების გამოხმობისა და გაუქმების უფლება

Glovo-ს მიერ შეთავაზებული მომსახურების სახეობიდან გამომდინარე, „მომხმარებელი“ აცნობიერებს, რომ მას შემდეგ, რაც „მინდობილი პირი“ ნებაყოფლობით მიიღებს შეკვეთას, შესყიდვის მინდობილობის შესრულება დაწყებულადაა ჩათვლილი და „მომხმარებელს“ აღარ ექნება მომსახურების მოთხოვნის ანაზღაურების გარეშე გამოხმობის უფლება.

ზემოაღნიშნულის მიმართ ყოველგვარი პრეიუდიციის გარეშე, გაუქმების გადასახადი შესაძლოა შემდეგ ფაქტორებზე იყოს დამოკიდებული;

— თუ რესტორანს ან დაწესებულებას უკვე მიღებული აქვს შეკვეთა და დაიწყო მისი მომზადება, პროდუქტის საფასურის გადახდა „მომხმარებელს“ დაეკისრება. „მომხმარებელი“ ინფორმირებული იქნება პლატფორმის და/ან „მომხმარებლის“ მიერ დარეგისტრირებული ელფოსტის მისამართზე. 

— თუ „მომხმარებელი“ აუქმებს შეკვეთას მას შემდეგ, რაც „მინდობილი პირი“ უკვე დაეთანხმა მის დამუშავებას, გაუქმების გადასახადი „მომხმარებელს“ დაეკისრება. „მომხმარებელი“ პლატფორმის საშუალებით იქნება ინფორმირებული „მინდობილი პირის“ დათანხმების შესახებ. „მომხმარებელს“ შეუძლია, გაუქმების გადასახადი პლატფორმაზე იხილოს. თუ შეკვეთას Glovo გააუქმებს, აგენტები დაუკავშირდებიან „მომხმარებელს“, რათა ამ უკანასკნელს აცნობონ გაუქმების გადასახადის შესახებ (ასეთის არსებობის შემთხვევაში).

მომხმარებლის მიერ შეკვეთის გაუქმების შემთხვევაში, "მინდობილი" პირი არ არის ვალდებული მიაწოდოს მომხმარებელს აღნიშნული შეკვეთა, ხოლო "მომხმარებელს" დაეკისრება პროდუქტის  ფასისა და გაქმების გადასახადის გადახდა.

თუ რესტორანი ან დაწესებულება და „მინდობილი პირი“ შეკვეთას დაეთანხმებიან დამუშავებისთვის, „მომხმარებელს“ პროდუქტის ფასისა და გაუქმების გადასახადის გადახდა დაეკისრება.

„მომხმარებელს“ შეეძლება, გაუქმების ჯამური ფასი იხილოს პლატფორმაზე, „გაუქმების“ ღილაკზე ხელის დაჭერით. „მომხმარებელი“ წინასწარ ნახავს გადასახადს, ზემოთ მოყვანილი ფაქტორების საფუძველზე.

ზოგიერთი ქალაქის შემთხვევაში, შესაძლოა პირდაპირ პლატფორმაზე გაუქმების ფასის ნახვა ვერ მოხერხდეს. ასეთ შემთხვევებში, გაუქმების შესაბამისი გადასახადი მითითებული იქნება წინამდებარე II დანართში.

მიუხედავად ზემოთქმულისა, პლატფორმაზე განთავსებული კონკრეტული შეკვეთების შემთხვევაში, McDonald’s-ის პროდუქტის ჩამოსაშლელი მენიუს მეშვეობით, „მომხმარებელი“ ვალდებულია, საკითხი პირდაპირ Glovo-სთან მოაგვაროს.

Glovo იტოვებს უფლებას, სამართლიანი მიზეზის წარდგენის გარეშე გააუქმოს შეკვეთა.  Glovo-ს მხრიდან სამართლიანი მიზეზის გარეშე გაუქმების შემთხვევაში, „მომხმარებელი“ უფლებამოსილია, გადახდილი თანხის რაოდენობა აუნაზღაურდეს.

Glovo-ს ოფიციალური საჩივრის ფორმები ხელმისაწვდომია „მომხმარებელთათვის“ იმ ქვეყნების ოფიციალურ ენებზე, რომლებშიც Glovo მის მიერ შეთავაზებული მომსახურებით მოქმედებს. შესაძლოა „მომხმარებლებმა“ Glovo-ს „მომხმარებელთა დახმარების მომსახურების“ საშუალებით მოითხოვონ ზემოაღნიშნული საჩივრის ფორმები, რაც ავტომატურად გაეგზავნებათ. „მომხმარებლის“ ელფოსტაში აღნიშნული უნდა იყოს ის ზუსტი მისამართი, საიდანაც თხოვნა გამოიგზავნა, რაც უნდა დაემთხვეს იმ მისამართს, რომელზეც მომსახურება უნდა განხორციელდეს. გაურკვევლობის შემთხვევაში, საჩივარი ამ უკანასკნელიდან უნდა გაკეთდეს.    

10. Glovo-ს საშუალებით პროდუქტის შესყიდვის მომსახურების სპეციფიკური პირობები

„მომხმარებელს“ აქვს საშუალება, პლატფორმის მეშვეობით მოითხოვოს „მინდობილი პირის“ მიერ ისეთი პროდუქტების და/ან შეთავაზებული მომსახურების შესყიდვა იმ დაწესებულებებისაგან, რომლებთანაც Glovo-ს შესაძლოა ჰქონდეს ან არ ჰქონდეს გაფორმებული კომერციული ხელშეკრულება. პლატფორმის ჩამოსაშლელი მენიუს გამოყენებით, „მომხმარებელს“ შეუძლია აირჩიოს სხვადასხვა ვარიანტიდან, რომელიც პროდუქტისა თუ მომსახურების მახასიათებელსა და ფასს გამოსახავს, ასევე, ზოგიერთ შემთხვევაში, ფოტოსურათიც კი, რომელიც მხოლოდ მითითებითი ხასიათისაა.

თუ „მომხმარებელს“ პლატფორმაზე მოცემული პროდუქტის შემადგენლობისა და კვებითი ღირებულების შესახებ ინფორმაციის მიღება სურს, იგი პირდაპირ კონკრეტულ დაწესებულებას უნდა დაუკავშირდეს, რათა დაწვრილებითი ინფორმაცია მიიღოს პროდუქტზე.

როდესაც „მომხმარებელი“ აირჩევს ერთ-ერთ ვარიანტს, მას შეკვეთის დასრულება შეუძლია თავისუფალი ტექსტისთვის გამოყოფილი ადგილით, რომელიც იმისთვისაა მოცემული, რომ შეივსოს დეტალური ინფორმაციითა თუ ინსტრუქციით იმ „მინდობილი პირისთვის“, რომელმაც უნდა შეასრულოს დავალება.

„რაც გინდა“ ღილაკის გამოყენებით, „მომხმარებელი“ აცხადებს სურვილს, შეკვეთის სახით შეიძინოს გარკვეული პროდუქტები, ხოლო „მინდობილი პირი“ იქნება მხოლოდ და მხოლოდ წარმომადგენელი, რომელიც „მომხმარებლის“ სახელით მოქმედებს. „მომხმარებელს“ შეუძლია, პროდუქტი დააკონკრეტოს თავისუფალი ტექსტისთვის გამოყოფილი ადგილით, რომელიც იმისთვისაა მოცემული, რომ შეივსოს დეტალური ინფორმაციითა თუ ინსტრუქციით იმ „მინდობილი პირისთვის“, რომელმაც უნდა შეასრულოს დავალება. ზემოაღნიშნულის შედეგად, „მომხმარებელი“ არის ერთპიროვნულად პასუხისმგებელი და, შესაბამისი ვითარების წარმოქმნის შემთხვევაში, მას დაეკისრება პასუხისმგებლობა პროდუქტის მახასიათებლიდან გამომდინარე (მაგალითად: სანქცია, სამოქალაქო- და/ან სისხლისსამართლებრივი პასუხისმგებლობა, ფინანსური პასუხისმგებლობა და ა.შ.) ნებისმიერ ინციდენტზე. აღნიშნულთან დაკავშირებით, „მომხმარებლებს“ გაცნობიერებული უნდა ჰქონდეთ, რომ Glovo აქტიურად თანამშრომლობს თითოეული ქვეყნის ადგილობრივ ხელისუფლებასთან, რათა ერთად ებრძოლონ ისეთ დანაშაულებს, როგორიცაა: თაღლითობა, ნარკოტიკებით ვაჭრობა, ფულის გათეთრება, ტერორიზმი და პერსონალური მონაცემების ქურდობა. ამგვარად, „მომხმარებელი“ აცნობიერებს, რომ შესაძლოა Glovo-მ მისი მონაცემები, მისსავე თანხმობის საფუძველზე, ხელისუფლების ორგანოებს გაუმჟღავნოს, რათა თავიდან აიცილოს აღნიშნული ან სხვა სისხლისსამართლებრივი დანაშაულის ჩადენა.

„მომხმარებელი“ აცნობიერებს და თანხმდება, რომ პლატფორმაზე არსებული პროდუქტის და/ან მომსახურების აღწერა და, სადაც შესაბამისია, ფასები ან ფოტოსურათები მოცემულია დაწესებულებათა მიერ მოწოდებული ინფორმაციისა და დოკუმენტაციის საფუძველზე, და რომ Glovo-ს არ შეუძლია, აღნიშნული აღწერის, ფასების და/ან ფოტოსურათების შესაძლო უზუსტობაზე რაიმე სახის გარანტია გასცეს.

ამასთანავე, „მომხმარებელი“ თანხმდება, რომ Glovo-ს პლატფორმაზე არსებული ყველა პროდუქტი ექვემდებარება ხელმისაწვდომობას და, ამ მხრივ, ეთანხმება შესაძლებლობას, რომ შეკვეთის განხორციელების პროცესში, შესაძლოა პროდუქტი და/ან მომსახურება დაწესებულებაში ხელმიუწვდომელი აღმოჩნდეს. ამასთან ერთად, პროდუქტის ფასი ექვემდებარება უმნიშვნელო სხვაობას, გაყიდვის ადგილზე ცვლილებების არსებობის გამო. Glovo იტოვებს უფლებას, გააგრძელოს შესყიდვა, თუ ფასის სხვაობა 30%-ს არ აღემატება. თუ სხვაობა აღნიშნულ 30%-ზე მაღალია, „მინდობილი პირი“ ვალდებულია დაუკავშირდეს „მომხმარებელს“ ვითარების გაცნობის მიზნით.

Glovo იტოვებს უფლებას, გამოიხმოს ნებისმიერი პროდუქტი საკუთარი პლატფორმიდან, ასევე, ნებისმიერ დროს შეიტანოს ცვლილება საინფორმაციო ფურცელზე მის შინაარსში, აღნიშნულით რაიმე სახის პასუხისმგებლობის დაკისრების გარეშე.

                 10.1 მიტანა 

Glovo „მომხმარებლისთვის“ უზრუნველყოფს მიტანის მომსახურებას იმ პროდუქტებზე, რომლებიც „მინდობილმა პირმა“ პირადად შეიძინა გარკვეულ ქალაქებში. აღნიშნული შეკვეთის განხორციელება შესაძლებელია გადახდის დროს შემდეგი პირობების დაცვისას:

• არჩეულ დროის მონაკვეთში მომსახურება მოქმედი უნდა იყოს.
• მისატანი საქონელი უნდა მდებარეობდეს Glovo-ს სამოქმედო ქალაქსა და ხელმისაწვდომ ადგილზე.
• მიტანის ადგილი და პროდუქტის მდებარეობა ერთ ქალაქში უნდა იყოს.
• შეკვეთილი პროდუქტ(ებ)ის პარამეტრები არ უნდა აღემატებოდეს შემდეგ ზომებს: 40 სმ x 40 სმ x 30 სმ*
• ცალკეული შეკვეთის მაქსიმალური წონა არ უნდა აღემატებოდეს 9 კგ-ს*

*ზემოაღნიშნული პარამეტრები და წონა არ ვრცელდება იმ სატრანსპორტო საშუალებაზე, რომელსაც შეუძლია ასეთი მოცულობის გადატანა.

               10.2. ფასი და გადახდის მეთოდი

პროდუქტის და/ან მომსახურების ფასი განსაზღვრულია დაწესებულების მიერ და მოცემულია პლატფორმაზე. თუმცა, „მომხმარებელი“ ინფორმირებულია, რომ ზოგიერთი პროდუქტის ფასი შესაძლოა შეიცვალოს რეალურ დროში, ხელმისაწვდომი მარაგის მიხედვით იმ დაწესებულებაში, რომელიც პლატფორმაზეა წარმოდგენილი, და რომ „მომხმარებელს“, ნებისმიერ შემთხვევაში, გადახდამდე ეცნობება საბოლოო ფასი.

იმ მომენტიდან, როცა „მინდობილი პირი“ 1000 მეტრითაა დაშორებული შეკვეთის აღების პუნქტს და მის მიტანამდე, „მომხმარებელს“ შეუძლია დაუკავშირდეს „მინდობილ პირს“, რომელიც მისსავე სახელით მოქმედებს პროდუქტისა თუ მომსახურების შესყიდვის საქმეში. შესაბამისად, მინდობილობით გათვალისწინებული ქმედების შესრულებამდე, „მინდობილი პირის“ მიერ ნებისმიერი სახის ცვლილების შეტყობინება უნდა მოხდეს „მომხმარებლისათვის“, ამ უკანასკნელისგან თანხმობის მიღების მიზნით. თუ „მომხმარებელს“ სურს რაიმე სახის კომენტარის გაკეთება შეკვეთაზე, მას ყოველთვის შეუძლია პირდაპირ დაუკავშირდეს იმ „მინდობილ პირს“, რომელიც მინდობილობით გათვალისწინებულ ქმედებას ასრულებს.

ანალოგიურად, გადახდის მიღების ეტაპზე, Glovo-ს ზემოთ მოყვანილი საკურიერო მომსახურების პირობების შესაბამისად, „მომხმარებელს“ ეცნობება საბოლოო ღირებულება და მიტანის მიახლოებითი დრო.

 „მომხმარებელს“ შეუძლია, პროდუქტის და/ან მომსახურების ღირებულება გადაიხადოს ნაღდი ანგარიშსწორებით ან საკრედიტო ბარათით. შესაძლოა ნაღდი ანგარიშსწორებით გადახდა შეუძლებელი იყოს ზოგიერთ ქვეყანაში, რომელშიც Glovo მოქმედებს. შეკვეთის მიცემის დროს, „მომხმარებელს“ ეცნობება გადახდის სხვადასხვა ხელმისაწვდომი მეთოდის შესახებ იმ ადგილისთვის, სადაც მომსახურების მოთხოვნა ხდება. საკრედიტო ბარათით გადახდის შემთხვევაში, „მომხმარებელი“ ვალდებულია, ბარათის დეტალები პლატფორმის მეშვეობით წარადგინოს, როგორც მის ანგარიშთან დაკავშირებული გადახდის მეთოდი. Glovo საკუთარ სერვერზე არ ინახავს ბარათის რიცხვებს და მხოლოდ ბოლო ოთხი ციფრის დანახვა შეუძლია. სრული ინფორმაციის შენახვა ხდება გადახდის მომსახურების მიმწოდებლის სერვერზე, რომელიც Glovo-ს სახელით ახორციელებს გადახდებს. საკრედიტო ბარათით გადახდის დროს, „მომხმარებლებს“ აღნიშნული გადახდის მეთოდის არჩევისთვის დამატებითი ხარჯები არ წარმოეშობათ. ეს ყველაფერი შეესაბამება 6.1 მუხლში მოცემულ გადახდის პლატფორმის პირობებს.

ნაღდი ანგარიშსწორებით გადახდის შემთხვევაში, „მომხმარებელი“ ვალდებულია, ღირებულება გადაიხადოს პროდუქტის მიტანის დროს და/ან მიტანის ადგილზე შესასრულებელი დავალების დასრულებისას. „მომხმარებელს“ არ აქვს უფლება, უარი განაცხადოს მიტანის საფასურის და/ან შეკვეთილი პროდუქტის ფასის გადახდაზე. „მომხმარებელს“ მხოლოდ მაშინ აქვს უფლება, უარი განაცხადოს მომსახურების საფასურის გადახდაზე, თუ მას საჩივარი ჰქონდა შეტანილი და მიტანის დროისთვის Glovo-სგან დადებითი პასუხი მიიღო.

თუ მომსახურების საფასურს „მომხმარებელი“ რაიმე მიზეზით არ გადაიხდის, „მომხმარებლის“ ანგარიში დაიბლოკება მანამ, სანამ სიტუაცია არ გამოსწორდება და დავალიანების გადახდა არ მოხდება.

              10.3. უფასო ნიმუშების სახლში მიწოდება და სხვა კომერციული ქმედებები

Glovo იტოვებს უფლებას, კომერციულ შეთანხმებაში შევიდეს ობიექტებთან, სუპერმარკეტებთან, მეწარმეებთან, პროფესიონალებთან (მაგ.: მასობრივი ბაზრის სასურსათო კომპანიები, ლაბორატორიები, უნივერსალური მაღაზიები, დიდი და პატარა სამომხმარებლო ბრენდები და ა.შ.), რათა გააგზავნოს სარეკლამო შეტყობინებები მათთან, მათ შორის, „მომხმარებლისთვის“ შეკვეთაზე დამატებული უფასო ნიმუშები.

11. „სუპერGlovo“ მომსახურების სპეციფიკური პირობები

პლატფორმაზე, Glovo „მომხმარებელთათვის“ ხელმისაწვდომს ხდის კატეგორიას, სადაც მათ შეუძლიათ აირჩიონ მთელი რიგი პროდუქტებიდან, რომლებიც ჩვეულებრივ გვხვდება სუპერმარკეტებში, უნივერსალურ მაღაზიებსა და/ან პირადი მოვლის დაწესებულებებში, ასე რომ, „მინდობილი პირი“, რომელიც თანხმდება შეკვეთის შესრულებას, მომხმარებლის მიერ მითითებულ მისამართზე განახორციელებს მიტანას.

პროდუქტის შერჩევის შემდეგ, „მომხმარებელმა“ შესაძლოა, პლატფორმაზე არსებული მექანიზმების გამოყენებით, მოითხოვოს ინფორმაცია პროდუქტის ალერგენებზე, აუტანლობაზე, შემადგენლობასა და/ან კვებით ღირებულებაზე, რაც „მომხმარებელს“ უნდა მიეწოდოს საკონტაქტო ჩეთის მომსახურების მეშვეობით ან პლატფორმაზე რეგისტრირებული ელფოსტის მისამართზე. Glovo-ს ასევე შეუძლია, ბმულების მეშვეობით გახადოს ხელმისაწვდომი აღნიშნული ინფორმაცია იმ „მომხმარებელთათვის“, რომლებიც ამას მოითხოვენ. „სუპერGlovo“ შეკვეთებს არეგულირებს ზემოთ მოცემული 10.1 მუხლის დებულებები.

თუ წინამდებარე განყოფილებაში სხვაგვარად არ არის გათვალისწინებული, „სუპერGlovo“ მომსახურებაზე „გამოყენების ძირითადი წესები“ უნდა გავრცელდეს.

12. B2B Glovo-ს ბიზნესპლატფორმის მომსახურების სპეციფიკური პირობები

GLOVO ფლობს პროდუქტების გაგზავნისა და მიტანის პლატფორმას, რომელიც ხელმისაწვდომია ბიზნესისა და პროფესიონალებისათვის. წინამდებარე განყოფილება ვრცელდება GLOVO-ს მიერ შეთავაზებული მომსახურების მახასიათებლებზე, რაც მოცემულია შემდეგ ვებსაიტზე: https://business.glovoapp.com/. „გამოყენებისა და ხელშეკრულების დადების ძირითადი წესები“ უნდა გავრცელდეს ყველაფერზე, რასაც წინამდებარე განყოფილება არ მოიცავს.

            12.1. მიზანი

„მომხმარებელი“ შესაძლოა პლატფორმაზე დარეგისტრირებული სახელითა და პაროლით შევიდეს Glovo-ს ბიზნესმომსახურებაზე, რათა მოითხოვოს სასურველი პროდუქტის შეგროვება და მიტანა ერთი ან მეტი აღების პუნქტიდან და ერთი ან მეტი მიტანის პუნქტზე, ხოლო მათი ტრანსპორტირება პირდაპირ „მინდობილი პირების“ მიერ უნდა განხორციელდეს.

Glovo-ს ბიზნესპლატფორმაზე „მომხმარებლის“ მიერ მოთხოვნილი მომსახურება არ გულისხმობს პროდუქტების შეძენას, იგი გულისხმობს მხოლოდ შუამავლობის მომსახურებას სასურველი პროდუქტის მიტანის თვალსაზრისით, შეგროვების მისამართიდან მიტანის მისამართამდე.

            12.2 მომსახურების სახე

Glovo-ს ბიზნესპლატფორმის გამოყენებისას, „მომხმარებლებს“ საშუალება აქვთ, აირჩიონ მომსახურების შემდეგი სახეები:

1. „ცალმხრივი შეკვეთა“: პროდუქტების შეგროვება ხდება ერთი ადგილიდან, ხოლო მიტანა კი, მიტანის ერთ მისამართზე.
2. „დაბრუნების შეკვეთა“: პროდუქტების შეგროვება ხდება ერთი ადგილიდან, მიტანა — მეორე მისამართზე და შემდგომ დაბრუნება თავდაპირველ წერტილში (პირველ მისამართზე).
3. „მრავალჯერადი აღების შეკვეთა“: შეგროვების რამდენიმე მისამართი და მიტანის მხოლოდ ერთი მისამართი არსებობს.
4. „მრავალჯერადი დატოვების შეკვეთა“: შეგროვების ერთი მისამართი და მიტანის რამდენიმე მისამართი არსებობს.

თითოეული შეკვეთა თავისუფალი ტექსტის ადგილს შეიცავს, რათა „მომხმარებელმა“ საკუთარ შეკვეთას ნებისმიერი საჭირო კომენტარი დაურთოს, რაც „მინდობილ პირს“ დაეხმარება.

როგორც კი შეკვეთა განთავსდება, „მინდობილი პირი“ „მომხმარებლის“ მიერ მითითებულ წერტილ(ებ)ში მიდის, რათა აიღოს/შეაგროვოს შეკვეთა/შეკვეთები პლატფორმაზე მათ დასტურთან ერთად. შეკვეთის ასაღებად, „მინდობილი პირი“ ვალდებულია, პლატფორმაზე შეკვეთის დასტური წარადგინოს. დაბოლოს, „მინდობილი პირი“ ვალდებულია, შეკვეთა განსაზღვრულ მისამართ(ებ)ზე მიიტანოს.

„მომხმარებლებს“ შეუძლიათ უფასოდ გააუქმონ შეკვეთა, სანამ „მინდობილი პირი“ დაეთანხმება მის მიღებას. თუმცა, თუ „მომხმარებელი“ ისეთ შეკვეთას გააუქმებს, რომელიც „მინდობილი პირის“ მიერ უკვე მიღებულია, „მომხმარებელი“ ვალდებულია, მიმდინარე შეკვეთის გაუქმებისთვის 100%-იანი საფასური გადაიხადოს.

თუ „მინდობილი პირი“ მიტანის მისამართზე მივა და შეკვეთის წინასწარ გათვალისწინებული მიმღები პირი 10 (ათი) წუთის განმავლობაში ლოდინისა და დაკავშირების ცდის საფუძველზე არ გამოჩნდება, „მინდობილი პირი“ ვალდებულია, შეკვეთა საწყის აღების ადგილზე დააბრუნოს, ხოლო Glovo უფლებამოსილია, „მომხმარებელს“ აანაზღაურებინოს დამატებითი ხარჯები, რაც ახალ მომსახურებასთან ერთად წარმოიშვა.

აღნიშნული დამატებითი ხარჯების დაანგარიშება მოხდება ცვლადი ღირებულების საფუძველზე, რაც დამოკიდებული იქნება მიტანის წერტილამდე გავლილი კილომეტრების რაოდენობასა და ფიქსირებულ ფასზე, რომელიც შეესაბამება შეკვეთის დაბრუნებას მის თავდაპირველ მისამართზე.

თუ „მომხმარებელს“ შეკვეთის განთავსების დროს რაიმე პრობლემა წარმოეშვება, იგი GLOVO-ს დახმარების მომსახურებას უნდა დაუკავშირდეს.

Glovo-ს ბიზნესპლატფორმა ხელმისაწვდომია იმ დღეებსა და დროებში, როდესაც პლატფორმა აქტიურია.

იმ ფუთების წონა, რომლის წაღებაც „მინდობილ პირებს“ შეუძლიათ, შესაძლოა კონკრეტულ ვითარებაში შეზღუდვებს დაექვემდებაროს. პროდუქტები იმ ქალაქებში უნდა იყოს, სადაც Glovo მოქმედებს, ხოლო მისი შეგროვებისა და მიტანის წერტილები იმავე ქალაქსა და ადგილებში, სადაც Glovo მომსახურებას ახორციელებს.

             12.3. მომსახურების საფასური

თითოეული შეკვეთის ფასი შედგება ცვალებადი საფასურისგან (დამატებით, ნებისმიერი არაპირდაპირი გადასახადი, რომელიც შესაძლოა კანონით იქნეს გამოყენებული), რომელიც ემყარება გავლილ მანძილს (კმ) (შემდგომში, „გადასახადი“).

GLOVO იტოვებს უფლებას, შეცვალოს ფასები მოცემულ მანძილსა და/ან შეკვეთის მიტანის განხორციელების დღის მონაკვეთზე დაყრდნობით.

აღნიშნული პირობების მიხედვით, „მომხმარებელი“ უფლებამოსილია, იცოდეს შეკვეთის მიახლოებითი ღირებულება მის განთავსებამდე. გადასახადი შესაძლოა შეიცვალოს ფორსმაჟორულ სიტუაციაში, რაც Glovo-ს კონტროლს მიღმა იქნება და რაც გადასახადის გაზრდას გამოიწვევს. Glovo „მომხმარებლის“ სახელით განახორციელებს „მინდობილი პირისთვის“ მისი მომსახურების საფასურის გადახდას. გადასახადი გაიზრდება მაშინაც, თუ „მომხმარებელი“ წარადგენს ისეთ დაგვიანებულ ინფორმაციას „მინდობილი პირისათვის“, როგორიცაა შეგროვების და/ან მიტანის მისამართ(ებ)ის ცვლილება ან თავდაპირველი შეკვეთის მიტანის დამატებითი მისამართები.

გაწეული მომსახურების გადახდა განხორციელდება შემდეგი მეთოდებით, რომელთა შორისაც არჩევანს თავად „მომხმარებელი“ გააკეთებს:

• საკრედიტო ბარათი: „მომხმარებლებს“ შეუძლიათ, თითოეული შეკვეთა ინდივიდუალურად გადაიხადონ, საკრედიტო ბარათის გამოყენებით იმავე წესებითა და პირობებით, რაც გათვალისწინებულია „გამოყენებისა და ხელშეკრულების დადების ძირითად წესებსა და პირობებში“.

• ყოველთვიური გადასახადი / პირდაპირი დებეტი: Glovo ყოველ კალენდარულ თვეში შეკრებს „მომხმარებლის“ ჯამურ ხარჯებს პირდაპირი დებეტის მეშვეობით, ამ უკანასკნელის მიერ მიწოდებული ინფორმაციის საფუძველზე.

თუ პირდაპირი დებეტი გაუქმდა და შესაბამისი თანხის გადახდა შეუძლებელია, „მომხმარებლის“ ჯამური თანხის ჩამოჭრა მისი დაკავშირებული საკრედიტო ბარათიდან მოხდება იმავე დღეს, როდესაც GLOVO-სთვის ცნობილი გახდება პირდაპირი დებეტის გაუქმების შესახებ. ასეთ შემთხვევაში, „მომხმარებელს“ პირდაპირი დებეტის შეწყვეტის შედეგად გაჩენილი გადასახადი დაეკისრება (მაგ.: ბანკის საკომისიო გადახდები).

13. ალკოჰოლის შესყიდვა

„მომხმარებელი“, რომელიც განათავსებს შეკვეთას, რომელშიც მოცემულია პლატფორმის მეშვეობით ალკოჰოლური სასმელის შესყიდვა და/ან მიტანა, სრულწლოვანი უნდა იყოს. აღნიშნული გულისხმობს, რომ ისინი უნდა იყვნენ მინიმუმ იმ ასაკის, რომელიც გათვალისწინებულია იმ ტერიტორიის მოქმედი ადგილობრივი კანონმდებლობით, საიდანაც „მომხმარებელი“ შეკვეთას ანთავსებს. ალკოჰოლური სასმელების შემცველი შეკვეთის განთავსების დროს, „მომხმარებელი“ ადასტურებს, რომ არის მინიმუმ იმ ასაკის, რომელიც გათვალისწინებულია იმ ტერიტორიის მოქმედი ადგილობრივი კანონმდებლობით, საიდანაც „მომხმარებელი“ შეკვეთას ანთავსებს. Glovo იტოვებს უფლებას, უარი განაცხადოს შეკვეთაში მოცემული ალკოჰოლური სასმელის შესყიდვასა და/ან მიტანაზე ნებისმიერი იმ პირისთვის, რომელიც ვერ დაამტკიცებს, რომ არის მინიმუმ იმ ასაკის, რაც გათვალისწინებულია იმ ტერიტორიის მოქმედი ადგილობრივი კანონმდებლობით, საიდანაც „მომხმარებელი“ შეკვეთას ანთავსებს.

წინამდებარე მუხლი ზუსტად ანალოგიურად გავრცელდება პლატფორმის საშუალებით „მომხმარებლის“ მიერ შეკვეთილ ნებისმიერ სხვა მსგავს პროდუქტსა და/ან მომსახურებაზე, რომელიც, მოქმედი კანონმდებლობით, განკუთვნილია მხოლოდ 18+ ასაკის პირებისთვის.

ანალოგიურად, იმ ქალაქის შემთხვევებში, რომელშიც ალკოჰოლური სასმელების გაყიდვა და/ან მიტანა შეზღუდულია დროის რომელიმე მონაკვეთში, „მომხმარებელს“ ეკისრება პასუხისმგებლობა იმაზე, რომ ასეთი შეკვეთა მხოლოდ შესაბამისი მოქმედი კანონმდებლობით ნებადართულ დროის მონაკვეთში განათავსოს. Glovo იტოვებს უფლებას, ნებადართული დროის მიღმა, უარი განაცხადოს შეკვეთაში მოცემული ალკოჰოლური სასმელის შესყიდვასა და/ან მიტანაზე.

14. პროდუქტები აფთიაქებიდან

მოქმედი კანონმდებლობის შესაბამისად, პლატფორმის საშუალებით Glovo არ ახორციელებს ადამიანის მიერ გამოყენებისთვის საჭირო მედიკამენტების გაყიდვას ან რეკლამირებას. „მინდობილი პირები“ მოქმედებენ, როგორც წარმომადგენლები იმ „მომხმარებელთათვის“, რომლებმაც პლატფორმის მეშვეობით ადამიანის მიერ გამოყენებისთვის საჭირო ურეცეპტო წამალი შეუკვეთეს ასაღებად.

ნებისმიერ შემთხვევაში, Glovo უზრუნველყოფს „მომხმარებლისთვის“ ფარმაცევტის რჩევის ხელმისაწვდომობას შეკვეთის განთავსებამდე. აღნიშნული მიზნით, Glovo-მ დაამატა სპეციალური თხოვნების ფანჯარა, სადაც, საეჭვოობის შემთხვევაში, „მომხმარებელს“ შეუძლია გაესაუბროს იმ ფარმაცევტს, რომელიც პლატფორმის მეშვეობით პროდუქტ(ებ)ს ანაწილებს. ყველაფერი ეს იმისათვის ხდება, რომ ფარმაცევტმა შეძლოს სწორი პროდუქტის გაცემა.

ნებისმიერ შემთხვევაში, Glovo ვერ აიღებს პასუხისმგებლობას „მომხმარებლების“ მიერ „აფთიაქის“ განყოფილებაში შეკვეთილი პროდუქტების გამოყენებაზე და ვერ იქნება პასუხისმგებელი აფთიაქებიდან გაცემული პროდუქტების რაოდენობასა და/ან მდგომარეობაზე.

 დამატებით, პლატფორმას შეუძლია, აფთიაქს, რომელმაც მომხმარებლის მიერ შეკვეთილი მედიკამენტი გასცა, მიაწოდოს ამ უკანასკნელის სარეგისტრაციო სახელი და ტელეფონის ნომერი, რათა ამ აფთიაქმა „მომხმარებლის“ კითხვებს უპასუხოს. აღნიშნული გამჟღავნება ნებისმიერ შემთხვევაში ექვემდებარება „მომხმარებლის“ მიერ გამოხატულ ერთმნიშვნელოვან თანხმობას, მონაცემთა დაცვის მოქმედი კანონმდებლობის შესაბამისად.

პლატფორმაზე Glovo-ს ყველა „მომხმარებლისთვის“ Glovo-ს მხრიდან ხელმისაწვდომია მედიკამენტების ოფიციალური მონაცემების ფურცელი, გამოქვეყნებული „ჯანმრთელობის, სოციალური პოლიტიკისა და თანასწორობის სამინისტროს“ (Ministerio de Sanidad, Política Social e Igualdad) მედიკამენტებისა და სამედიცინო მოწყობილობების ესპანეთის სააგენტოს მიერ (Agencia Española de Medicamentos y Productos Sanitarios).

15. შეზღუდული გამოყენების ნივთების მიტანის პოლიტიკა

მაგალითების არასრული ჩამონათვალი:

16. სოლიდარობა Glovo-ში

Glovo თანამშრომლობს სხვადასხვა დაწესებულებასთან, კორპორაციულ ჯგუფთან და არასამთავრობო ორგანიზაციასთან საქველმოქმედო და სოლიდარობის გამომხატველ პროექტებში, შემოწირულობების კამპანიებსა და არაკომერციულ კამპანიებში ზოგიერთ ქვეყანაში, სადაც ის მოქმედებს (ექვემდებარება გამოყენებადობას თითოეულ ქვეყანაში). Glovo შუამავლის როლს ასრულებს ასეთი კამპანიებისა და პროექტების შექმნაში, რაც ემყარება მხოლოდ მის კეთილსინდისიერებასა და სოციალურ ინიციატივებში მონაწილეობის სურვილს. 

Glovo პასუხისმგებლობას არ იღებს ასეთი კამპანიების საბოლოო გამოყენებასა ან შედეგზე. Glovo აგრეთვე არ იძლევა რაიმე გარანტიას, არ იღებს სამართლებრივ პასუხისმგებლობას და არ აქვს კონტროლი იმაზე, თუ როგორ იყენებენ შემოწირულობებს ზემოხსენებული დაწესებულებები.

17. გეოლოკაცია

Glovo-ს შეუძლია, „მომხმარებლის“ ნებართვის საფუძველზე, შეაგროვოს, გამოიყენოს ან გააზიაროს მდებარეობის ზუსტი მონაცემი, მათ შორის, „მომხმარებლის“ კომპიუტერის ან მობილური მოწყობილობის რეალურ დროში არსებული გეოგრაფიული ადგილმდებარეობა. Glovo-ს შეუძლია შეაგროვოს და გამოიყენოს აღნიშნული ადგილმდებარეობის მონაცემი, რათა აჩვენოს „მომხმარებლებს“ დავალების წარმოშობის და/ან მიმართულების წერტილი. ამასთან დაკავშირებით, „მომხმარებელი“ პირდაპირ ეთანხმება საკუთარი გეოლოკაციის მონაცემის გაზიარებას სხვა „მომხმარებელსა“ და „მიმწოდებელთან“, რათა მოთხოვნილი დავალების წარმატებით შესრულება ნებისმიერ დროს მოხდეს. პერსონალურ მონაცემთა დაცვის პოლიტიკის მიხედვით, „მომხმარებლებს“ შეუძლიათ აირჩიონ მათ მოწყობილობებზე გეოლოკაციის გათიშვა.

„მომხმარებელი“ პასუხისმგებელია შეგროვებისა და მიტანისთვის სწორი მისამართების მითითებაზე. აღნიშნულთან დაკავშირებით, Glovo არ იღებს პასუხისმგებლობას „მომხმარებლის“ მიერ ამგვარი მისამართების მითითებისას დაშვებულ შეცდომაზე.

18. მომხმარებელთა ვალდებულებები

„მომხმარებლები“ ერთპიროვნულად არიან პასუხისმგებელი საკუთარი პროფილისა და პლატფორმის სხვა კონტენტის სათანადოდ გამოყენებასა და წვდომაზე, მოქმედი კანონმდებლობის, იქნება ეს ადგილობრივი თუ საერთაშორისო, იმ ქვეყნის, საიდანაც პლატფორმას იყენებენ, ისევე, როგორც კეთილსინდისიერების, ზნეობის, საზოგადოდ მიღებული ჩვეულებებისა და საჯარო წესრიგის პრინციპების შესაბამისად. კერძოდ, ისინი იღებენ ვალდებულებას, გულითადად შეასრულონ წინამდებარე „გამოყენების ძირითადი წესები და პირობები“.

„მომხმარებლები“ პასუხისმგებელი არიან საკუთარი ინდივიდუალური სახელისა და პაროლის სწორად შეყვანაზე, რომელიც გადაცემას არ ექვემდებარება და უნდა იყოს რთული აგებულების, ასევე, არ უნდა იქნეს იმავე სახელისა და პაროლის გამოყენება სხვა პლატფორმებზე. ეს ყველაფერი იმისთვის, რომ დაცული იყოს მათი ანგარიშები თაღლითური გამოყენებისგან მესამე პირის მიერ, რომელიც არ მიეკუთვნება პლატფორმას.

„მომხმარებლები“ ვალდებული არიან, არ გამოიყენონ საკუთარი პროფილი და პლატფორმის სხვა კონტენტი უკანონო მიზნებისათვის ან უკანონო შედეგებით, რაც დაარღვევს მესამე პირის უფლებებსა და ინტერესებს ან რამაც შეიძლება რაიმე ფორმით დააზიანოს, გამორთოს, დააზარალოს ან გააფუჭოს პლატფორმა და მისი კონტენტი და მომსახურება. ამასთანავე, მათ ეკრძალებათ, ხელი შეუშალონ სხვა „მომხმარებლის“ მიერ პლატფორმის ჩვეულებრივ გამოყენებას.

Glovo-ს არ გააჩნია სარედაქციო პასუხისმგებლობა და მკაფიოდ აცხადებს, რომ იგი არ აიგივებს თავს პლატფორმის „მომხმარებლების“ მიერ გამოთქმულ მოსაზრებებთან, რომელთა შედეგებიც ერთპიროვნულად მათ გამომთქმელებს უნდა დაეკისროთ.

ზემოაღნიშნული ვალდებულებების ნებისმიერი დამრღვევი პირი პასუხისმგებელია მის მიერ გამოწვეულ ნებისმიერ დანაკარგსა ან ზიანზე. Glovo არ იღებს პასუხისმგებლობას მესამე პირის მიერ მსგავსი უკანონო გამოყენების ან შეღწევის შედეგად წარმოქმნილ დანაკარგსა ან ზიანზე.

ზოგადად, „მომხმარებლები“ შეუზღუდავად იღებენ პასუხისმგებლობას, მაგალითად:

• უარი თქვან პლატფორმის რაიმე სახით შეცვლაზე, სრულად ან ნაწილობრივ, მისი ფუნქციების ან მომსახურებების გვერდის ავლით, გამორთვით ან რაიმე სხვა გზით ხელყოფით;
• უარი თქვან სამრეწველო ან ინტელექტუალური საკუთრების უფლების ან პერსონალური მონაცემების დაცვის კანონმდებლობის დარღვევაზე;
• უარი თქვან პლატფორმის გამოყენებაზე იმ მიზნით, რომ სხვა „მომხმარებლები“ შეურაცხყონ, ცილი დასწამონ, დააშინონ ან შეაწუხონ ან თავს დაესხან მათ რეპუტაციას; — უარი თქვან სხვა „მომხმარებლების“ ელფოსტის ანგარიშის გამოყენებაზე;
• უარი თქვან კომპიუტერული ვირუსების, დაზიანებული ფაილების ან ნებისმიერი სხვა პროგრამის დანერგვაზე, რამაც შესაძლოა გამოიწვიოს Glovo-ს ან მესამე პირის კონტენტის ან სისტემის დაზიანება ან შეცვლა;
• უარი თქვან სხვებისთვის მასობრივი და/ან პერიოდული ელფოსტების გაგზავნაზე, ან მესამე პირის ელფოსტის მისამართის გაგზავნაზე, ამ უკანასკნელის თანხმობის გარეშე;
• უარი თქვან Glovo-ს წინასწარი ნებართვის გარეშე საქონლისა და მომსახურების რეკლამირებაზე.

ნებისმიერმა „მომხმარებელმა“ შესაძლოა უჩივლოს სხვა „მომხმარებელს“, თუ ის დარწმუნებულია, რომ ეს უკანასკნელი არღვევს წინამდებარე „გამოყენების ძირითად წესებსა და პირობებს“. ანალოგიურად, ნებისმიერ „მომხმარებელს“ შეუძლია Glovo-ს აცნობოს წინამდებარე პირობების ნებისმიერი ბოროტად გამოყენების ან დარღვევის შესახებ „საკონტაქტო ფორმის“ საშუალებით. Glovo აღნიშნულ საჩივრებს შეძლებისდაგვარად უმოკლეს დროში შეამოწმებს და გადადგამს ისეთ ნაბიჯებს, რასაც საჭიროდ ჩათვლის. Glovo იტოვებს უფლებას, წაშალოს და/ან შეაჩეროს ნებისმიერი „მომხმარებლის“ ანგარიში პლატფორმიდან, წინამდებარე „გამოყენების ძირითადი წესებისა და პირობების“ დარღვევისათვის. ამასთანავე, Glovo იტოვებს უფლებას, წინასწარი გაფრთხილების ან შემდგომი შეტყობინების გარეშე, წაშალოს და/ან შეაჩეროს ნებისმიერი შეტყობინება, რომელიც შეიცავს უკანონო ან შეურაცხმყოფელ კონტენტს.

19. მომხმარებლის მიერ რეგისტრაციის გაუქმება

„მომხმარებელს“ შეუძლია რეგისტრაციის გაუქმება პლატფორმაზე არსებული „საკონტაქტო ფორმის“ გამოყენებით.

20. Glovo-ს პასუხისმგებლობა

„მომხმარებლები“ ვალდებული არიან, იქონიონ ინტერნეტსა და პლატფორმაზე შესვლისთვის საჭირო მომსახურება და აღჭურვილობა. „მომხმარებლებს“ შეუძლიათ, Glovo-ს საჩივარი წარუდგინონ ნებისმიერ ინციდენტსა ან პლატფორმაზე წვდომასთან დაკავშირებით, „მომხმარებელთათვის“ ხელმისაწვდომი საკონტაქტო არხების მეშვეობით. Glovo გააანალიზებს ინციდენტს და „მომხმარებელს“ მიუთითებს, როგორ გადაჭრას ეს პრობლემა, რაც შეიძლება სწრაფად.

Glovo-ს არ გააჩნია კონტროლი და არ არის პასუხისმგებელი „მომხმარებლების“ მიერ პლატფორმის საშუალებით ატვირთულ კონტენტზე და „მომხმარებელი“ ერთპიროვნულადაა პასუხისმგებელი მსგავსი კონტენტის კანონიერებაზე.

Glovo პასუხს არ აგებს არცერთი მომსახურების შეწყვეტაზე, დაკავშირების პრობლემაზე, ინტერნეტმომსახურების ხელმიუწვდომლობასა ან გაუმართაობაზე, ან ინტერნეტის შეწყვეტასა ან სხვა ისეთ საკითხზე, რაც Glovo-ს კონტროლს მიღმაა.

Glovo არ იღებს პასუხისმგებლობას არცერთ იმ უსაფრთხოების პრობლემაზე, რაც შეიძლება წარმოიშვას ან შეექმნას „მომხმარებლის“ კომპიუტერულ სისტემას (აპარატურა და პროგრამული უზრუნველყოფა), ან მასში შენახულ ფაილებს ან დოკუმენტაციას, შემდეგის შედეგად:

• ვირუსის არსებობა „მომხმარებლის“ იმ კომპიუტერულ სისტემასა ან მობილურ ტელეფონში, რომელსაც პლატფორმის კონტენტსა და მომსახურებაზე წვდომისთვის იყენებს;
• ბრაუზერის გაუმართავი მუშაობა;
• მისი ძველი ვერსიის გამოყენება.

21. პასუხისმგებლობა კონტენტზე

Glovo არ აკონტროლებს (და არ აქვს კონტროლის ვალდებულება) იმას, თუ როგორ იყენებენ „მომხმარებლები“ პლატფორმას. აქედან გამომდინარე, იგი არ იძლევა გარანტიას, რომ „მომხმარებლები“ პლატფორმას იყენებენ წინამდებარე „გამოყენების ძირითადი წესებისა და პირობების“ დაცვით ან გულმოდგინე და/ან კეთილგონივრული გზით. Glovo არ ამოწმებს (და არ აქვს შემოწმების ვალდებულება) „მომხმარებლების“ იდენტურობას ან მათ მიერ მოწოდებული მონაცემების სისწორეს, ამჟამინდელ ნამდვილობას, სისრულეს და/ან ავთენტურობას.

Glovo არ ამოწმებს პლატფორმის მეშვეობით შეკვეთილ და გაგზავნილ ან მიწოდებულ პროდუქტებს. „მომხმარებელი“ და „მინდობილი პირი“ ათავისუფლებენ Glovo-ს რაიმე ვალდებულებისგან, რაც შეიძლება წარმოიშვას სპეციალური ნებართვის ან ლიცენზიის საჭიროების მქონე პროდუქტის ხელმისაწვდომობისა და/ან ტრანსპორტირებიდან, ან ნებისმიერი მოქმედი კანონმდებლობით აკრძალული პროდუქტისგან, როგორც ეს აღწერილია (შეუზღუდავი პასუხისმგებლობის მაგალითი) ზემოთ, მე-15 მუხლში. თუ Glovo შეიტყობს, რომ „მომხმარებელი“ და/ან „მინდობილი პირი“ პლატფორმას აკრძალული პროდუქტების გადასატანად იყენებენ, Glovo-ს შეუძლია, დაიწყოს შიდა გამოძიება ფაქტების დასადგენად, მიიღოს საჭირო კანონიერი ზომები და/ან დაბლოკოს აღნიშნული „მომხმარებელი“ ან „მინდობილი პირი“, სანამ პოტენციური გამოძიება არ დასრულდება. Glovo-ს მიერ ზომების მიღებაში შედის „მომხმარებლებსა“ და „მინდობილ პირებზე“ არსებული მონაცემისა და ინფორმაციის მიწოდება ხელისუფლების ორგანოებისთვის.

Glovo უარყოფს ნებისმიერ პასუხისმგებლობას, რაც შეიძლება წარმოიშვას „მომხმარებლის“ მიერ პლატფორმის უკანონო გამოყენებისას ან ერთი „მომხმარებლის“ მხრიდან მეორე „მომხმარებლისთვის“ მიწოდებული ინფორმაციის საფუძველზე, რაც გულისხმობდა, რომ ეს უკანასკნელი არის ცრუ, უმოქმედო, არასრული და/ან ტყუილი და, კერძოდ, შეზღუდვების გარეშე, ნებისმიერი სახის დანაკარგსა ან დაზიანებაზე, რომელიც შეიძლება წარმოიშვას მაშინ, როდესაც „მომხმარებელი“ განასახიერებს მესამე პირს, პლატფორმის საშუალებით განხორციელებულ ნებისმიერ კომუნიკაციაში.  კერძოდ, Glovo არ იღებს პასუხისმგებლობას პლატფორმის გამოყენებით ნებისმიერი შეკვეთის გაკეთებისას, რაც შესაძლოა განხორციელდეს მესამე პირის მიერ „მომხმარებლის“ ანგარიშიდან.

ზემოაღნიშნულიდან გამომდინარე, Glovo იტოვებს უფლებას, სრულად ან ნაწილობრივ შეზღუდოს კონკრეტული „მომხმარებლის“ პლატფორმაზე წვდომა, ასევე, შესაბამისი ტექნოლოგიური საშუალებების გამოყენებით, შეაჩეროს, დაბლოკოს ან ამოიღოს გარკვეული ტიპის კონტენტი, თუ Glovo შეიტყობს ან არსებობს იმის ნიშნები, რომ აქტივობა ან შენახული ინფორმაცია უკანონო ან საზიანოა მესამე პირის უფლებების ან საკუთრების მიმართ. აღნიშნულთან დაკავშირებით, Glovo-მ შესაძლოა შექმნას ნებისმიერი ფილტრი, რომელიც შეიძლება საჭირო იყოს, რათა არ მოხდეს მომსახურების გამოყენება უკანონო ან საზიანო კონტენტის ინტერნეტში ატვირთვისათვის. პლატფორმის საშუალებით ინფორმაციის ხელმისაწვდომობით, „მომხმარებელი“ Glovo-ს ყველა საექსპლუატაციო უფლებას ანიჭებს, რაც აღნიშნული მიწოდებული კონტენტიდან წარმოიშობა.

Glovo იტოვებს უფლებას, მიიღოს გადაწყვეტილება ალგორითმებისა და პარამეტრების თაობაზე, რომლებიც გამოიყენება კომერსანტებისა (რესტორნებისა ან/და ობიექტების) და პროდუქტების იმ რეიტინგის დასადგენად, რომელიც პლატფორმაზე ჩანს; ასევე, შეცვალოს და განაახლოს ის. მომხმარებელი აღიარებს და ეთანხმება, რომ აღნიშნული რეიტინგი შეიძლება განისაზღვროს მრავალი ფაქტორითა და მეტრიკით, რომელიც მოიცავს, მაგრამ არ შემოიფარგლება ობიექტის სიახლოვითა და ხელმისაწვდომობით, წინა მიმოხილვებით, ასევე, Glovo-სთან მიღწეულ ნებისმიერი შეთანხმებით აღნიშნულ სავაჭრო ობიექტებსა ან პროდუქტების დისტრიბუტორებთან, რომლებიც დაკავშირებულია მათ პოზიციონირებასა და ხილვადობასთან.

22. დავალებებსა და გადახდებში გარანტიის არქონა

Glovo არ იძლევა გარანტიას „მინდობილ პირებად“ წარმოდგენილი მესამე პირის უფლებების ნამდვილობაზე, სიზუსტეზე, სიახლეზე, საიმედოობაზე, კანონიერებასა და დაურღვევლობაზე. ამ მხრივ, „მომხმარებლები“ აცხადებენ მზადყოფნას იმასთან დაკავშირებით, რომ GLOVO არის ტექნოლოგიური პლატფორმა, რომლის ძირითადი საქმიანობა შუამავლის როლის შესრულებაა; სხვა სიტყვებით, ის ერთმანეთთან აკავშირებს „მომხმარებლებსა“ და „მინდობილ პირებს“; და, აქედან გამომდინარე, არ იღებს არანაირ პასუხისმგებლობას „მინდობილი პირების“ მიერ მიწოდებულ ინფორმაციაზე ან მათ მიერ წარმოშობილ ნებისმიერ დანაკარგსა ან ზიანზე, რომელიც წინამდებარე „გამოყენების ძირითადი წესებისა და პირობების“ დარღვევით მოხდა. როდესაც პლატფორმაზე შეკვეთის განთავსება და „მინდობილი პირის“ მიერ მისი მიღება ხდება, „მომხმარებელსა“ და „მინდობილ პირს“ შორის პირდაპირი კომუნიკაცია მყარდება. Glovo არ მონაწილეობს აღნიშნულ ურთიერთობაში და უბრალოდ უზრუნველყოფს პლატფორმას, რათა მხარეებმა შეძლონ კომუნიკაცია და იმდენი შეკვეთის განთავსება, რამდენიც საჭირო იქნება. შესაბამისად, Glovo ვერ იქნება პასუხისმგებელი „მინდობილი პირების“ ხელმისაწვდომობასა ან მათ მიერ დავალების ადეკვატურად და დამაკმაყოფილებლად შესრულებაზე.

Glovo არ გასცემს მტკიცებას ან დადასტურებას რომელიმე „მინდობილ პირთან“ ან მათ იდენტურობასა ან ბიოგრაფიულ ინფორმაციასთან დაკავშირებით. ზემოაღნიშნულის მიუხედავად, Glovo-ს შეუძლია ჩაატაროს დამატებითი შემოწმებები და აამოქმედოს პროცედურები, რომლებიც მიზნად ისახავს „მინდობილი პირის“ იდენტურობის შემოწმებას ან დადგენას. აღნიშნულთან დაკავშირებით, როდესაც „მომხმარებელი“ „მინდობილი პირის“ სტატუსს მიაღწევს, ეს უბრალოდ გამოხატავს იმას, რომ აღნიშნულმა მომხმარებელმა დაასრულა რეგისტრაციის შესაბამისი პროცესი და დაეთანხმა წინამდებარე „გამოყენების ძირითად წესებსა და პირობებს“ და სხვა ნებისმიერ სპეციფიკურ წესს, რომელიც შეიძლება მას შეეხოს. ასეთი სტატუსი არ გულისხმობს Glovo-ს მიერ ამ „მომხმარებლის“ საიმედოობის, შესაფერისობის და/ან უსაფრთხოების დადასტურებას ან მოწონებას.

აქედან გამომდინარე, Glovo „მომხმარებლებს“ ურჩევს, ყოველთვის გამოიყენონ საღი აზრი და იყვნენ მზადყოფნაში კონკრეტული „მინდობილი პირისათვის“ დავალების გადაცემის დროს.

პლატფორმის წევრად გახდომით, „მომხმარებლები“ ეთანხმებიან, რომ ნებისმიერი საჩივარი, რომლითაც იურიდიული პასუხისმგებლობის დაკისრება სურთ, რაც გამოწვეულია პლატფორმის სხვა „მომხმარებლების“ ან მესამე პირების მოქმედებით ან უმოქმედობით, იზღუდება ამგვარი „მომხმარებლებით“ ან მესამე პირებით, და რომ Glovo-ს წინააღმდეგ პასუხისმგებლობის ზომების მიღება დაუშვებელია.

23. პლატფორმის განახლება და ცვლილებები

Glovo იტოვებს უფლებას, წინასწარი გაფრთხილების გარეშე, ნებისმიერ დროს შეცვალოს წინამდებარე „გამოყენების ძირითადი წესები და პირობები“, “კონფიდენციალურობის პოლიტიკა” და „Cookie-ფაილების პოლიტიკა“. პლატფორმაზე შესვლის დროს, „მომხმარებლები“ ვალდებული არიან, ყურადღებით გაეცნონ წინამდებარე „ძირითად წესებსა და პირობებს“. ნებისმიერ შემთხვევაში, „ძირითად წესებსა და პირობებზე“ დათანხმება მნიშვნელოვანი ნაბიჯია, რომელიც Glovo-ს პლატფორმაზე არსებულ მომსახურებასა და კონტენტზე წვდომამდე უნდა გადაიდგას.

ამასთანავე, Glovo იტოვებს უფლებას, ნებისმიერ დროსა და წინასწარი გაფრთხილების გარეშე, განაახლოს, შეასწოროს ან წაშალოს პლატფორმაზე არსებული ინფორმაცია, მისი განლაგების, წარმოდგენისა და დაშვების პირობების გათვალისწინებით, ამით რაიმე პასუხისმგებლობის აღების გარეშე. Glovo არ იძლევა შეცდომების ან წყვეტის არარსებობის გარანტიას პლატფორმასა ან მის კონტენტზე წვდომის დროს, ან იმის გარანტიას, რომ იგი ყოველთვის განახლებული იქნება. ყოველივე ზემოაღნიშნულის მიუხედავად, Glovo, გარდა იმ შემთხვევისა, როდესაც ამის გაკეთება გაუჭირდება ან ეს შეუძლებელი იქნება, ყველა ნაბიჯს გადადგამს ასეთი შეცდომების გამოსასწორებლად, კომუნიკაციის აღსადგენად და კონტენტის გასაახლებლად, როგორც კი შეიტყობს შეცდომების ან გათიშვის, ან კონტენტის განახლების საჭიროების შესახებ.

24. ინტელექტუალური საკუთრება

Glovo არის პლატფორმაში შემავალი ინტელექტუალური და სამრეწველო საკუთრების უფლების მფლობელი ან ლიცენზიანტი, ისევე, როგორც იმ კონტენტისა, რისი მიღებაც მისი საშუალებითაა შესაძლებელი. პლატფორმის ინტელექტუალური საკუთრების უფლება, ასევე მასში შემავალი ტექსტი, სურათი, გრაფიკული დიზაინი, ნავიგაციის სტრუქტურა, ინფორმაცია და კონტენტი არის Glovo-ს საკუთრება, რომელსაც ექსკლუზიური უფლება აქვს, ნებისმიერი ფორმით გამოიყენოს მისი განხორციელების უფლებები, კერძოდ, გამრავლების, განაწილების, გამოქვეყნებისა და ტრანსფორმაციის უფლებები, ინტელექტუალური და სამრეწველო საკუთრების უფლებების შესახებ ესპანეთის კანონმდებლობის თანახმად.

ზემოაღნიშნულის მიუხედავად, Glovo არ შეიძლება იყოს ისეთი კონტენტის მფლობელი ან ლიცენზიანტი, როგორიცაა სახელები ან სურათები, მათ შორის, იმ კომპანიების, რომლებთანაც Glovo-ს ბიზნესურთიერთობა არ გააჩნია. ასეთ შემთხვევებში, Glovo კონტენტს იძენს საჯაროდ ხელმისაწვდომი წყაროებიდან და Glovo არავითარ შემთხვევაში არ ჩაითვლება Glovo-ს საკუთრებაში არსებულ არცერთ უფლებასთან დაკავშირებულად.

„მომხმარებლის“ მხრიდან პლატფორმაზე წვდომის ნებართვა არ გულისხმობს Glovo-ს მიერ ინტელექტუალური ან სამრეწველო საკუთრების უფლებაზე უარის თქმას, გადაცემას, ლიცენზირებას, ან სრულად ან ნაწილობრივ გადაცემას. აკრძალულია Glovo-ს პლატფორმის კონტენტის წაშლა, გვერდის ავლა ან რაიმე გზით ფალსიფიკაცია. ამასთანავე, აკრძალულია Glovo-ს პლატფორმაში არსებული კონტენტის საჯარო ან კომერციული მიზნებისათვის ნებისმიერი გზით შეცვლა, ასლის გაკეთება, ხელახლა გამოყენება, ექსპლოატაცია, აღდგენა, გამოქვეყნება, მეორე ან შემდგომი პუბლიკაციების განთავსება, ფაილების ატვირთვა, ფოსტით გაგზავნა, გადაცემა, გამოყენება, დამუშავება ან გავრცელება, გარდა იმ შემთხვევებისა, როცა Glovo-ს წერილობითი უფლებამოსილება არსებობს ან, საჭიროების შემთხვევაში, უფლებების მფლობელს უკავშირდება.

ნებისმიერი „მომხმარებელი“, რომელიც პლატფორმის საშუალებით ნებისმიერი სახის კონტენტს აზიარებს, ამტკიცებს, რომ მას ამის გაკეთების შესაბამისი უფლება აქვს, რითაც ათავისუფლებს Glovo-ს ნებისმიერი პასუხისმგებლობისგან მიწოდებული ინფორმაციის კონტენტსა და კანონიერებასთან დაკავშირებით. პლატფორმის საშუალებით კონტენტის მიწოდებით, „მომხმარებლები“ Glovo-ს ანიჭებენ ექსპლოატაციის უფლებას ინტელექტუალურ ან სამრეწველო საკუთრებაზე, რომელიც უფასოდ წარმოიშვა ასეთი კონტენტისაგან და მაქსიმალურად დასაშვებია მოქმედი კანონმდებლობით.

25. ურთიერთობის შეწყვეტა

თუ წინამდებარე „ძირითადი წესებისა და პირობების“ რომელიმე მუხლი ბათილად ან ძალადაკარგულად ცნო კანონმა, ასეთი მუხლ(ებ)ის შეტანა არ მოხდება. ამგვარი ბათილობის განცხადება არ გამოიწვევს სხვა მუხლების ბათილად ცნობას და ისინი ძალაში დარჩება და ჩვეულებრივ იმოქმედებს მხარეებს შორის.

26. მოქმედი კანონი

Glovo-სა და "მომხმარებელს" შორის ურთიერთობა რეგულირდება და განიმარტება ამ "ძირითადი წესებისა და პირობების" შესაბამისად, რომელთა განმარტება, ავთენტურობა და აღსრულება რეგულირდება საქართველოს კანონმდებლობით; ნებისმიერი დავა უნდა გადაწყდეს თბილისის სასამართლოების მიერ, გარდა იმ შემთხვევისა, როდესაც „მომხმარებელი“ არ ითხოვს დავის წარდგენას მისი საცხოვრებელი ადგილის შესაბამის სასამართლოში.

27. დავის ალტერნატიული გადაწყვეტა

„ევროპული კავშირის“ ფარგლებს გარეთ წარმოშობილი ნებისმიერი დავა ან უთანხმოება „ესპანეთის სავაჭრო პალატის საარბიტრაჟო სასამართლოს“ წარედგინება.

 “GLOVOPRIME”-ის სპეციფიკური წესები და პირობები

წინამდებარე წესები და პირობები იმ „მომხმარებლებზე“ გავრცელდება, რომელთაც მოითხოვეს “GLOVOPRIME”-ის გამოწერა. ეს „წესები და პირობები“ არ ჩაანაცვლებს აპლიკაციის „გამოყენებისა და ხელშეკრულების დადების ძირითად წესებსა და პირობებს“; ნებისმიერ შემთხვევაში, ისინი ავსებს მათ და შესაძლოა ნებისმიერ დროს იქნეს შეცვლილი ან გახანგრძლივებული Glovo-ს მიერ.

1. რა არის “GLOVOPRIME”?

“GLOVOPRIME” არის Glovo-ს პლატფორმის მიერ წარმოებული მომსახურება, რომლის ფარგლებშიც, ყოველთვიური გადასახადის სანაცვლოდ, პლატფორმის „მომხმარებლებს“ შეუძლიათ გამოიყენონ ყველა იმ პროდუქტის ულიმიტო მიტანა, რომელსაც ისინი შეუკვეთავენ მიტანის მწარმოებელი პირებისგან, იმ პირობით, რომ “GLOVOPRIME”-ის ლოგო პირდაპირ გამოჩნდება იმ მაღაზიის პლატფორმაზე, რომელშიც შეთავაზება კეთდება, დამატებითი გადასახადის გარეშე, ზემოთ აღნიშნული ყოველთვიური ფიქსირებული გადასახადის გარდა.

“GLOVOPRIME” არ იქნება გამოყენებული იმ ობიექტებსა ან მომსახურებებზე, რომელთაც შეკვეთის განთავსების პროცესში “GLOVOPRIME” ლოგო არ ექნებათ. “GLOVOPRIME”-ის მომსახურება შესაძლოა გამოყენებულ იქნეს იმ პირობით, რომ დაცულია წინამდებარე „წესებისა და პირობების“ დებულებები.

         2. რეგისტრაციის პროცესი

“GLOVOPRIME”-ის მომსახურების დასარეგისტრირებლად, უნდა გქონდეთ მიმდინარე აქტიური ანგარიში, უნდა იყოთ 18 წელზე მეტი ასაკის და მოითხოვოთ “GLOVOPRIME”-ის რეგისტრაცია Glovo-ს „მომხმარებლის“ პირადი პროფილის „ჩემი ანგარიშის“ განყოფილებიდან.

“GLOVOPRIME”-ის მომსახურების გააქტიურება შემდეგი პროცედურით ხდება:

• „ჩემი ანგარიშისა“ და “GLOVOPRIME”-ის განყოფილებებში შესვლის შემდეგ, უნდა აირჩიოთ „რეგისტრაციისა და გადახდის“ სექცია და ზემოაღნიშნული ყოველთვიური გადასახადი გადაიხადოთ.
• გადახდის თარიღი იქნება “GLOVOPRIME”-ის გამოწერის დაწყების თარიღი (შემდგომში, „აქტივაციის თარიღი“), ხოლო გამოწერა მოქმედი იქნება ერთი თვის განმავლობაში. „აქტივაციის თარიღში“, „მომხმარებლები“, რომლებიც აღნიშნულ მომსახურებაზე დარეგისტრირდნენ, მიიღებენ მათი რეგისტრაციის დამადასტურებელ ელფოსტას იმ მისამართზე, რომელიც მათი Glovo-ს ანგარიშიდან იქნა მითითებული.
• „აქტივაციის თარიღის“ შემდგომ, შეგიძლიათ “GLOVOPRIME”-ის მომსახურების 30 კალენდარული დღით, ერთი თვის განმავლობაში გამოყენება.

• „მომხმარებლებს“ შეუძლიათ “GLOVOPRIME”-ის გამოწერასთან დაკავშირებული ნებისმიერი ინფორმაციის ნახვა აპლიკაციის „ჩემი ანგარიშის“ განყოფილებაში. აქ, მათ შეუძლიათ შეამოწმონ „უფასო საცდელი პერიოდის“ დარჩენილი დღეები, სადაც ეს ხელმისაწვდომია, ასევე, სხვა ფუნქციებთან ერთად, გააუქმონ “GLOVOPRIME”-ის გამოწერა ან განაახლონ გადახდის მეთოდი, ამ მე-10 მუხლის შესაბამისად.

           3. გამოწერის პერიოდი

3.1. “GLOVOPRIME”-ის გამოწერის პერიოდის ხანგრძლივობა უნდა იყოს ერთი თვე, შემდეგი თვის ეკვივალენტურ დღემდე (შემდგომში, „გამოწერის პერიოდი“), დაწყებული „აქტივაციის თარიღიდან“ და განახლებული ყოველთვიურად, სანამ „მომხმარებელი“ გამოწერას არ გააუქმებს. აქედან გამომდინარე, თუ „აქტივაციის თარიღია“ 10 ოქტომბერი, „გამოწერის პერიოდი“ განახლდება 10 ნოემბრამდე.

3.2. წინამდებარე წესებსა და პირობებზე დათანხმებით, „მომხმარებლები“ ადასტურებენ, რომ “GLOVOPRIME”-ის გამოწერა ავტომატურად განახლდება და გამოწერის შესაბამისი გადასახადი ავტომატურად დაკავდება მათ მიერ განსაზღვრულ ანგარიშზე.

3.3. თუ არ გსურთ გამოწერის განახლება და, აქედან გამომდინარე, გნებავთ “GLOVOPRIME”-ის მომსახურების გაუქმება, თქვენ შეგიძლიათ გაუქმების უფლების ნებისმიერ დროს გამოყენება, როგორც ეს მითითებულია შემდეგ მუხლში, იმის გათვალისწინებით, რომ Glovo-ს შეატყობინებთ განახლებამდე, სულ მცირე, ორი სამუშაო დღით ადრე. თუ ამ მოთხოვნას ვერ შეასრულებთ, შემდეგი თვის გამოწერის თანხის გადახდა მოგიწევთ.

            4. გაუქმების უფლება

4.1. თუ გსურთ “GLOVOPRIME”-ის „გამოწერის პერიოდში“ გამოიყენოთ გაუქმების უფლება, უნდა შეხვიდეთ თქვენი ანგარიშის პროფილზე და მონიშნოთ „გამოწერის გაუქმება“.

4.2. ანგარიშის დეაქტივაცია მოხდება „გამოწერის პერიოდის“ დასასრულს. რაც იმას ნიშნავს, რომ „გამოწერის გაუქმების“ პროცესის დასრულების შემდეგ თქვენ კვლავ შეძლებთ “GLOVOPRIME”-ის ანგარიშის გამოყენებას, მომდევნო თვის „აქტივაციის“ ან „განახლებული თარიღის“ ეკვივალენტი თარიღის წინა დღემდე.

4.3. იმისათვის, რომ თავიდან აიცილოთ საფასურის გადახდა, თქვენ გაუქმების უფლებით უნდა ისარგებლოთ გამოწერის განახლების თარიღამდე, სულ მცირე, ორი (2) სამუშაო დღით ადრე.

4.4.  გადახდები არ ანაზღაურდება და არც თანხები ან კრედიტები არ გაიცემა ერთი თვის განმავლობაში გამოუყენებელი ან ნაწილობრივ გამოყენებული წევრობის პერიოდისთვის. არც ნაწილობრივი ყოველთვიური გამოწერის პერიოდში გავცემთ ანაზღაურებას ან კრედიტებს.

4.5. თუ გააუქმეთ მომსახურების გამოწერა, თუმცა გაგრძელება გსურთ, ამისათვის თავიდან უნდა დარეგისტრირდეთ, რათა განაახლოთ თქვენი “GLOVOPRIME”-ის გამოწერა, წინამდებარე წესებისა და პირობების მიხედვით.

           5. მომსახურების გადასახადი

5.1. “GLOVOPRIME”-ის გადასახადი იქნება კომერციული შეთავაზების ან „ჩემი ანგარიშის“ განყოფილებაში მითითებული თანხა, თუ „მომხმარებელს“ არ მიენიჭა “GLOVOPRIME”-ის უფასო საცდელი პერიოდი, „უფასო საცდელი პერიოდის“ მე-10 განყოფილების შესაბამისად.

5.2. “GLOVOPRIME”-ის აღნიშნული საფასური მოიცავს ნებისმიერ არაპირდაპირ გადასახადს, რომელიც შეიძლება გამოყენებულ იქნეს.

5.3. საფასურის ჩამოჭრა უნდა მოხდეს ყოველთვიურად, „აქტივაციის თარიღის“ დღეს, თითოეული „მომხმარებლის“ მითითებული ანგარიშიდან, „აქტივაციის პერიოდიდან“ ერთი თვის განმავლობაში.

5.4. „მომხმარებლებს“ “GLOVOPRIME”-ის გამოყენება შეუძლიათ იმ ტერიტორიაზეც, სადაც პროდუქტის/შეკვეთის გადახდა ნაღდი ანგარიშსწორებით ხდება, რაც აღნიშნულ მომსახურებაზე არანაირ გავლენას არ მოახდენს.

5.5. Glovo იტოვებს უფლებას, გამომწერთა გაფრთხილების შემდეგ, ნებისმიერ დროს შეცვალოს გადასახადის საფასური. როდესაც ასეთი შეტყობინება უკვე გაგზავნილი იქნება Glovo-ს მიერ, შესაძლოა ახალი ტარიფის ჩამოჭრა მოხდეს.

           6. მომსახურების სპეციფიკური წესები და პირობები

“GLOVOPRIME”-ის მომსახურებაზე შემდეგი სპეციფიკური წესები და პირობები გავრცელდება:

• “GLOVOPRIME”-ის მომსახურება მხოლოდ ვრცელდება კურიერის/მიმტანი პირის მიერ პირადად განხორციელებულ შენაძენზე იმ დაწესებულებებში, რომლებთანაც Glovo-ს კომერციული შეთანხმება აკავშირებს. რესტორნებიდან შეკვეთების შემთხვევაში, თანხა GEL15.00-მდე უნდა იყოს, ან GEL30.00-მდე — სუპერმარკეტებიდან შეკვეთებისთვის, ან მათი ეკვივალენტი იმ ქვეყნის ლეგალურ ვალუტაში, რომელშიც მომსახურება ხორციელდება.
• “GLOVOPRIME” შესაძლოა Glovo-ს მოქმედების მხოლოდ რამდენიმე ქვეყანაში იყოს აქტიური.
• “GLOVOPRIME”-ის გამოწერის გადასახადი გავრცელდება მხოლოდ იმ ქვეყანაზე, საიდანაც “GLOVOPRIME”-ის გამოწერა იქნა გააქტიურებული. სხვა სიტყვებით, თუ გამოწერა მოხდა ესპანეთში და „მომხმარებელი“ იტალიაში მოგზაურობს, “GLOVOPRIME”-ის გამოწერის საფასური მხოლოდ ესპანეთში გავრცელდება და არა იტალიაში.
• ეს ხელმისაწვდომი იქნება მხოლოდ ინდივიდუალური და პირადი, არაკომერციული გამოყენებისთვის.
• არცერთი გარემოებიდან გამომდინარე არ შეიძლება გამოწერის გაზიარება ან გადაცემა სხვა პირისთვის, გარდა მისი მფლობელისა, ხოლო კომპანიები და “B2B” მომსახურება პირდაპირაა გამორიცხული აღნიშნული მომსახურებიდან.

            7. მომსახურების ძირითადი წესები და პირობები

7.1. ყოველთვიური გადასახადი მოიცავს შეგროვებისა და მიტანის ფასს და არა იმ ნებისმიერი პროდუქტის თანხას, რომელიც შესაძლოა „მომხმარებლებმა“ შეუკვეთონ.

7.2. Glovo-ს უფლება აქვს, ცალმხრივად და ნებისმიერ დროს შეცვალოს ეს წესები და პირობები “GLOVOPRIME”-ის მომსახურების გამომწერების წინასწარი შეტყობინების მეშვეობით. ამგვარი შესწორებები უნდა გავრცელდეს ისეთ კერძო პირებზე, რომლებიც აქტიური არიან პლატფორმაზე, ასევე, საჭიროების შემთხვევაში, პლატფორმის პირველად მომხმარებლებზე.

7.3. “GLOVOPRIME”-ის გამოწერები არის ექსკლუზიური და გადაუცემელი, მათი სათანადოდ განსაზღვრული „მომხმარებლების“ მიერ, ხოლო მათი გამოყენების მესამე პირისთვის გადაცემა არცერთ შემთხვევაში არ უნდა მოხდეს. 

7.4. Glovo იტოვებს უფლებას, გააუქმოს “GLOVOPRIME”-ის გამომწერების ანგარიშები, ასევე დეაქტივაცია გაუკეთოს მომსახურებას, მათი გამომწერების წინასწარი გაფრთხილების შემდეგ.

7.5. პირდაპირ არის გაცხადებული, რომ აქ მოცემული სპეციფიკური წესებისა და პირობების გარდა, Glovo-ს პლატფორმის „ძირითადი წესები და პირობები“ ყოველთვის გამოიყენება წინამდებარე სპეციფიკურ წესებსა და პირობებთან ერთად, ნებისმიერ საკითხთან დაკავშირებით, რომელიც არ შეცვლილა.

               8. თაღლითობა და ანგარიშის გაყინვა

Glovo გამოავლენს თუ არა “GLOVOPRIME”-ის ანგარიშის ბოროტად და/ან თაღლითურად გამოყენების ნიშნებს, უფლებამოსილია, ავტომატურად და წინასწარი გაფრთხილების გარეშე, გამოწერის, ისევე, როგორც, დამატებით და ნებისმიერ დროს, „მომხმარებლის“ ანგარიშის დეაქტივაცია მოახდინოს, რითაც იტოვებს უფლებას, ნებისმიერი კანონიერი ქმედება განახორციელოს, განსახილველი გარემოებების სერიოზულობიდან გამომდინარე. ამასთანავე, Glovo-ს უფლება აქვს, „მომხმარებელთან“ წინასწარი გაფრთხილების გაგზავნით, საკუთარი შეხედულებისამებრ გააუქმოს მომსახურება და გამოწერა.

              9. მომხმარებლის დახმარების მომსახურება

Glovo ყველა „მომხმარებლისთვის“ ხელმისაწვდომს გახდის „საკონტაქტო ფორმას“ “GLOVOPRIME”-ის მომსახურებასთან დაკავშირებული ნებისმიერი ინციდენტისთვის.

1. უფასო საცდელი პერიოდი

10.1. Glovo-ს უფლება აქვს, საკუთარი შეხედულებისამებრ, უფასოდ განახორციელოს “GLOVOPRIME”-ის მომსახურების მიწოდება, რა პერიოდითაც საჭიროდ ჩათვლის.

10.2. „უფასო საცდელი პერიოდის“ დასრულებისას, „მომხმარებლებს“ ავტომატურად მოეთხოვებათ საფასურის გადახდა და, “GLOVOPRIME”-ის „მომხმარებლების“ მსგავსად, იმავე წესებისა და პირობების შესრულება.

10.3. თუ “GLOVOPRIME”-ის გამოწერა გაუქმდა შემთხვევით ან ნებისმიერი მიზეზით, შესაბამისი „უფასო საცდელი პერიოდის“ დასრულებამდე, უფასო საცდელი შეთავაზება დასრულებულად ჩაითვლება და ახალი უფასო საცდელი პერიოდის შეთავაზება არცერთ შემთხვევაში არ მოხდება.

10.4. Glovo იტოვებს უფლებას, შემთხვევითობის პრინციპით შეარჩიოს ის „მომხმარებლები“, რომელთაც „უფასო საცდელ პერიოდს“ ან, საჭიროების შემთხვევაში, მომსახურებასთან დაკავშირებულ სხვა აქციას შესთავაზებს.

              11. მოქმედი კანონი

Glovo-სა და “GLOVOPRIME”-ის თითოეულ მომხმარებელს შორის არსებული ურთიერთობა რეგულირდება და განიმარტება წინამდებარე პირობების შესაბამისად, რომელთა განმარტების, ნამდვილობისა და აღსრულების საკითხები წესრიგდება ესპანეთის კანონის შესაბამისად; ნებისმიერი დავა უნდა გადაწყდეს ბარსელონას სასამართლოების მიერ, გარდა იმ შემთხვევისა, როდესაც მომხმარებელი მოითხოვს დავის თავისი საცხოვრებელი მისამართის შესაბამის სასამართლოში წარდგენას. 

„წასაღები“ და „ობიექტზე ასაღები“ შეკვეთების სპეციფიკური წესები და პირობები

„შეკვეთის წაღების“ და/ან „ობიექტზე აღების“ ფუნქცი(ებ)ის მეშვეობით, „მომხმარებლებს“ შესაძლებლობა აქვთ, შეუკვეთონ სხვადასხვა პროდუქტის და/ან მომსახურების ასორტიმენტი იმ სავაჭრო ობიექტებში, რომლებთანაც Glovo-ს კომერციული ხელშეკრულება აქვს დადებული.

„შეკვეთის წაღებისა“ და „ობიექტზე აღების“ მომსახურება საშუალებას აძლევს მომხმარებლებს, თავად წაიღონ შეკვეთა კვების ობიექტებიდან.

ეს მომსახურებები ხელმისაწვდომი იქნება მხოლოდ იმ ობიექტებში, სადაც გააქტიურებულია აღნიშნული ფუნქცია და იმ ქვეყნებში, რომლებიც არჩეულია Glovo-ს მიერ. გარდა ამისა, აღნიშნული მომსახურება ხელმისაწვდომი იქნება ფიზიკური პირებისთვის მხოლოდ მათი პირადი გამოყენებისათვის. ეს მომსახურებები არცერთ შემთხვევაში არ იქნება შეთავაზებული კომერციული გამოყენებისათვის.

იმის გათვალისწინებით, რომ Glovo-ს პლატფორმის ძირითადი წესები და პირობები დამატებით ვრცელდება ყველა იმ საკითხზე, რომელიც არ არის გათვალისწინებული ამ განყოფილებით, „შეკვეთის წაღებისა“ და „ობიექტზე აღების“ მომსახურების გამოყენება შესაძლებელია მხოლოდ იმ შემთხვევაში, თუ შესრულდება ამ განყოფილებით განსაზღვრული სპეციფიკური პირობები.

Glovo ყველა მომხმარებლისთვის ხელმისაწვდომს გახდის პლატფორმაზე არსებულ „საკონტაქტო ფორმას“ ნებისმიერი ინციდენტის შეტყობინებისთვის, რომელიც „შეკვეთის წაღების“ და/ან „ობიექტზე აღების“ მომსახურებასთანაა დაკავშირებული.

Glovo-ს უფლება აქვს, ცალმხრივად და ნებისმიერ დროს შეცვალოს „წასაღები“ და „ობიექტზე ასაღები“ შეკვეთის წესები და პირობები, Glovo-ს პლატფორმის მომხმარებლების წინასწარი გაფრთხილების მეშვეობით. გარდა ამისა, GLOVO-მ შეიძლება გაააქტიუროს „შეკვეთის წაღების“ და/ან „ობიექტზე აღების“ მომსახურებასთან დაკავშირებული დამატებითი მახასიათებლები. ამ შემთხვევაში, ის შეატყობინებს მომხმარებლებს ამის შესახებ და დაამატებს ახალ მახასიათებლებს წინამდებარე წესებსა და პირობებში.

ცვლილებები ვრცელდება პლატფორმის ყველა „მომხმარებელზე“, მათი გამოქვეყნების შემდეგ.

• „ობიექტზე ასაღები“ შეკვეთები

„ობიექტზე აღების“ ფუნქციის აპლიკაციაში ჩართვის შემთხვევაში, „მომხმარებელს“ შეუძლია პირდაპირ განათავსოს შეკვეთა ყველა იმ რესტორანში, რომელსაც აღნიშნული ფუნქცია აქვს ჩართული და განსაზღვრულ დროს აიღოს თავისი შეკვეთა ობიექტიდან.

როგორ მუშაობს „ობიექტზე ასაღები“ მომსახურება?

1. „ობიექტზე ასაღები“ მომსახურების გამოსაყენებლად, „მომხმარებელმა“ უნდა დაასკანიროს QR კოდი, რომელიც ნაჩვენები იქნება თითოეული დაწესებულების ობიექტზე საჯაროდ თვალსაჩინო ადგილას.
2. როდესაც QR კოდის დასკანირების პროცესი დასრულდება, ის „მომხმარებელს“ ახლომდებარე რესტორნების მენიუზე გადაამისამართებს, რათა შეკვეთა განათავსოს. „მომხმარებელს“ შეეძლება, აირჩიოს პროდუქტები სასურველი რესტორნიდან ან მაღაზიიდან და დაეთანხმოს ყიდვას „ობიექტზე ასაღები“ ვარიანტის მონიშვნით.
3. თუ QR კოდის დასკანირება რაიმე ხარვეზის გამო ვერ მოხდება, „მომხმარებელს“ შეუძლია შეამოწმოს, შეიძლება თუ არა შეკვეთის განთავსება Glovo-ს პლატფორმიდან პირდაპირ საკუთარ მოწყობილობაზე რესტორნის მოძიებით.
4. შეკვეთის დადასტურების შემდეგ, ამ მიზნისთვის არჩეული გადახდის მეთოდის გათვალისწინებით, მისი გაუქმება პლატფორმაზე შესაძლებელია მხოლოდ იმ დრომდე, ვიდრე რესტორანი ან დაწესებულება მიიღებს და დაიწყებს შეკვეთის მომზადებას. თუ „მომხმარებელი“ მოგვიანებით მოისურვებს შეკვეთის შეცვლას ან თუ რესტორანი დააგვიანებს შეკვეთის მომზადებას, „მომხმარებელი“ პირდაპირ უნდა დაუკავშირდეს კონკრეტული რესტორნის მენეჯერებს.
5. შეკვეთის დადასტურების შემდეგ, შეკვეთის ნომერი „მომხმარებლის“ მოწყობილობის ეკრანზე გამოჩნდება. შეკვეთის წაღების დროს, აღნიშნული ნომერი „მომხმარებელმა“ ობიექტის პერსონალს უნდა აჩვენოს.
6. „ობიექტზე აღების“ ფუნქციის მეშვეობით განთავსებული შეკვეთის ფასი არ მოიცავს მიტანის დამატებით ხარჯს.
7. „ობიექტზე აღების“ ფუნქციის მეშვეობით განთავსებულ შეკვეთებზე ფასდაკლების კოდები არ გავრცელდება.

• „წასაღები“ შეკვეთები

„წასაღები“ შეკვეთების ფუნქციის აპლიკაციაში ჩართვის შემთხვევაში, მომხმარებელს შეუძლია, პლატფორმის მეშვეობით პირდაპირ განათავსოს შეკვეთა ყველა იმ დაწესებულებაში, რომელსაც აღნიშნული ფუნქცია აქვს ჩართული და განსაზღვრულ დროს წამოიღოს თავისი შეკვეთა ობიექტიდან.

1. „წასაღები“ მომსახურების გამოსაყენებლად, „მომხმარებელმა“ პლატფორმაზე უნდა აირჩიოს ეს ფუნქცია იმ დაწესებულებისთვის, სადაც იგი ხელმისაწვდომია, მიუთითოს პროდუქტები, რომელთა შეძენაც სურს აღნიშნულ დაწესებულებაში და დაადასტუროს შეკვეთა პლატფორმაზე.
2. შეკვეთის დადასტურების შემდეგ, ამ მიზნისთვის არჩეული გადახდის მეთოდის გათვალისწინებით, მისი გაუქმება პლატფორმაზე შესაძლებელია მხოლოდ იმ დრომდე, ვიდრე რესტორანი ან დაწესებულება მიიღებს და დაიწყებს შეკვეთის მომზადებას. თუ „მომხმარებელი“ მოგვიანებით მოისურვებს შეკვეთის შეცვლას ან თუ რესტორანი დააგვიანებს შეკვეთის მომზადებას, „მომხმარებელი“ პირდაპირ უნდა დაუკავშირდეს კონკრეტული რესტორნის მენეჯერებს.
3. შეკვეთის დადასტურების შემდეგ, შეკვეთის ნომერი „მომხმარებლის“ მოწყობილობის ეკრანზე გამოჩნდება. შეკვეთის წაღების დროს, აღნიშნული ნომერი „მომხმარებელმა“ ობიექტის პერსონალს უნდა აჩვენოს.
4. „წასაღები“ ფუნქციის მეშვეობით განთავსებული შეკვეთის ფასი არ მოიცავს მიტანის დამატებით ხარჯს.

საკვების გადარჩენის მომსახურების წესები და პირობები

წინამდებარე წესები და პირობები გავრცელდება იმ „მომხმარებლებზე“, რომლებიც პლატფორმის მეშვეობით საკვების გადარჩენის შეკვეთას განათავსებენ. ეს „წესები და პირობები“ არ ჩაანაცვლებს აპლიკაციის „გამოყენებისა და ხელშეკრულების დადების ძირითად წესებსა და პირობებს“; ნებისმიერ შემთხვევაში, ისინი ავსებს მათ და შესაძლოა ნებისმიერ დროს იქნეს შეცვლილი ან გახანგრძლივებული Glovo-ს მიერ. „გამოყენებისა და ხელშეკრულების დადების ძირითადი წესები და პირობები“ გავრცელდება ყველაფერზე, რაც წინამდებარე „საკვების გადარჩენის მომსახურების წესებსა და პირობებში“ არ იქნება წარმოდგენილი.

• რა არის საკვების გადარჩენა?

საკვების გადარჩენა არის Glovo-ს პლატფორმაზე წარმოდგენილი მომსახურება, რომლის ფარგლებშიც „მომხმარებლებს“ შეუძლიათ განათავსონ შეკვეთა ზედმეტ საკვებსა და Glovo-ს პლატფორმაზე არსებული საკვები დაწესებულებების სხვა პროდუქტებზე. 

„მომხმარებლებს“ გაცნობიერებული აქვთ, რომ Glovo-ს მიერ „საკვების გადარჩენის“ პროექტის დაწყება მიზნად ისახავს საკვები ნარჩენების შემცირებას. კონკრეტულად, პროექტი მოიცავს „მომხმარებლებისთვის“ ხელმისაწვდომი ვარიანტის შეთავაზებას Glovo-ს პლატფორმაზე, რომლის მიხედვითაც მათ შეეძლებათ პლატფორმაზე მითითებული დაწესებულებებიდან ფასდაკლებით შეუკვეთონ საკვების შეკვრა/შეკვრები, რაც დღის განმავლობაში ვერ გაიყიდა და რომლის ზუსტი შიგთავსი „მომხმარებლისთვის“ არ იქნება ცნობილი შეკვეთის განთავსების დროს (შემდგომში, „საკვების შეკვრა/შეკვრები“, „პროდუქტები“ ან „საიდუმლო ყუთი“).

„საკვების გადარჩენის“ შეკვეთის განთავსებით, „მომხმარებლები“ ეთანხმებიან წინამდებარე წესებსა და პირობებს. 

•      მომსახურება

Glovo მხოლოდ ხელს შეუწყობს „მომხმარებელსა“ და „დაწესებულებას“ შორის ხელშეკრულების დადებას. მას არანაირი პასუხისმგებლობა არ ეკისრება კვების შეფუთვის შინაარსის ან „დაწესებულებასა“ და “მომხმარებელს” შორის ხელშეკრულების შესრულებასთან დაკავშირებით.

„მომხმარებელს“ შეუძლია შეუკვეთოს დაწესებულების პროდუქტები, რომლებიც Glovo-ს პლატფორმაზე გამოჩნდება, ხსენებული პლატფორმის მეშვეობით. 

Glovo არ არის პასუხისმგებელი მომხმარებლის მიმართ სახელშეკრულებო ვალდებულებების შესრულებაზე პროდუქტებთან დაკავშირებით, მათ შორის: პროდუქტის წარმოებაზე, გაყიდვაზე, შეძენაზე, შენახვაზე, მომზადებაზე, რეალიზაციაზე, დამუშავებაზე, ეტიკეტირებაზე, ხარისხზე, ინგრედიენტებზე, ალერგენებსა ან მოვლაზე, ან მოქმედი კანონის შესრულებაზე, თუ Glovo არ არის ნახსენები, როგორც პლატფორმაზე პროდუქტის მწარმოებელი ან გამყიდველი.

„მომხმარებლებს“ შეეძლებათ, პლატფორმაზე ფასდაკლებით იპოვონ საკვების შეკვრა/შეკვრები, რაც დღის განმავლობაში ვერ გაიყიდა და რომლის ზუსტი შიგთავსი „მომხმარებლისთვის“ არ იქნება ცნობილი შეკვეთის განთავსების დროს.  დაწესებულებას ეკისრება პასუხისმგებლობა პროდუქციის შესახებ ინფორმაციის მიწოდებასა და იმის უზრუნველყოფაზე, რომ ეს ინფორმაცია არის ზუსტი და განახლებული. Glovo არ იღებს პასუხისმგებლობას დაწესებულების მიერ მიწოდებული ინფორმაციის ან, შესაბამისად, პროდუქტის შინაარსის ან მასთან დაკავშირებული ინფორმაციის არსებობაზე.

Glovo არ იღებს პასუხისმგებლობას ნებისმიერ რეაქციაზე, რაც შესაძლოა „მომხმარებელმა“ მიიღოს პროდუქტის შედეგად, მათ შორის, მისი მოხმარებით ეტიკეტზე მითითებულის ან უშუალოდ დაწესებულების მიერ გაცემული ინფორმაციის საწინააღმდეგოდ. დაწესებულება არის მხარე, რომელიც პროდუქტს აწარმოებს, ყიდის, ინახავს, ამზადებს, ეტიკეტირებას უკეთებს, ფუთავს და უვლის, და Glovo, აქედან გამომდინარე, არ იღებს პასუხისმგებლობას ასეთი პროდუქტისგან მიღებულ რაიმე შესაძლო ზიანსა ან უარყოფით რეაქციაზე. 

•        შეკვეთის შეგროვება

„საკვების გადარჩენის“ შეკვეთის განთავსებისას „მომხმარებელს“ ორი არჩევანი აქვს:

დაწესებულებიდან აღება. ასეთ შემთხვევაში, „მომხმარებელი“ ვალდებულია, „საკვების გადარჩენის“ საკუთარი შეკვეთა ფიზიკურად აიღოს Glovo-ს პლატფორმაზე არსებული დაწესებულებიდან. ეს საშუალებას აძლევს „მომხმარებლებს“, თავად წაიღონ შეკვეთა საკვები დაწესებულებიდან.

სახლში მიწოდება. ასეთ შემთხვევაში, „მომხმარებელი“ „მინდობილი პირის“ მიერ კონკრეტული დაწესებულებიდან აღებულ შეკვეთას მიიღებს Glovo-ს პლატფორმაზე „მომხმარებლის“ მიერ მითითებულ მისამართზე.