ბოლო განახლება: 08 ნოემბერი, 2022 წ.

GLOVO-ს პლატფორმის გამოყენების წესები და პირობები კურიერებისთვის

როგორც ტექნოლოგიური შუამავალი პლატფორმა, ჩვენ ვზრუნავთ კურიერების უსაფრთხოებასა და მონაცემთა დამუშავებაზე GLOVO-ს პლატფორმის გამოყენებით და მზად ვართ, დავიცვათ თქვენი პერსონალური მონაცემები ჩვენი პლატფორმის გამოყენებისას. ამ „წესებისა და პირობების“ მიღებით, თქვენ აცნობიერებთ, რომ წაიკითხეთ და პირდაპირ მიიღეთ ჩვენი კონფიდენციალურობისა და ქუქი-ფაილების პოლიტიკა, რაც გამოქვეყნებულია როგორც ვებსაიტსა, ისე აპლიკაციაში (ერთობლივად მოხსენიებული, როგორც „პლატფორმა“), რომლებიც ამ „წესებისა და პირობების“ ნაწილია.

გარდა ამისა, გაცნობებთ, რომ ჩვენ შეიძლება დროდადრო განვაახლოთ ჩვენი კონფიდენციალურობისა და ქუქი-ფაილების პოლიტიკა პირდაპირ ჩვენს ვებსაიტსა და/ან აპლიკაციაში და კურიერი აღიარებს, რომ ყველაზე განახლებული ვერსიები იქნება გამოყენებული ნებისმიერ დროს.

პირები, რომლებიც არ იღებენ ან არ ეთანხმებიან წინამდებარე „წესებსა და პირობებს“, რომელიც სავალდებულოა, თავს შეიკავებენ საიტის და/ან მომსახურებათა გამოყენებისგან, რადგან ქვემოთ აღწერილი პერსონალური მონაცემების დამუშავება აუცილებელია პლატფორმის სწორად ფუნქციონირებისთვის, როგორც ეს გათვალისწინებულია პერსონალური მონაცემების დამუშავებასთან დაკავშირებით ფიზიკური პირების დაცვის შესახებ 2016 წლის 27 აპრილის ევროპული პარლამენტისა და საბჭოს 2016/679 რეგულაციის (EU) 6.1 მუხლში (შემდგომში, „GDPR”).

1. ზოგადი პირობები

GLOVO-ს პლატფორმის გამოყენების ეს „წესები და პირობები“ ვრცელდება GLOVO-ს („GLOVO”, „GLOVO-ს პლატფორმა“ ან „ჩვენ“, კონტექსტის შესაბამისად) მიერ მოწოდებული ყველა ტექნოლოგიური მომსახურების მიწოდებაზე იმ ქვეყნისთვის, სადაც მომსახურების მიმწოდებელი („კურიერი“, „მომხმარებელი“ ან „თქვენ“, კონტექსტის შესაბამისად) უნდა დარეგისტრირდეს ჩვენს პლატფორმაზე. GLOVO-ს ძირითადი საქმიანობაა ტექნოლოგიური პლატფორმის შემუშავება და მართვა, რომლის მეშვეობითაც კონკრეტულ ქალაქებში გარკვეულ ადგილობრივ ობიექტებს (შემდგომში, „ობიექტები“) შეუძლიათ თავიანთი პროდუქტების შეთავაზება მობილური ან ვებ აპლიკაციის საშუალებით (შემდგომში, „GLOVO-ს მომსახურებები“, „მომსახურებები“ ან „აპლიკაცია“); და, სხვათა შორის, საჭიროების შემთხვევაში და თუ მოითხოვება აღნიშნული ობიექტების საბოლოო მომხმარებლის (შემდგომში, „კლიენტ-მომხმარებელი“) მიერ აპლიკაციის მეშვეობით, შეიძლება იყოს შუამავალი პროდუქტების დაუყოვნებლივ მიწოდებაში. მისი მიზნები ასევე მოიცავს შუამავლობას შეგროვების და/ან გადახდის პროცესებში და შეკვეთების მიღებასა და შესრულებას, რათა მოხდეს შეგროვება და მიწოდება, როგორც კლიენტ-მომხმარებლის, ისე ობიექტების სახელით.

1.1 დამატებითი პირობები შეიძლება გავრცელდეს გარკვეულ მომსახურებებზე. ეს მოიცავს, თუმცა არ შემოიფარგლება, პოლიტიკას კონკრეტული ღონისძიების, აქტივობის ან პრომოაქციისთვის, და ამის შესახებ თქვენ გეცნობებათ მოქმედ მომსახურებებთან დაკავშირებით. დამატებითი პირობები ავსებს და ითვლება „წესებისა და პირობების“ ნაწილად, და გამოიყენება მომსახურებების მიზნებისათვის. მოქმედ მომსახურებებთან დაკავშირებით კონფლიქტის შემთხვევაში, წინამდებარე „წესებსა და პირობებთან“ შედარებით უპირატესობა ენიჭება დამატებით პირობებს.

1.2 წინამდებარე „წესები და პირობები“ და „დანართები“ ქმნის ერთ დოკუმენტს და უნდა იკითხებოდეს ერთიანი ფორმით.

1. ქვეყნები, რომლებშიც GLOVO ფუნქციონირებს.

2.1. იურისდიქცია

წინამდებარე „წესები და პირობები“ და მათგან წარმოშობილი ნებისმიერი დავა რეგულირდება და განიმარტება იმ ქვეყნის მოქმედი კანონმდებლობის შესაბამისად, რომელშიც GLOVO ფუნქციონირებს და სადაც თქვენ უკავშირდებით პლატფორმას.

წინა პუნქტის დებულებათა მიუხედავად, მხარეები შეუქცევადად თანხმდებიან, რომ ქვემოთ ჩამოთვლილი დებულებების გათვალისწინებით, ადგილობრივ სასამართლოებს აქვთ ექსკლუზიური იურისდიქცია ნებისმიერ დავაზე.

არაფერი ამ პუნქტში არ ზღუდავს GLOVO-ს უფლებას, აღძრას საქმე თქვენს წინააღმდეგ ნებისმიერი კომპეტენტური იურისდიქციის სასამართლოში, არც ერთი ან რამდენიმე იურისდიქციის სამართალწარმოება არ შეუშლის ხელს საქმის წარმოების დაწყებას GLOVO-ს მიერ ნებისმიერ სხვა იურისდიქციაში, ერთდროულად თუ არაერთდროულად, იმდენად, რამდენადაც ეს ნებადართულია სხვა იურისდიქციის კანონმდებლობით.

თქვენ უარს იტყვით სამართალწარმოების ნებისმიერ პროტესტზე ასეთ სასამართლოებში ზემოაღნიშნულზე დაყრდნობით, ადგილმდებარეობის ან იმის საფუძველზე, რომ სამართალწარმოება დაიწყო დაუშვებელ იურისდიქციაში. ნებისმიერი სამართალწარმოება, რომელიც შეიძლება GLOVO-ს წინააღმდეგ წამოიწყოთ დავასთან დაკავშირებით, უნდა განხორციელდეს სათანადო სასამართლოში.

2.2 თქვენი თანხმობა

GLOVO-ს მომსახურებებით სარგებლობისათვის აუცილებელია შემდეგი მოთხოვნების დაცვა:

(i) თქვენ ელექტრონულად უნდა დაეთანხმოთ კონკრეტულ წესებსა და პირობებს იმ ქვეყნიდან გამომდინარე, სადაც გამოიყენებთ პლატფორმას,

(ii) თქვენ უნდა დაეთანხმოთ წინამდებარე „გამოყენების წესებსა და პირობებს“.

(iii) თქვენ უნდა დაეთანხმოთ „კონფიდენციალურობისა და მონაცემთა დაცვის პოლიტიკას“, რომელიც მოცემულია ქვემოთ.

(iv) თქვენ უნდა დაეთანხმოთ „ქუქი-ფაილების პოლიტიკას“.

(v) თქვენ უნდა დაეთანხმოთ GLOVO-ს „მესამე პირთა ეთიკისა და ბიზნესქცევის სტანდარტებს“, ისევე, როგორც ყველა „პოლიტიკას“, რომელიც გამოიყენება „GLOVO-ს საზოგადოებისათვის“.

(vi) თქვენ განახორციელებთ თქვენს საქმიანობას პლატფორმაზე უშუალოდ ხელშეკრულებით ან კომპანიის მეშვეობით, რომელიც სპეციალიზებულია ლოჯისტიკურ მომსახურებებში (3PL), როგორც ეს თქვენს ქვეყანაში გამოიყენება, იმ ფასად, რომელიც გადაიხდება ორ კვირაში ერთხელ, ყოველკვირეულად ან ინდივიდუალური შეთანხმებიდან გამომდინარე.

(vii) წინამდებარე „წესებისა და პირობების“ და მათ დანართებზე თანხმობა ნიშნავს რომ მოქმედი წესებისა და პირობების მიღებისა და ძალაში შესვლიდან, ისინი აუქმებს ნებისმიერ წინა ვერსიას, რომელიც შეიცვლება ამ „წესებითა და პირობებით“.

მხარეები აღიარებენ წინამდებარე „წესებისა და პირობების“ და მათი დანართების უტყუარობას, ავთენტურობას, სისრულეს, ნამდვილობასა და ეფექტურობას, ასევე, მათ პირობებს ელექტრონულ ფორმატში და/ან ხელმოწერილს მხარეების მიერ ელექტრონული სერტიფიკატის ან სხვა ციფრული ხელმოწერის პროგრამის საშუალებით, რომელსაც აქვს იურიდიული ძალა. გარდა ამისა, მხარეები პირდაპირ გასცემენ, აძლევენ უფლებას, იღებენ და აღიარებენ, როგორც მოქმედს ამ „წესებსა და პირობებზე“ ხელმომწერი მხარეების ავტორიტეტის დამადასტურებელ ნებისმიერ ფორმას, ელექტრონული სერტიფიკატებით მათი შესაბამისი ხელმოწერების მეშვეობით, თუნდაც ეს იყოს ელექტრონული სერტიფიკატები, რომელიც არ არის გაცემული ადგილობრივი ხელისუფლების მიერ. ნებისმიერი დოკუმენტი საკმარისი იქნება წინამდებარე „წესებისა და პირობების“ და მათი პირობების უტყუარობის, ავთენტურობის, მთლიანობის, მოქმედების და ეფექტურობისთვის, ისევე, როგორც მხარეთა შესაბამისი ვალდებულებისთვის მათი პირობებით.

„GLOVO-ს მომსახურებებზე“ წვდომითა და „პლატფორმაზე“ პირველად დარეგისტრირებით, თქვენი ანგარიშის საიდენტიფიკაციო მონაცემების შეყვანით (შემდგომში, „ანგარიშის საიდენტიფიკაციო მონაცემები“), თქვენ ეთანხმებით წინამდებარე „წესებსა და პირობებს“, ისევე, როგორც მათ შემადგენელ ყველა დანართს.

თქვენ უნდა მიიღოთ წვდომა თქვენს პირად ანგარიშზე („ანგარიში“), თქვენს მიერ არჩეული მომხმარებლის სახელითა და პირადი უსაფრთხოების კოდით („უსაფრთხოების კოდი“) სისტემაში შესვლით. თქვენ თანახმა ხართ, შეინარჩუნოთ თქვენი „უსაფრთხოების კოდის“ კონფიდენციალურობა და ხშირად შეცვალოთ თქვენი „უსაფრთხოების კოდი“. თითოეული „ანგარიში“ არის პირადი და უნიკალური, ასე რომ, თქვენ აკრძალული ერთზე მეტი „ანგარიშის“ ქონა. გარდა ამისა, „ანგარიში“ არ არის გადაცემადი, გარდა იმ ქვეყნებისა, სადაც ადგილობრივი კანონმდებლობა ამის საშუალებას იძლევა.

არალეგიტიმური გამოყენების ან თაღლითობის შემთხვევაში, GLOVO-ს შეუძლია, გააუქმოს, შეაჩეროს ან გამორთოს ორი ან მეტი „ანგარიში“, რომლებიც შეიცავს ერთსა და იმავე  ან/და დაკავშირებულ მონაცემებს, რომლებიც GLOVO-ს მიერ იდენტიფიცირებადია, ადამიანის ჩარევით ნებისმიერ დროს GLOVO-ს აგენტის მიერ და ნებისმიერ შემთხვევაში, დართოს ნება კურიერს, წარადგინოს საჩივარი და/ან პრეტენზია აღნიშნული გადაწყვეტილების წინააღმდეგ, შეუსაბამობის შემთხვევაში. თქვენ გეკისრებათ პასუხისმგებლობა, მათ შორის და არა მხოლოდ სისხლისსამართლებრივი, თქვენს „ანგარიშზე“ განხორციელებულ ყველა ტრანსაქციასა და მათ კანონთან შესაბამისობაზე (თქვენ ან თქვენი შესაძლო შემცვლელების მიერ), რადგან „ანგარიშზე“ წვდომა შესაძლებელია მხოლოდ უსაფრთხოების კოდით და ექვემდებარება წინამდებარე „წესებისა და პირობების“ დადასტურებას. თქვენ თანახმა ხართ, დაუყოვნებლივ შეატყობინოთ, შესაბამისი და უსაფრთხო საშუალებებით, თქვენი „ანგარიშის“ ნებისმიერი თაღლითური ან უკანონო გამოყენების, ისევე, როგორც არაავტორიზებული მესამე პირთა მიერ მასზე წვდომის შესახებ. ყოველგვარი გაუგებრობის თავიდან აცილების მიზნით, „ანგარიშის“ ნებისმიერი გაყიდვა და გადაცემა, როდესაც ისინი შეიძლება ჩაითვალოს უკანონოდ, აკრძალულია ნებისმიერ შემთხვევაში, გარდა თქვენი ანგარიშის ქვეიჯარის/ქვეკონტრაქტის შემთხვევებისა, მოქმედი ადგილობრივი რეგულაციების შესაბამისად.

2.3 ცვლილებები

GLOVO-ს შეუძლია, შეცვალოს „წესები და პირობები“, ისევე, როგორც მათი დანართები, თავისი შეხედულებისამებრ და წინასწარი შეტყობინების გარეშე.  

„ცვლილებები“ ძალაში შევა განახლებული „წესებისა და პირობების“ ან ნებისმიერი შეცვლილი პოლიტიკის ან დამატებითი პირობების გამოქვეყნების შემდეგ.

იმ შემთხვევაში, თუ GLOVO მნიშვნელოვან ცვლილებებს შეიტანს „წესებსა და პირობებში“, თქვენ მიიღებთ შეტყობინებას შესაბამისი ელფოსტით, SMS-ით, შეტყობინებების გაგზავნით პლატფორმაზე და ა.შ. ამიტომ, გთხოვთ,  აუცილებლად ყურადღებით გაეცნოთ ასეთი შეტყობინებებს.

თუ არ გსურთ, განაგრძოთ „მომსახურების“ გამოყენება „წესებისა და პირობების“ შეცვლილ ვერსიაში, შეგიძლიათ გააუქმოთ თქვენი „ანგარიში“.

თქვენი მუდმივი წვდომა ან „მომსახურებების“ გამოყენება ასეთი გამოქვეყნების შემდეგ, წარმოადგენს ნაგულისხმევ, აუცილებელ და საკმარის თანხმობას შეცვლილი „წესებითა და პირობებით“  გათვალისწინებულ ვალდებულებებზე.

3. GLOVO-ს ციფრული პლატფორმა („ტექნოლოგიური მომსახურებები“)

3.1. მომსახურების პარამეტრები

თქვენ შეგიძლიათ გაეცნოთ გლოვოს „ტექნოლოგიური მომსახურების“ ვარიანტების აღწერას ჩვენს ვებსაიტზე და ჩვენ მოგაწვდით ინფორმაციას, „მომსახურების“ რა ვარიანტებია თქვენთვის ხელმისაწვდომი GLOVO-ს „ანგარიშის“ შექმნისას. წინამდებარე „წესები და პირობები“ გავრცელდება GLOVO-ს ჩვენს „ტექნოლოგიურ მომსახურებაზე“, თუ თქვენ დარეგისტრირდებით „პლატფორმაზე“, როგორც „კურიერ-მომხმარებელი“.

მომსახურებები, რომლებიც შედის „პლატფორმის გამოყენების საფასურში“:

• „პლატფორმაზე“ შეუზღუდავად წვდომა, რაც საშუალებას გაძლევთ ნებისმიერ დროს თავისუფლად და ნებაყოფლობით შესთავაზოთ „პატფორმის“ მომხმარებლებს მიტანის მომსახურებები. ასეთი წვდომა მოიცავს შესაძლებლობას, რომ შესთავაზოთ თქვენი მომსახურება „პლატფორმის“ ნებისმიერ სხვა „მომხმარებელს“ („კლიენტ-მომხმარებლები“, „ობიექტები“ და ა.შ.), მიუხედავად იმისა, თუ GLOVO Group-ის რომელი კომპანია (GLOVO და/ან მისი შვილობილი და/ან დაკავშირებული კომპანიები) მართავს „პლატფორმას“, რომელსაც თქვენ უკავშირდებით.
• სადაზღვევო დაფარვაზე წვდომა „პლატფორმასთან“კავშირის ხანგრძლივობის განმავლობაში.
• მხარდაჭერისა და დახმარების მომსახურებაზე წვდომა ნებისმიერი ტექნიკური შეფერხების შემთხვევაში, რომელიც შეიძლება წარმოიშვას პლატფორმით სარგებლობის პროცესში..
• მენეჯმენტი და შუამავლობა „შეგროვებისა და გადახდების მომსახურებაში“.
• მასალების შეძენა ან / და გამოყენება, რომლებიც შეიძლება მოთხოვნილი იყოს თქვენს მიერ.

მომსახურების გააქტიურების საფასურის ფარგლებში შედის (იმ შემთხვევაში, თუ ასეთი საფასური არსებობს იმ ქვეყანაში სადაც აქქტრიურებთ აპლიკაციას):

• კურიერის პროფილი შექმნა Glovo პლატფორმის გამოყენების მიზნით.
• მასალების შეძენა ან / და გამოყენება, რომელიც შეიძლება მოთხოვნილი იყოს თქვენს მიერ.

ანალოგიურად, GLOVO-მ შეიძლება შესთავაზოს სხვა „პროდუქტები“ და „მომსახურებები“, რომლებიც არ შედის „ტარიფში“ და რომ „კურიერს“, თითოეული ქვეყნის კანონმდებლობის შესაბამისად, შეუძლია შეიძინოს ან დადოს ნებაყოფლობითი ხელშეკრულება Glovo-ს გაყიდვების ერთ-ერთი არხის მეშვეობით.

3.2. პრომოაქციები

დროდადრო, პარტნიორ სავაჭრო ობიექტებთან მიღწეული შეთანხმებების შესაბამისად, ჩვენ შეგვიძლია შემოგთავაზოთ პრომოაქციები, ან  „GLOVO-ს შემცირებული საკომისიო“ („პრომოაქციებისთვის“). GLOVO-მ შეიძლება განსაზღვროს „პრომოაქციის“ წინაპირობები და შეაფასოსაკმაყოფილებთ თუ არა „პრომოაქციის“ კრიტერიუმებს, ასევე, გააუქმოს ან შეცვალოს „პრომოაქციის“ პირობები, ნებისმიერ დროს, წინასწარი შეტყობინებისა და პასუხისმგებლობის გარეშე, მოქმედი კანონმდებლობით დაშვებულ ფარგლებში. კურიერს აქვს უფლება თავისუფლად ისარგებლოს ან არ ისარგებლოს „პრომოაქციით“.

წინამდებარე წესებსა და პირობებზე თანხმობით თქვენ ეთანხმებით, რომ „პრომოაქცია“:

(i) უნდა იყოს გამოყენებული დანიშნულებისამებრ და კანონიერი გზით;

(ii) შეიძლება გამოყენებულ იქნეს მხოლოდ GLOVO-ს მიერ, ასეთი „პრომოაქციისთვის“ დადგენილი კონკრეტული პირობების შესაბამისად;

(iii) შეიძლება ამოიწუროს/ვადა გაუვიდეს იქამდე, სანამ გამოიყენებთ მას;

(iv) GLOVO იტოვებს უფლებას, შეაჩეროს ან გამოქვითოს კრედიტები ან სხვა მახასიათებლები ან უპირატესობები, რომლებსაც „თქვენ“ ან სხვა „მომხმარებელი“ მიიღებდა „პრომოაქციის“ გამოყენებით, თუ გადაწყვეტს ან თვლის, რომ „პრომოაქციის“ გამოყენება ან გამოსყიდვა მოხდა შეცდომით, თაღლითურად, უკანონოდ ან „პრომოაქციაზე“ მოქმედი პირობების ან წინამდებარე „წესებისა და პირობების“ დარღვევით. ნებისმიერ შემთხვევაში, კრედიტების ან სხვა შეღავათების დაკავების ან გამოქვითვის პროცესი მოიცავს ადამიანის ჩარევას GLOVO-ს აგენტის მიერ და ნებისმიერ შემთხვევაში მისცემს საშუალებას „კურიერს“, შეიტანოს საჩივარი და/ან პრეტენზია აღნიშნული გადაწყვეტილების წინააღმდეგ შეუსაბამობის შემთხვევაში, უზრუნველყოფილი საკომუნიკაციო არხების მეშვეობით.

3.3.  ინფორმაცია

GLOVO-მ, იმისათვის, გავამარტივოთ თქვენი, როგორც „კურიერის“ გამოცდილება, „პლატფორმით“ სარგებლობის პროცესში, GLOVO გთავაზობთ საინფორმაციო პანელებს ან/და  კომუნიკაციებს, არასავალდებულო სახით, რათა მოგაწოდოთ ღირებული ინფორმაცია, რომ სრულად ისარგებლოთ GLOVO-სთან ხელშეკრულებით გათვალისწინებული მომსახურებებით. GLOVO არ არის პასუხისმგებელი ასეთი ინფორმაციის გამოყენებასა და/ან  მასთან დაკავშირებულ რაიმე უნებლიე შეცდომაზე.

3.4. მწყობრიდან გამოსვლა

GLOVO არ არის პასუხისმგებელი რაიმე ფორსმაჟორულ სიტუაციაზე,მათ შორის და არა მხოლოდ, ელექტროენერგიის გათიშვაზე, ინტერნეტის ან სატელეკომუნიკაციო მომსახურების  ხელისუფლების მიერ მიღებულ ისეთ გადაწყვეტილებებზე, ბრძანებებსა და საკანონმდებლო აქტებზე, რომლებიც სცილდება GLOVO-ს კონტროლს, და რამაც გავლენა შეიძლება იქონიოს პლატფორმის ხელმისაწვდომობაზე ან GLOVO-ს მეშვეობით შეთავაზებული „მომსახურებების“ სწორად შესრულებაზე.

GLOVO-ს შეუძლია, დროებით და მისი „მომხმარებლების“ ლეგიტიმური ინტერესებიდან გამომდინარე, შეზღუდოს GLOVO-ს „პლატფორმის“ ან მისი გარკვეული დანაყოფების ან ფუნქციების ხელმისაწვდომობა, საჭიროების შემთხვევაში, ჩვენი სერვერების შესაძლებლობების, უსაფრთხოების ან მთლიანობის შეზღუდვის გამო, ან განახორციელოს ტექნიკური მოქმედებები, რათა უზრუნველყოს „GLOVO-ს პლატფორმის“ შეუფერხებელი ან გაუმჯობესებული ფუნქციონირება. დროდადრო, GLOVO-მ შეიძლება შეიტანოს გაუმჯობესებები და შეცვალოს GLOVO-ს „პლატფორმა“ და დანერგოს ახალი „მომსახურებები“. GLOVO შეატყობინებს „მომხმარებლებს“ „პლატფორმის“ ნებისმიერი ცვლილების შესახებ, გარდა იმ შემთხვევისა, როცა ცვლილება უმნიშვნელოა და არ აქვს მატერიალური გავლენა „პლატფორმის“ ნორმალურ გამოყენებაზე.

4. GLOVO-ს ტექნოლოგიური მომსახურებებით სარგებლობა

4.1    ვინ არის „კურიერი“?

წინამდებარე  „წესებსა და პირობებზე“ თანხმობით, თქვენ, ასევე, ხდებით GLOVO-ს აპლიკაციის მომხმარებელი. ამ გზით, თქვენ შეგიძლიათ გამოიყენოთ და დაუკავშირდეთ GLOVO-ს „პლატფორმას“ მოქნილად და თქვენი შეხედულებისამებრ. თქვენ შედიხართ „პლატფორმაზე“ იმისათვის, რომ გამოიყენოთ „პლატფორმის“ ტექნოლოგია, რომელიც საშუალებას გაძლევთ, დაუკავშირდეთ „პლატფორმის“ სხვა „მომხმარებლებს“. ესენი შეიძლება იყვნენ: „ობიექტები“, „კლიენტ-მომხმარებლები“, სხვა „კურიერები“ ან სხვა „მომხმარებლები“.

თუ თქვენს ქვეყანაში იყენებთ Glovo-ს, როგორც: 

• „დამოუკიდებელი კურიერი“: თქვენ შეგიძლიათ შეადგინოთ საკუთარი განრიგი პლატფორმასთან დასაკავშირებლად და შეინარჩუნოთ თქვენი პროფილი რეგისტრირებულად. თქვენ იმოქმედებთ საკუთარი სახელითა და ინტერესებით, ასევე, გამოიყენებთ საკუთარ მასალებს აქტივობის განსავითარებლად.
• „კურიერი“ ლოჯისტიკური მომსახურების კომპანიაში: კურიერი, რომელიც იყენებს „პლატფორმის“ „მომსახურებებს“, როგორც ლოჯისტიკური მომსახურების კომპანიის პროფესიონალი და ექვემდებარება  კომპანიის ინსტრუქციებს.

GLOVO არ წარმართავს, არ აკონტროლებს და არ ჩაითვლება, რომ ხელმძღვანელობს ან აკონტროლებს თქვენს ქმედებებს მათ შორის და რა მხოლოდ, „პლატფორმის“ სხვა „მომხმარებლებისთვის“ მისი მომსახურებების მიწოდებასთან დაკავშირებით.

თქვენ აღიარებთ, რომ არ არსებობს არანაირი ვალდებულება ან ექსკლუზიური ურთიერთობა თქვენსა და GLOVO-ს შორის, ასე რომ, თქვენ შეგიძლიათ, თქვენი შეხედულებისამებრ, შესთავაზოთ მომსახურება ან განახორციელოთ ნებისმიერი სხვა კომერციული ან შრომითი საქმიანობა, რომელიც დაკავშირებული არის ანარ არის GLOVO-ს საქმიანობის სექტორთან.

4.2    მომსახურებათა შეწყვეტა

„მომსახურებათა“ შეწყვეტამდე, მხარეები თანხმდებიან, დაფარონ ნებისმიერი დავალიანება ან/და შეასრულონ მხარეთა შორის წინამდებარე შეთანხმების შეწყვეტამდე წარმოშობილი ვალდებულებები

მხარეებმა შეიძლება შეწყვიტონ „მომსახურებ(ებ)ი“-ის გაწევა შემდეგი მიზეზების გამო:

1. მათივე ნებით, ნებისმიერ დროს და წინასწარი შეტყობინების გარეშე, თუ მხარეები სხვაგვარად არ შეთანხმდებიან წერილობით.
2. წინამდებარე „წესებითა და პირობებით“ დადგენილი რომელიმე ვალდებულების დარღვევის შემთხვევაში.
3. წინამდებარე „წესებისა და პირობების“ რომელიმე დებულების შესრულების შეუძლებლობის შემთხვევაში.
4. GLOVO-ს „მესამე პირთა ეთიკისა და ბიზნესქცევის სტანდარტების“ და/ან GLOVO-ს ნებისმიერი სხვა პოლიტიკის შეუსრულებლობა, რომელიც გამოიყენება „პლატფორმის“ ყველა „მომხმარებლისთვის“.
5. „კურიერის“ მიერ ადგილობრივი კანონმდებლობის დარღვევით, რაც მათ შორის, შეიძლება წარმოადგენდეს მხარეებს შორის კეთილსინდისიერების პრინციპის დარღვევას.
6. ნებისმიერი სხვა გარემოება, რომელიც გამოიწვევს „მეორე მხარის“ ან „მესამე პირის“ საგადასახადო, სოციალური უზრუნველყოფის, ფინანსურ, კომერციულ, ორგანიზაციულ ან რეპუტაციულ ზიანს, მიყენებული ზიანის ოდენობისა და მოცულობის მიუხედავად. 
7. GLOVO-ს „პლატფორმის“ გამოყენება შეურაცხმყოფელი ან თაღლითური მიზნებისათვის, რამაც შეიძლება გამოიწვიოს მატერიალური და/ან არამატერიალური ზიანი პლატფორმის რომელიმე „მომხმარებლისთვის“.
8. ფორს-მაჟორული ვითარების შემთხვევაში, წინამდებარე წესებისა და პირობების 8.5 პუნქტის გათვალისწინებით.
9. ვალდებულებები და შეზღუდვები

5.1    კურიერ-მომხმარებელი:

5.1.1   თქვენ მიერ GLOVO-ს ტექნოლოგიური მომსახურებების გამოყენება ხორციელდება შემდეგნაირად:

GLOVO-ს „ტექნოლოგიური მომსახურებებით“ სარგებლობისთვის აუცილებელია დარეგისტრირდეთ და შექმნათ სრული, განახლებული და აქტიური „ანგარიში“. აღნიშნული მოიცავს,  თუმცა არ შემოიფარგლება შემდეგი ვალდებულებებს:

-      დარეგისტრირდით სწორად, რათა შეძლოთ მიწოდების აქტივობის განხორციელება ყველა იურიდიული, სოციალური და საგადასახადო მიზნებისათვის და იმ დროისთვის მოქმედი ადგილობრივი რეგულაციების შესაბამისად.

-      გადაიხადეთ პუნქტუალურად „პლატფორმასთან“ შეთანხმებული „მომსახურებებისთვის“.

-      თქვენ უნდა წარუდგინოთ GLOVO-ს გარკვეული ინფორმაცია, მათ შორის პერსონალური ხასიათის, როგორიცაა თქვენი სახელი, მისამართი, მობილური ტელეფონის ნომერი და ასაკი (იმოქმედებს თქვენი იურისდიქციისათვის კანონიერი ასაკი), ისევე, როგორც, მინიმუმ, ერთი  გადახდის მოქმედი მეთოდი.

-      თქვენ უნდა შეინახოთ ზუსტი, სრული და განახლებული ინფორმაცია თქვენს „ანგარიშში“. თქვენ პასუხისმგებელი იქნებით მოწოდებული  ინფორმაციის ნებისმიერ უზუსტობაზე.

-      თქვენ პასუხისმგებელი იქნებით თქვენი ანგარიშის მეშვეობით შესრულებულ ყველა აქტივობაზე, მათ შორის, იმ საქმიანობაზე, რასაც მესამე პირები ახორციელებენ თქვენი სახელით, ასევე, თქვენი ანგარიშის მომხმარებლის სახელისა და პაროლის („უსაფრთხოების კოდი“) უსაფრთხოებისა და კონფიდენციალურობის მუდმივ დაცვაზე.  

-      თქვენ ეთანხმებით, რომ დაიცავთ ყველა მოქმედ კანონს, მათ შორის, ადგილობრივ, ეროვნულ და სახელმწიფოში ზოგადად მოქმედ რეგულაციებს GLOVO-ს „ტექნოლოგიურ მომსახურებათა“ გამოყენებისას, ისარგებლებთ პლატფორმს საშუალებით შემოთავაზებული მომსახურებით მხოლოდ ლეგიტიმური მიზნებისთვის.

-      თქვენ თანახმა ხართ, არ გამოიყენოთ GLOVO-ს „ტექნოლოგიური პლატფორმა“ მესამე პირებისთვის უხერხულობის, თაღლითობის ან საკუთრებისთვის ზიანის მისაყენებლად.

-      იმ შემთხვევაში, თუ თქვენ გადაწყვეტთ თქვენი „კურიერ-მომხმარებლის ანგარიშის“ ქვეკონტრაქტორზე გადაცემას, ეს უნდა გააკეთოთ ადგილობრივი რეგულაციების შესაბამისად, როდესაც ეს ამის საშუალებას იძლევა და შიდა პროცესები გამოყენებული იქნება ოპერაციის ადაპტაციისთვის. GLOVO არ იქნება პასუხისმგებელი რაიმე დაზიანებასა ან დარღვევაზე, რომელიც თქვენ და/ან თქვენმა ქვეკონტრაქტორებმა შეიძლება გამოიწვიოთ. ამ თვალსაზრისით, GLOVO-ს, შეურაცხმყოფელი და/ან თაღლითური ქცევის თავიდან ასაცილებლად, შეუძლია მოითხოვოს დოკუმენტაცია შესაბამისობის შესახებ GLOVO-ს „ანგარიშის“ მფლობელი „კურიერისა“ და მისი ქვეკონტრაქტორებისაგან.

-      თქვენ აცხადებთ, რომ გაქვთ უფლებამოსილება, დადოთ ხელშეკრულებები და ხართ სრულწლოვანი შესაბამის ქვეყანაში.

-      თქვენ აცხადებთ თანხმობას და იძლევით გარანტიას, რომ განახორციელებ მხოლოდ იმ საქონლისა და მომსახურების მიწოდებას, რომელიც არ არის აკრძალული GLOVO-ს „წესებსა და პირობებში“ ან სხვა პოლიტიკაში, ან მოქმედი კანონმდებლობით. აკრძალული პროდუქტებისა და მომსახურებების შესახებ დამატებითი ინფორმაციისათვის, გთხოვთ, იხილოთ ჩვენი „აკრძალული ნივთების პოლიტიკა“ წინამდებარე „წესებსა და პირობებში“ ან „კლიენტ-მომხმარებლებისთვის“ „მოქმედ გამოყენების ზოგად წესებსა და პირობებში“.

-      GLOVO ყოველთვის პრიორიტეტს მიანიჭებს თქვენს „სამომხმარებლო“ გამოცდილებას, როგორც მისი მომსახურებების ნაწილს. GLOVO-მ შეიძლება შექმნას საინფორმაციო პანელები, რათა შეიტანოს თქვენი მონაცემები, როგორც GLOVO-ს „ციფრული პლატფორმის მომხმარებელი“ და გააუმჯობესოს თქვენი გამოცდილება მისი მეშვეობით.

-      თქვენ, როგორც პროფესიონალი და „კურიერი“, პასუხისმგებელი ხართ თქვენი მომსახურების მიწოდებაზე და თქვენი ბიზნესის რისკებსა და ბედზე. ასევე, საჭიროების შემთხვევაში, თქვენს კვეკონტრაქტორ  კურიერებზე.

-      „კურიერი“ იღებს ვალდებულებას, გადაამოწმოს და შეასრულოს შესაბამისი სამართლებრივი მოთხოვნები ჯანმრთელობისა და უსაფრთხოების კუთხით, რომლებიც შესაბამისია სხვადასხვა ტიპის საქონლისთვის (მათ შორის და არა მხოლოდ: რომელიც დაკავშირებულია აფთიაქთან, ალკოჰოლსა და თამბაქოსთან) და გაათავისუფლებს GLOVO-ს ყოველგვარი პასუხისმგებლობისაგან, ზემოაღნიშნული წესების შეუსრულებლობის შემთხვევაში.

-      სურსათის ტრანსპორტირების შემთხვევაში, საკითხთან დაკავშირებით მოქმედი რეგულაციების დაცვით, „კურიერი“ იღებს ვალდებულებას, განახორციელოს მისი ტრანსპორტირება მისთვის შესაფერის გადამზიდავებსა და კონტეინერებში.

-      თქვენ აცხადებთ, რომ იცავთ მოქმედ კანონმდებლობას თქვენი მიტანის მომსახურებების მიწოდებისას, როგორიცაა საგადასახადო, შრომითი, სამოქალაქო, სისხლისსამართლებრივი, საქონლის ტრანსპორტირების, ჯანმრთელობის, უსაფრთხოებისა და ჰიგიენის და საქმიანობისთვის დამახასიათებელ კანონმდებლობას, მათ შორის, სადაზღვევო პოლისებს, რომელიც გამოიყენება თქვენს რეგიონში (როგორიცაა მანქანის სავალდებულო დაზღვევა).

5.1.2   რამდენადაც GLOVO არის შუამავალი, რომელიც აკავშირებს „პლატფორმის“ სხვადასხვა „მომხმარებელს“ („კურიერ-მომხმარებლები“, „კლიენტ-მომხმარებლები“, „ობიექტები“ და ა.შ.) და არ მონაწილეობს მათ შორის განხორციელებულ ტრანზაქციებში, თქვენ პასუხისმგებელი იქნებით ყველა საგადასახადო ვალდებულებასა და გადასახადზე, რომელიც ეხება თქვენს მიერ მომსახურებების მიწოდებას. GLOVO არ იღებს  პასუხისმგებლობას ამ კუთხით დარღვევებზე და იღებთ ვალდებულებას აცნობოთ GLOVO-ს ნებისმიერი ინფორმაცია, თუ ეს აუცილებელია წინამდებარე „წესებისა და პირობების“ მიზნებისათვის, ნებისმიერი გარდაქმნის ან ცვლილების შესახებ თქვენს სამართლებრივ, საგადასახადო, შრომით, სოციალური უზრუნველყოფისა და ა.შ.მონაცემებში. თქვენ აცხადებთ, რომ პლატფორმის მეშვეობით მომსახურების გაწევის პროცესში ყოველთვის მოქმედებთ ადგილობრივი კანონმდებლობის მოთხოვნების ფარფლებში.

5.1.3   „კურიერი“  აცხადებს, რომ შეესაბამება GLOVO-ს „მესამე პირთა ეთიკისა და ბიზნესქცევის სტანდარტებს“ (მოქმედია პლატფორმის ყველა „მომხმარებლისთვის“) და აცხადებს, რომ მისთვის ცნობილია მათი შინაარსი და არ დაარღვევს მასში მოცემულ დებულებებს.

5.1.4   შეკვეთის მიღებით, „კურიერი“ ადასტურებს, რომ ასეთი შეკვეთა შეიძლება მოიცავდეს დაბრუნებას/დაბრუნების მომსახურებას ან როგორც მიუთითებს „კლიენტ-მომხმარებელი“ ან „ობიექტი“, რომელთანაც მან გააფორმა შეთანხმება.

5.1.5   „კლიენტ-მომხმარებლებთან“ მიღწეული შეთანხმებების საფუძველზე და თაღლითობის თავიდან აცილების მიზნით, მიტანის დროს, „კურიერები“ და „კლიენტ-მომხმარებლები“ მოიცდიან ათი წუთი, შეკვეთის გაუქმებამდე.

5.1.6   „კურიერი“ ეთანხმება, რომ „ობიექტები“ და „კლიენტ-მომხმარებელი“ ითხოვს მიტანის მომსახურებას ფასისა და ხარისხის გათვალისწინებით, ბაზრის სახელმძღვანელო პრინციპების შესაბამისად.

5.1.7   „კურიერი“ აღიარებს, რომ თავის, როგორც მომსახურების მიმწოდებლის რანგში, იგი მხოლოდ პასუხისმგებელია ამ მომსახურებათა შედეგზე, რამაც შეიძლება გამოიწვიოს დამატებითი ხარჯები, რომლებიც დაკავშირებულია: გაუქმებასთან, მომსახურების გაწევის დარღვევასთან, შეკვეთის გაგრძელების ან შეწყვეტის შეუძლებლობასთან, სხვა „მომხმარებლებისთვის“ მათი საქმიანობიდან გამომდინარე რისკის კომპენსაციასთან და ა.შ., რომელსაც ყოველ ჯერზე საკუთარ თავზე აიღებენ. იმ ქვეყანაში მოქმედი ადგილობრივი კანონმდებლობის შესაბამისად, საიდანაც თქვენ ახორციელებთ მომსახურებას, ეს პასუხისმგებლობა შეიძლება დაეკისროს თქვენთან დაკავშირებულ ლოჯისტიკური მომსახურების კომპანიასაც.

5.1.8   „კურიერი“ აღიარებს, რომ „პლატფორმაზე“ მითითებული შეგროვების და/ან მიტანის ადგილი შეიძლება განსხვავდებოდეს 200 (ორასი) მეტრამდე მოუხერხებლობის და/ან სისტემის შეცდომების გამო ან დაკავშირებული იყოს სხვა „მომხმარებლების“ მიერ მოწოდებულ ინფორმაციასთან.

5.1.9   „კურიერი“ ადასტურებს, რომ შეკვეთის მიღებით, მისი ქვეყნის ადგილობრივი რეგულაციების საფუძველზე, მან დადო კომერციული ხელშეკრულება „ობიექტსა“ და „კლიენტ-მომხმარებელთან“. ეს ნიშნავს, რომ როგორც „ობიექტს“, ისე „კლიენტ-მომხმარებელს“ შეუძლია, ნებისმიერ დროს გააუქმოს და/ან გადაანაწილოს „მომსახურება“, ნებისმიერი უთანხმოების ან ნაკისრი ვალდებულებების შეუსრულებლობის  გამო.

5.1.10 Glovo იტოვებს უფლებას მიიღოს საჭირო ზომები იმ შემთხვევაში, თუ დადგინდა, რომ  მომსახურების ფასი თითოეულ შემთხვევაში, შეიცვალა თაღლითური გზით ან სისტემის შეცდომების გამოყენებით.

5.2    შეზღუდვები

„კურიერის“ „ანგარიში“ შეიძლება დროებით ან სამუდამოდ იყოს გამორთული, წინასწარი გაფრთხილებისა და დამატებითი ზომების მიღების გარეშე, თუ:

1. „ეთიკის კოდექსის“ შესაბამისად, რომელიც ვრცელდება „პლატფორმის“ ყველა „მომხმარებელზე“, თუ თქვენ იყენებთ „პლატფორმას“ სხვადასხვა პირის, მათ შორის და არა მხოლოდ, მათ შორის, „კლიენტ-მომხმარებლების“, „ობიექტების“, სხვა „კურიერების“ და/ან GLOVO-ს პერსონალის, დამცირების, შეურაცხყოფის, მუქარის და/ან თავდასხმის მიზნით,
2. თქვენ არღვევთ ნებისმიერ კანონს ან GLOVO-ს „ზოგადი წესებისა და პირობების“ რომელიმე დებულებას ან სხვა პოლიტიკას.
3. თქვენ ეწევით თაღლითურ ქმედებებს ან ქცევას.
4. თქვენ ბოროტად იყენებთ თქვენს უფლებებს GLOVO-ს განაცხადში, აყენებთ მატერიალურ და/ან არამატერიალურ ზიანს პლატფორმის სხვა „მომხმარებლებს“ („კურიერები“, „კლიენტ-მომხმარებლები“ და/ან „ობიექტები“).  
5. თაღლითური ქმედებების თავიდან აცილებისას, თუ „პლატფორმის“ „მომხმარებლის“ და/ან მისი შემცვლელების ან ქვეკონტრაქტორების ვინაობა ვერ გადამოწმდა და/ან თქვენი და/ან თქვენი შემცვლელების ან ქვეკონტრაქტორების მიერ მოწოდებული ინფორმაცია არასწორი იყო.
6. ქვეყნის ხელმისაწვდომობის მიხედვითა და მოქმედი კანონმდებლობის შესაბამისად, თქვენთან დაკავშირებული ლოჯისტიკური მომსახურების კომპანიის მიერ მოთხოვნის შემთხვევაში.
7. „პლატფორმის“ ყველა „მომხმარებლის“ უსაფრთხოების უზრუნველყოფის მიზნით განისაზღვრება შემდეგი წესები:

იმ შემთხვევაში, თუ თქვენ ვერ შეასრულებთ რაიმეს „წესებიდან და პირობებიდან“, GLOVO-მ შეიძლება გააუქმოს თქვენი „ანგარიში“, ყოველგვარი სამართლებრივი მოქმედების/სარჩელის შეფერხებისა და წინასწარი შეტყობინების გარეშე

5.3   გამომუშავებული თანხა

5.3.1   ინვოისის გამოწერა და გადახდები

გადახდა განხორციელდება ადგილობრივად მოქმედი კანონმდებლობის მოთხოვნების, პლატფორმის ყველა წესის, პირობებისა და კონფიდენციალურობის პოლიტიკის დაცვით.  თქვენ გექნებათ თქვენი საკუთარი ინდივიდუალური ან ბიზნესის ანგარიში, მოცემული ქვეყნის მიხედვით, „გადახდის დამმუშავებელთან“. 

GLOVO იმოქმედებს, როგორც შუამავალი გადახდებში, „კლიენტ-მომხმარებლებს“, „ობიექტებსა“ და „კურიერებს“ (ან დაკავშირებულ ლოჯისტიკური მომსახურების კომპანიას) შორის.

თქვენ აღიარებთ და ეთანხმებით, რომ მოქმედი ადგილობრივი რეგულაციების, ისევე, როგორც „პლატფორმასთან“ დაკავშირების თქვენეული გზის მიხედვით (პირდაპირ ან ლოჯისტიკური მომსახურების კომპანიის მეშვეობით), თქვენ მიერ შემოთავაზებული მომსახურებები  და მათი ღირებულება შესაბამისი ფორმით უნდა აისახოს ინვოისში კლიენტ-მომხმარებლის ან/და „ობიექტისთვის“, რომელიც საბოლოოდ პასუხისმგებელია თქვენს მიერ გაწეული მომსახურების ღირებულების გადახდაზე.

თქვენ ეთანხმებით, რომ მომსახურებათა საფასური, რომელსაც გადაუხდით GLOVO-ს, მოიცავს, თუ თქვენ მიერ ნებადართულია და გარემოებებიდან გამომდინარე თქვენი ქვეყნის ადგილობრივი კანონმდებლობის შესაბამისად, ასევე, „პლატფორმასთან“ დაკავშირების თქვენეულ გზას (პირდაპირ ან ლოჯისტიკური მომსახურების კომპანიის მეშვეობით), მართვასა და თქვენი მომსახურებების შესაბამისი ანგარიშის გამოწერის შუამავლობას. ამ შემთხვევაში, ეს ინვოისები მიღებულად ჩაითვლება იმ შემთხვევაში, თუ Glovo არ მიიღებს თქვენგან რაიმე შეტყობინებას, ინვოისების გაცემიდან 5 დღის განმავლობაში.

„კურიერი“ აღიარებს და საკუთარ თავზე იღებს პასუხისმგებლობას იმ ნაღდ ფულზე, რომელიც მას გადაეცემა „კლიენტ-მომხმარებლების“ მიერ და რომელიც ეკუთვნის „ობიექტებს“. ამ თვალსაზრისით, თქვენ ეთანხმებით, რომ „პლატფორმასთან“ დაკავშირების თქვენეული გზის შესაბამისად, „ობიექტის“ მიერ თქვენთვის გადახდილი მომსახურების ფასი მოიცავს ნაღდი ფულის შეგროვების მომსახურებას, რომელიც უნდა გადაეცეს აღნიშნულ „ობიექტს“.

5.3.2   GLOVO-ს გადასახადი და მოსაკრებლები

თქვენ ეთანხმებით, რომ თქვენი მხრიდან GLOVO-ს „მომსახურებათა“ გამოყენება დაკავშირებულია თქვენს მიერ მიღებული მომსახურებებისა და საქონლის ღირებულებასთან („ხარჯები“). GLOVO-ს შეუძლია, თავისი შეხედულებისამებრ დაგაკისროთ სტანდარტული გადასახადი, დამატებითი გადასახადი ან შესაბამისი კორექტირება „პლატფორმის“ გამოყენებისთვის და თქვენი „ანგარიშის“ „პროფილის“ გააქტიურების ხარჯები.

საფასური, რომელიც თქვენ უნდა გადაიხადოთ, შეესაბამება თქვენ მიერ გაფორმებული „მომსახურებების“ გამოყენებას „პლატფორმის“ მეშვეობით, ან შესაძლო პროდუქტებს/საქონელს, რომელთა შეძენაც შეგიძლიათ მისი საშუალებით. დაფიქსირებულია, რომ როგორც მომსახურებათა, ისე პროდუქტების გამოყენება შეიძლება მომენტალურად ან საბოლოოდ შეჩერდეს ან გამორთული იყოს „პლატფორმაზე“, იმ ქვეყნის მიხედვით, რომლიდანაც უკავშირდებით.

GLOVO იტოვებს უფლებას, მიიღოს სასამართლო და მის გარეშე ზომები, რომლებსაც მიზანშეწონილად მიიჩნევს, გადასახდელი თანხების მიღების მიზნით. 

GLOVO იტოვებს უფლებას, მოახდინოს მოდიფიცირება, შეცვალოს, გაზარდოს ან გააუქმოს მიმდინარე ტარიფები ნებისმიერ დროს, თავისი „პლატფორმის“ მომხმარებლებისთვის შეტყობინებით. გარდა ამისა, GLOVO-ს შეუძლია, დროებით შეცვალოს „გადასახადი“ და „პოლიტიკა“ და მის „მომსახურებათა“ ტარიფები, პრომოაქციების ან ფასდაკლებების შედეგად. ეს ცვლილებები ძალაში შევა, როდესაც პრომოაქცია გახდება საჯარო ან ბენეფიციარ „მომხმარებელს“ ეცნობება.

GLOVO-სთან ხელშეკრულებით გაფორმებული „პროდუქტებისა“ და/ან „მომსახურებებისთვის“ ყველა „გადასახადი“ დაუყოვნებლივ ჩამოიჭრება თქვენს ქვეყანაში ნებადართული გადახდის მეთოდისა და იმ სასურველი მეთოდის შესაბამისად, რომელიც მითითებულია თქვენს „ანგარიშში“ და ხელმისაწვდომია GLOVO-ს „მომსახურებებისთვის“. ატვირთვის შემდეგ, GLOVO გამოგიგზავნით ქვითარს ელფოსტით. გადახდა ასევე შეიძლება განხორციელდეს მხარეებს შორის ნებისმიერი გადაუხდელი ინვოისის კომპენსირებით.

თუ თქვენი ძირითადი ანგარიშის გადახდის მეთოდი ჩაითვლება ვადაგასულად, არასწორად ან მიუწვდომლად ჩამოჭრისთვის, GLOVO დაგიკავშირდებათ და/ან შეათანხმებს თქვენს „ანგარიშზე“ მოქმედ გადახდის სხვა მეთოდებს.

GLOVO გამოიყენებს გონივრულ ძალისხმევას, რათა შეგატყობინოთ ნებისმიერი გადასახადის შესახებ, რომელიც შეიძლება დაწესდეს.

GLOVO-ს შეუძლია, დროდადრო გააუქმოს და/ან გადახედოს ნებისმიერ გადასახადს, შეთავაზებასა და/ან ფასდაკლებას, რომელიც გამოიყენება „პლატფორმის“ ყველა „მომხმარებლისთვის“, თქვენი ჩათვლით. GLOVO-მ შეიძლება გამოიყენოს „მომსახურების“ მოსაკრებელი ან სხვა გადასახადები, რომლებიც ადრე იყო რეკლამირებული შესაბამის სოციალურ მედიაში, გარდა იმ შემთხვევისა, როდესაც GLOVO არ იყენებს მათ თქვენს რეგიონში.

„გადასახადების“ შეგროვების ფორმა ყოველთვის იქნება დამოკიდებული იმაზე, თუ როგორ დაუკავშირდებით „პლატფორმას“, უშუალოდ თუ ლოჯისტიკური მომსახურების კომპანიის მეშვეობით.

5.4    GLOVO-ს მომსახურებებისა და პლატფორმის უსაფრთხოება

5.4.1   ზოგიერთ შემთხვევაში, თაღლითობის პრევენციის მიზნით, თქვენ შეიძლება მოგეთხოვოთ თქვენი და/ან, თუ ეს შესაძლებელია ადგილობრივი კანონმდებლობით, თქვენი შემცვლელების ან ქვეკონტრაქტორების პირადობის დამადასტურებელი საბუთი, რათა გქონდეთ წვდომა არ გამოიყენოთ „მომსახურებები“, და ეთანხმებით, რომ თქვენ შეიძლება აგეკრძალოთ „მომსახურებებზე“ წვდომა ან მათი გამოყენება, თუ თქვენ ან თქვენი შემცვლელები, ან ქვეკონტრაქტორები უარს იტყვით პირადობის დამადასტურებელი საბუთის მიწოდებაზე. GLOVO-მ ასევე შეიძლება გამოიყენოს მესამე პირი მომსახურების მიმწოდებლები, თქვენი ან თქვენი შემცვლელების, ან ქვეკონტრაქტორების ვინაობის გადამოწმების მიზნით. 

5.4.2   GLOVO-ს შეუძლია, თუმცა არ არის ვალდებული, განახორციელოს თქვენი „ანგარიშის“ კონტროლი, დათვალიერება და/ან რედაქტირება. GLOVO ნებისმიერ შემთხვევაში იტოვებს უფლებას, წაშალოს ან გამორთოს წვდომა ნებისმიერ „ანგარიშზე“ რაიმე მიზეზით ან უმიზეზოდ, თუ არსებობს გონივრული ეჭვი, თქვენი „ანგარიში“ არღვევს მესამე პირის უფლებებს ან „წესებითა და პირობებით“ დაცულ უფლებებს.

5.4.3   GLOVO-მ შეიძლება განახორციელოს ასეთი ქმედება თქვენთვის ან რომელიმე მესამე პირისთვის წინასწარი შეტყობინების გარეშე. თქვენს „მომხმარებლის ანგარიშზე“ წვდომის წაშლა ან გამორთვა მოხდება GLOVO-ს შეხედულებისამებრ და არ არსებობს არანაირი ვალდებულება, წაშალოთ ან გამორთოთ წვდომა კონკრეტულ „კურიერებთან“ მიმართებით.

5.5   GLOVO-ს შეზღუდვები და პასუხისმგებლობის უარყოფა 

5.5.1   პასუხისმგებლობის უარყოფა

-      თქვენ ეთანხმებით თქვენს ერთპიროვნულ და ექსკლუზიურ სამართლებრივი დაცვის საშუალებას GLOVO-ს „მომსახურებასთან“ ნებისმიერი პრობლემის ან უკმაყოფილებისაგან, GLOVO-ს ნებისმიერი პროგრამული უზრუნველყოფის დეინსტალირებითა და GLOVO-ს „მომსახურებების“ გამოყენების შეწყვეტით.

-      თქვენ ეთანხმებით, რომ GLOVO-ს არ აქვს არანაირი ვალდებულება ან პასუხისმგებლობა, რომელიც წარმოიქმნება მესამე პირის აპლიკაციებთან, თანამშრომლებსა ან მათ შინაარსთან მიმართებით, რომელიც ხელმისაწვდომია GLOVO-ს მომსახურების მეშვეობით ან „პლატფორმასთან“ დაკავშირებით, და რომ თქვენი ურთიერთობა მესამე პირის აპლიკაციებთან რეგულირდება ცალკეული წესითა და პირობით.

5.5.2   პასუხისმგებლობა

GLOVO,პარტნიორები, თანამშრომლები, წარმომადგენლები, ადმინისტრატორები, შვილობილი და ასოცირებული სუბიექტები, მემკვიდრეები, უფლებამონაცვლეები, მიმწოდებლები ან ლიცენზიარები არავითარ შემთხვევაში არ არიან პასუხისმგებელი შემდეგზე:

1. ზიანი (არაპირდაპირი, სპეციალური, შემთხვევითი, სხვადასხვა სანქციით ან ჯარიმებით მიყენებული ზიანის ჩათვლით).
2. ნებისმიერი: (i) გამოყენების დაკარგვა; (ii) მონაცემთა დაკარგვა; (iii) ბიზნესის დაკარგვა; (iv) მოგების დაკარგვა; ან (v) მოწყობილობების დაზიანება; 
3. „წესებსა და პირობებში“ გათვალისწინებული ვალდებულებების დარღვევა ან არასათანადო შესრულება, ან ნებისმიერი მიზეზით, რომელიც არ არის გონივრულად განჭვრეტადი ან GLOVO-ს გონივრული კონტროლის მიღმაა.

ამ პუნქტში მოცემული პასუხისმგებლობის შეზღუდვა და მისი უარყოფა არ არის გამიზნული პასუხისმგებლობის შეზღუდვაზე ან თქვენი, როგორც „კურიერ-მომხმარებლისა“ და „კლიენტ-მომხმარებლის“, GLOVO-ს „პლატფორმის“ მომსახურებებზე უფლებების შესაცვლელად და არ შეიძლება გამოირიცხოს მოქმედი კანონმდებლობით.

5.5.3   წინამდებარე „წესები და პირობები“ არ ქმნის რაიმე პარტნიორულ, ფრენშაიზულ ან შრომით ურთიერთობას GLOVO-სა და თქვენს შორის. თქვენ აღიარებთ და ეთანხმებით, რომ GLOVO არ არის არცერთი გარიგების მხარე და არ აქვს კონტროლი „კურიერის“ მიერ შემოთავაზებული სერვისების ხარისხზე, უსაფრთხოებასა ან კანონიერებაზე და/ან „ობიექტების“ მიერ რეკლამირებულ საქონელსა და მომსახურებაზე და/ან „კლიენტ-მომხმარებელთა“ შესაძლებლობებზე, გააფორმონ ხელშეკრულებები. GLOVO არ იძლევა გარანტიას, რომ მისი რომელიმე „მომხმარებელი“ დაასრულებს ტრანზაქციას. GLOVO არ იძლევა გარანტიას მესამე პირის რეკლამის უტყუარობაზე, რომელიც გამოჩნდება ვებსაიტზე და არ იქნება პასუხისმგებელი „მომხმარებლებსა“ და მესამე პირებს ან სხვა „მომხმარებლებს“ შორის გაცვლილ კორესპონდენციასა ან დადებულ ხელშეკრულებაზე.

5.5.4 GLOVO-ს მიერ შემოთავაზებული „მომსახურებების“ და თქვენი ან თქვენი ლოჯისტიკური მომსახურების კომპანიის მიერ გადახდილი მომსახურების საფასურის ფარგლებში, თქვენ შეგიძლიათ, ნებაყოფლობით გააფორმოთ უბედური შემთხვევისა და სამოქალაქო პასუხისმგებლობის დაზღვევა. თქვენი ანგარიშის კვექონტრაქტორებისთვის გადაცემა ან მხარის ჩანაცვლება შესაძლებელია მხოლოდ იმ შემთხვევაში, თუ წინამდებარე წესებისა და პირობების 8.2 მუხლის თანახმად გლოვოს ჰქონდა შესაბამისი კომუნიკაცია აღნიშნულ ქვეკონტრაქტორებთან ან უფლებამონაცვლეებთან. ეს დაზღვევები არ მოიცავს და არ ცვლის იმ დაზღვევებს, რომლებიც სავალდებულოა „კურიერის“, ან მისი კომპანიისთვის, მოქმედი კანონმდებლობის შესაბამისად (როგორიცაა მანქანის სავალდებულო დაზღვევა).

5.6    რეიტინგის სისტემა

„კურიერი “ შეფასდება მის პრიფილზე მიბმული სისტემით. აღნიშნული სისტემა ავტომატურია და პერიოდულად განახლდება, რადგან სხვადასხვა „მომხმარებელი“ ახორციელებს ტრანსაქციებს GLOVO-ს „პლატფორმაზე“ და ექვემდებარება ამ დოკუმენტში მოცემულ წესებს, რომელთა შესახებაც „მომხმარებლები“ ინფორმირებული არიან ამ დოკუმენტსა და/ან „აპლიკაციაში“ და/ან შესაბამისი საკომუნიკაციო არხების საშუალებით, რათა მათ ზედმიწევნით იცოდნენ სისტემის ფუნქციონირების

სისტემა ეფუძნება ობიექტურ მონაცემებს, ციფრულ ინფორმაციასა და მეტრიკას, რომელიც მოწოდებულია „პლატფორმის“ „მომხმარებლებისა“ და „კურიერის“ მომხმარებლების მიერ: კლიენტ-მომხმარებლები და ობიექტები.

GLOVO არ აკონტროლებს და არ ერევა „რეიტინგის“ ჩამოყალიბების პროცესში, არამედ მხოლოდ აერთიანებს ობიექტურ ინფორმაციას, რომელიც მიიღება „კლიენტ-მომხმარებლებისა“ და „ობიექტებისგან“, რომლებიც სარგებლობენ „კურიერის“ მომსახურებით.

GLOVO არ ამოწმებს სხვა „მომხმარებლების“ მიერ გაკეთებული კომენტარების სისწორეს ან სიზუსტეს და არ არის პასუხისმგებელი იმაზე, რაც შეფასებაც გამოიხატება ვებსაიტზე ან სხვა საშუალებებით, ელფოსტის ჩათვლით. „მომხმარებლების“ მიერ მოწოდებული ყველა ინფორმაცია განთავსდება ვებსაიტზე მხოლოდ გამომშვების პასუხისმგებლობით.

6. ლიცენზია

6.1   იმ პირობით, რომ დაიცავთ წინამდებარე „წესებსა და პირობებს“, GLOVO გაძლევთ შეზღუდულ, არაექსკლუზიურ, არაქველიცენზირებად (თქვენი ანგარიშის ლეგიტიმური ქვეკონტრაქტირების გარდა, თუ ეს შესაძლებელია, რეგულაციებისა და GLOVO-ს „წესებისა და პირობების“ შესაბამისად), გაუქმებად და არაგადაცემად ლიცენზიას, რათა: (i) გქონდეთ წვდომა და გამოიყენოთ „აპლიკაციები“ თქვენს პერსონალურ მოწყობილობაზე მხოლოდ „მომსახურებათა“ გამოყენებასთან დაკავშირებით; და (ii) გქონდეთ წვდომა და გამოიყენოთ ნებისმიერი შინაარსი, ინფორმაცია და მასთან დაკავშირებული მასალები, რომლებიც შეიძლება ხელმისაწვდომი იყოს „მომსახურებებზე“, თითოეულ შემთხვევაში მხოლოდ თქვენი პირადი, არაკომერციული გამოყენებისთვის. უფლებები, რომლებიც პირდაპირ არ არის მოცემული აქ, დაცულია GLOVO-სა და GLOVO-ს ლიცენზიარების მიერ.

7. ინტელექტუალური საკუთრება

GLOVO პატივს სცემს ინტელექტუალური საკუთრების უფლებებს და თქვენგანაც იმავეს მოელის. ჩვენ დავადგინეთ რამდენიმე ძირითადი წესი, რომელიც თქვენ უნდა დაიცვათ „მომსახურებათა“ მიღებისა და პლატფორმით სარგებლობისას.  თქვენ უნდა დაიცვათ ეს წესები და წაახალისოთ სხვა „მომხმარებლები“, რომ იგივე გააკეთონ. არავითარ შემთხვევაში არ არის დასაშვები შემდეგი:

1. GLOVO-ს „მომსახურებათა“ საპირისპირო ინჟინერია, დეკომპილაცია, დემონტაჟი, მოდიფიკაცია ან ნაწარმოები სამუშაოების შექმნა.
2. ასლის გაკეთება, ხელახლა გავრცელება, რეპროდუცირება, ჩაწერა, გადაცემა, შესრულება ან საზოგადოებისთვის ჩვენება, ტრანსლირება ან GLOVO-ს პროგრამული უზრუნველყოფის ნებისმიერი ნაწილის საზოგადოებისთვის ხელმისაწვდომად გახდომა.
3. გაყიდვა, გაქირავება, ქველიცენზირება ან GLOVO-ს „პლატფორმის“ ნებისმიერი ნაწილის ან ჩვენი პროგრამული უზრუნველყოფის ნებისმიერი სხვა ნაწილის ლიზინგით გადაცემა.
4. თქვენი პაროლის („უსაფრთხოების კოდის“) ნებისმიერი სხვა პირისთვის მიწოდება ან ნებისმიერი სხვა პირის მომხმარებლის სახელისა და პაროლის („უსაფრთხოების კოდის“) გამოყენება.
   

8. სხვა დებულებები

8.1    მხარეები აცხადებენ, რომ იციან და იღებენ ვალდებულებას, დაიცვან თითოეული ქვეყნის კანონმდებლობა და ევროპული კანონმდებლობა, თუ ეს შესაძლებელია, ურთიერთობის განმავლობაში ნებისმიერ დროს. 

8.2   თქვენ არ შეგიძლიათ გადასცეთ ან გადასცეთ წინამდებარე პირობები მთლიანად ან ნაწილობრივ GLOVO-ს წინასწარი წერილობითი შეტყობინების გარეშე თქვენი ანგარიშის ქვეკონტრაქტის დადების ან გამოცვლის შემთხვევაში და მოქმედი კანონმდებლობის შესაბამისად. თქვენ უფლებას აძლევთ GLOVO-ს, დაუთმოს ან გადასცეს წინამდებარე „წესები და პირობები“, მთლიანად ან ნაწილობრივ, მათ შორის: (i) შვილობილ კომპანიას ან ფილიალს; ან (ii) მხარეს, რომელმაც შეიძინა GLOVO-ს კაპიტალი, კომპანია ან აქტივები.

წინამდებარე წესებსა და პირობებზე თანხმობით ადასტურებთ, რომ არ არსებობს ერთობლივი საწარმო, პარტნიორული, შრომითი ან წარმომადგენლობითი ურთიერთობა თქვენს, GLOVO-ს ან რომელიმე მესამე პირს შორის, თქვენსა და GLOVO-ს შორის ურთიერთობის ან „პლატფორმის“ „მომსახურებათა“ გამოყენების შედეგად.

8.3    წინამდებარე „წესები და პირობები“, ისევე, როგორც თქვენ მიერ მიცემული თანხმობა „ქუქი-ფაილებისა და კონფიდენციალურობის პოლიტიკაზე“, ასევე ვრცელდება, თუ GLOVO მიანდობს ან გადასცემს თქვენს პერსონალურ მონაცემებთან დაკავშირებულ დამუშავების აქტივობებს სხვა კომპანიას, რომელშიც GLOVO-ს აქვს პირდაპირი ან ირიბი მონაწილეობა (ე.ი., GLOVO Group-ის და მისი შვილობილი კომპანიების ნებისმიერი კომპანია), და GLOVO ან მისი Group-ის რომელიმე კომპანია ჩართული იყო შერწყმასა და შეძენაში, კონსოლიდაციაში, კონტროლის ან კორპორაციული სტრუქტურის შეცვლაში, აქტივების არსებით გადაცემაში, რეორგანიზაციასა ან ლიკვიდაციაში, რაც გავლენას ახდენს GLOVO Group-ის სტრუქტურაზე. GLOVO-ს შეუძლია, თავისი შეხედულებისამებრ, გადასცეს ან დაავალოს მონაცემთა დამუშავების აქტივობები, რომლებიც დაკავშირებულია თქვენს პერსონალურ მონაცემებსა და/ან თქვენ მიერ მიცემულ თანხმობასთან, ნებისმიერ დაკავშირებულ კომპანიას ან მის რომელიმე „ფილიალს“.  GLOVO ასევე გაცნობებთ, რომ სხვა კომპანიის შერწყმისა და შეძენის ან სხვა კომპანიის მიერ აღნიშნულის განხორციელების შემთხვევაში, თქვენი მონაცემები შეიძლება გადაეცეს ზემოქმედების ქვეშ მყოფ ან დაინტერესებულ კომპანიას და თქვენი თანხმობა შეიძლება ჩაითვალოს მიცემულად აღნიშნულ კომპანიაზე, მის უკან გამოხმობაზე თქვენი უფლებისთვის ზიანის მიყენების გარეშე, რა შემთხვევაშიც, Glovo-სთან თქვენი ურთიერთობა და „პლატფორმისა“ და მისი „მომსახურებების“ გამოყენების შესაძლებლობა ავტომატურად შეწყდება.   

8.4   თუ ამ „წესებისა და პირობების“ რომელიმე დებულება ჩაითვლება უკანონოდ, ძალადაკარგულად ან შეუსაბამოდ, მთლიანად ან ნაწილობრივ, რომელიმე კანონის შესაბამისად, ასეთი დებულება ან მისი ნაწილი ამ ფარგლებში არ მიიჩნევა წინამდებარე „წესებისა და პირობების“ ნაწილად, მაგრამ ამ „წესებისა და პირობების“ სხვა დებულებათა კანონიერებაზე, მოქმედებასა და აღსრულებაზე გავლენას არ მოახდენს. ამ შემთხვევაში, მხარეებმა უნდა ჩაანაცვლონ უკანონო, ბათილი ან არააღსრულებადი დებულება ან მისი ნაწილი კანონიერი, მოქმედი და აღსრულებადი შინაარსით, რომელიც მაქსიმალურად იქნება მორგებული წინამდებარე წესებისა და პირობების შინაარსსა და მის მიზანზე. წინამდებარე „წესები და პირობები“ წარმოადგენს „წესებისა და პირობების“ მთლიანობას და მხარეთა ურთიერთთანხმობას მათი შინაარსის მიმართ; იგი ანაცვლებს ყველა ადრინდელ ან თანამედროვე „წესებსა და პირობებს“, ან ვალდებულებებს ასეთ შინაარსთან დაკავშირებით. წინამდებარე „წესებსა და პირობებში“, სიტყვები „მოიცავს“ და „მათ შორის“ გულისხმობს შემდეგს: „იგულისხმება ,თუმცა არ შემოიფარგლება“

8.5   არცერთი მხარე არ არის პასუხისმგებელი, ვალდებულების მთლიანად ან ნაწილობრივი შეუსრულებლობის გამო, თუ აღნიშნული გამოწვეულია ფორს-მაჟორული გარემოებების არსებობით. ფორს-მაჟორი ნიშნავს მხარეთა კონტროლის მიღმა, გაუთვალისწინებელ და გარდაუვალ გარემოებას, რომელიც არ არის დაკავშირებული მხარეთა ბრალეულ ქმედებასთან ან დაუდევრობასთან და შეუძლებელს ხდის წინამდებარე წესებისა და პირობების შესრულებას (მაგ. ომი და ბუნებრივი კატასტროფები ). იმ შემთხვევაში, თუ ფორსმაჟორული გარემოების მოქმედება გრძელდება 30 (ოცდაათი) დრეზე მეტ ხანს, და დაუდგენელია მისი აღმოფხვრის ვადა, თითოეული მხარე უფლებამოსილია შეწყვიტოს წინამდებარე წესებისა და პირობების მოქმედება მეორე მხარის წინასწარი ინფორმირებისა და მისთვის ზიანის ანაზღაურების მოთხოვნის ან რაიმე პასუხისმგებლობის დაკისრების გარეშე. იმ შემთხვევაში, ფორსმაჟორული გარემოება თავისი ხასიათიდან გამომდინარე შეუძლებელს ხდის წინამდებარე პირობების შესრულებას, მხარეებს უფლება აქვთ ცალმხრივად, მეორე მხარისთვის წინასწარი შეტყობინებისა და ზიანის ანაზღაურების მოთხოვნის გარეშე შეწყვიტონ წინამდებარე წესებისა და პირობების მოქმედება.

9. მონაცემთა დაცვის პოლიტიკა

როდესაც დარეგისტრირდებით ჩვენს „პლატფორმაზე“, როგორც „კურიერი“, GLOVO დაამუშავებს თქვენს პერსონალურ მონაცემებს, როგორც „მონაცემთა მაკონტროლებელი“, ამ „პუნქტის“ დებულებების შესაბამისად.

ანალოგიურად, „კურიერის“ რანგში და წინამდებარე „წესებისა და პირობების“ შესაბამისად, თქვენ „პასუხისმგებელი“ იქნებით „კლიენტ-მომხმარებლებისა“ და „ობიექტების“ თანამშრომლების მონაცემების „დამუშავებაზე“, ამ „წესებისა და პირობების“ „I დანართში“ გადმოცემული დათქმებით, რა შემთხვევაშიც, GLOVO მოქმედებს, როგორც დამუშავებაზე პასუხისმგებელი პირი.

ორივე „მხარე“ იღებს ვალდებულებას, ყოველთვის სცეს პატივი 2016/679 რეგულაციაში (EU) მოცემულ ვალდებულებებს ფიზიკური პირების დაცვის შესახებ პერსონალური მონაცემების დამუშავებასა და ამგვარ მონაცემთა თავისუფალ გადაადგილებასთან დაკავშირებით და 95/46/EC დირექტივის გაუქმების შესახებ („მონაცემთა დაცვის ზოგადი რეგულაცია“ ან “GDPR”), ისევე, როგორც ნებისმიერი სხვა მოქმედი ადგილობრივ რეგულაციას, რომელიც მიმართულია პერსონალურ მონაცემთა დაცვასა და მათი დამუშავების პირობებთან.

9.1   მონაცემთა  მაკონტროლებლის იდენტიფიკაცია

მონაცემთა დამუშავების მფლობელია Glovoapp Georgia LLC, რეგისტრირებული მისამართით: 5 Mikheil Asatiani Street, 6th Floor. Tbilisi, Georgia საიდენტიფიკაციო ნომრით (CIF): 402099475, კომპანია, რომელიც თავისი ვებგვერდისა (www.glovoapp.com) და/ან მობილური აპლიკაციის საშუალებით სთავაზობს მომსახურებას თავისი „პლატფორმის“ „მომხმარებლებს“. GLOVO-ს ჰყავს „მონაცემთა დაცვის ოფიცერი“, რომელსაც შეგიძლიათ დაუკავშირდეთ ელფოსტით შემდეგ მისამართზე: gdpr@glovoapp.com.

9.2   დამუშავებული მონაცემები

„პლატფორმის“ საშუალებით შეგროვებული „კურიერის“ მონაცემები და ტექნოლოგიური ხელსაწყოები, რომლებსაც GLOVO აწვდის „კურიერს“, როგორც წესი, შემოიფარგლება მხოლოდ იმ მონაცემებით, რომლებიც აუცილებელია „მხარეთა“ შორის ურთიერთობის განსახორციელებლად და საჭიროა მისი სწორად განვითარებისთვის (შემდგომში, „ინფორმაცია“).

ზემოაღნიშნულის მიუხედავად, შესაძლებელია, რომ „კურიერის“ მიერ რეგისტრაციის ან „ანგარიშის“ შექმნის დროს ან მთელი ურთიერთობის განმავლობაში, მოთხოვნილ იქნეს დამატებითი მონაცემები, „კურიერის“ „ანგარიშში“ არჩევითი ველების, ან სარეკლამო კამპანიების ან სხვა ქმედებების მეშვეობით, რომლებიც GLOVO-მ შეიძლება განახორციელოს. 

ნებისმიერ შემთხვევაში, GLOVO ყოველთვის ადვილად ამოსაცნობად განსაზღვრავს და მიუთითებს  მოთხოვნილი მონაცემები სავალდებულოა თუ არა.

„კურიერის“ მონაცემების დამუშავებისას შეიძლება მოიძებნოს ისეთი დელიკატური მონაცემები, როგორიცაა საქმიანობის განვითარებასთან დაკავშირებული უბედური შემთხვევები, რათა შესაძლებელი იყოს მათი შეტყობინება სადაზღვევო კომპანიების და/ან შესაბამისი ორგანოებისთვის. GLOVO იღებს ვალდებულებას, მოითხოვოს ეს ინფორმაცია მხოლოდ მაშინ, როდესაც ეს აუცილებელია წინამდებარე „წესებისა და პირობების“ შესრულებისთვის, ან სამართლებრივი ან ადმინისტრაციული მოთხოვნის დასაცავად და, საჭიროების შემთხვევაში, მოითხოვოს თქვენი თანხმობა ან განიხილოს ისინი „GDPR”-ით გათვალისწინებული კანონიერების საფუძველზე.

ზემოაღნიშნულის შესაბამისად, GLOVO-მ შეიძლება დაამუშაოს მონაცემების შემდეგი კატეგორიები, სხვებისთვის ზიანის მიუყენებლად, რომელიც შეიძლება იქნეს მოთხოვნილი მთელი ურთიერთობის განმავლობაში:

9.3    გეოლოკაცია

ურთიერთობის განსახორციელებლად GLOVO-ს მიერ მოწოდებული აპლიკაციის გამოყენებით და, შესაბამისად, აქტივობის განხორციელებისთვის, GLOVO-ს შეუძლია, მიიღოს „კურიერის“ მდებარეობის შესახებ ინფორმაცია იმ შემთხვევაში, თუ მან ეს ფუნქცია უშუალოდ თავისი მობილური ტელეფონიდან გაააქტიურა.

GLOVO გამოიყენებს მიღებულ „მონაცემებს“ მხოლოდ „კურიერისთვის“ „მომსახურებათა“ მიწოდების მიზნით და გაუზიარებს იმ „კლიენტ-მომხმარებელსა“ და „ობიექტს“, რომლის შეკვეთის შესრულებაზეც „კურიერი“ დათანხმდა, რათა „კლიენტ-მომხმარებელმა“ და „ობიექტმა“ შეძლონ „კურიერთან“ დაკავშირება შეკვეთასთან დაკავშირებული ინციდენტის შემთხვევაში.

მკაფიოდ არის აღნიშნული, რომ „კურიერს“ აქვს გადაწყვეტილების სრული თავისუფლება მგზავრობასა და/ან მარშრუტებთან დაკავშირებით, რომლებიც არჩეულია მისი მომსახურების შეთავაზებისა და სპეციფიკაციისთვის და GLOVO არავითარ შემთხვევაში არ გამოიყენებს ასეთ მონაცემებს კონტროლის მიზნით.

9.4   დამუშავების მიზანი და სამართლებრივი საფუძველი

„მონაცემები“ ექსკლუზიურად დამუშავდება დამყარებული ურთიერთობის შესასრულებლად და, კერძოდ:

9.5    მეტრიკა და სხვა ინფორმაცია, რომელიც ეხება მომსახურების შესრულებას

„რეიტინგის“ სისტემასა და „კლიენტ-მომხმარებლებისა“ და „ობიექტების“ შეფასებებთან დაკავშირებით „კურიერის“ მიერ შემოთავაზებულ მომსახურებაზე, გასათვალისწინებელია, რომ:

• არ ხდება პროფილების შედგენა ან ადამიანების შეფასება, არამედ აქცენტია მომსახურების შესრულებაზე.
• როგორც „მომხმარებელს“, ისე „ობიექტს“ შეუძლია შეაფასოს მიწოდებული მომსახურების ხარისხი.
• GLOVO-ს მიერ მიღებული ყველა მეტრიკა ნებისმიერ შემთხვევაში და ყოველთვის ეხება ექსკლუზიურად მიწოდებულ მომსახურებას.
• „კურიერის“ პირად ცხოვრებასთან და პიროვნებასთან დაკავშირებული მონაცემები, არ გროვდება.

ანალოგიურად, „კურიერისთვის“ სამართლებრივი ეფექტის მქონე ავტომატიზებული გადაწყვეტილებების არსებობასთან დაკავშირებით, გასათვალისწინებელია, რომ:

• გადაწყვეტილებები მიიღება არა მხოლოდ „კურიერის“ პერსონალური მონაცემების ავტომატური დამუშავების საფუძველზე, არამედ, საჭიროების შემთხვევაში, მომსახურების შესრულების შეფასებაზე დაყრდნობით.
• გასათვალისწინებელი ყველა პარამეტრი შექმნილია ხელით „მომხმარებლების“, კომპანიის ან „ობიექტების“ მიერ.
• ყველა პარამეტრი და მეტრიკა, რომელიც გამოიყენება ასეთი გადაწყვეტილებების მისაღებად, ყოველთვის და ექსკლუზიურად ეხება მომსახურებას და „წესებისა და პირობების“ შესრულებას, მიუხედავად „კურიერისა“, რომელიც ახორციელებს მას.
• პროფილები არ არის შედგენილი, როგორც ეს წინა პუნქტშია მითითებული.
• არავითარ შემთხვევაში არ არის გათვალისწინებული „მხარის“ პიროვნული ან საქმიანობისგან ცალკე მდგომი სფეროს ატრიბუტები.
• შედეგები დამოკიდებულია „კურიერის“  ნებაყოფლობით ქმედებებზე.
• შედეგები შეიძლება გამოსწორდეს იმ შემთხვევაში, თუ მოხდა შეცდომა და/ან შეუსაბამობა „კურიერსა“ და GLOVO-ს შორის.
• „კურიერს“ არ ეკრძალება უფლების განხორციელება.
• „კურიერს“ არ ეკრძალება საქონელსა ან მომსახურებაზე წვდომა.
• „კურიერს“ არ ეკრძალება ხელშეკრულებაში მონაწილეობა.

ზემოაღნიშნულიდან გამომდინარე და „GDPR”-ის დებულებების შესაბამისად, „კურიერებზე“ არ იქმნება პროფილები და არ მიიღება „კურიერისთვის“ სამართლებრივი ეფექტის მქონე ავტომატიზებული გადაწყვეტილებები მათი მონაცემების ან პერსონალური მახასიათებლების საფუძველზე, არამედ მხოლოდ „კურიერის“ მიერ მომსახურების გაწევის შესაძლებლობაზე მომსახურებისა და ობიექტური მახასიათებლების შეფასება მიიღება მხედველობაში.

9.6    მონაცემთა მიწოდების ბუნება

როგორც წესი, GLOVO-ს მიერ მოთხოვნილი პერსონალური მონაცემები სავალდებულო და აუცილებელია საქმიანობის განსახორციელებლად. „კურიერის“ სრული ან ნაწილობრივი უარი მოთხოვნილი სავალდებულო მონაცემების წარმოდგენაზე, იწვევს მხარეთა შორის წინამდებარე წესებითა და პირობებით განსაზღვრული საქმიანი ურთიერთობის დამყარების შეუძლებლობას.

თუმცა, როგორც ზემოთ აღინიშნა, დამატებითი მონაცემები შეიძლება მოთხოვნილ იქნეს რეგისტრაციის დროს ან რეგისტრაციის განმავლობაში, რეგისტრაციაში არჩევითი ველების მეშვეობით, ან თქვენს „მომხმარებლის“ ან „კურიერის“ პროფილში, ან სარეკლამო კამპანიების ან სხვა ქმედებების მეშვეობით, რომლებიც GLOVO-მ შეიძლება განახორციელოს. 

ნებისმიერ შემთხვევაში, GLOVO ყოველთვის ვარსკვლავის ან ეკვივალენტური სიგნალების საშუალებით ამოიცნობს, მოთხოვნილი მონაცემები სავალდებულოა თუ არა.

9.7   მონაცემთა გადაცემა და მიმღებები

ამ „წესებისა და პირობების“ შესაბამისად მომსახურებათა გაწევის უზრუნველყოფისთვის, GLOVO-ს შეუძლია გადასცეს „კურიერების“ პერსონალური მონაცემები სხვა კომპანიებს, რათა დაამუშავოს ისინი მათი სახელით (მონაცემთა დამმუშავებლები), ან დაამუშაოს ისინი მონაცემთა სხვა მაკონტროლებლის სახელით.

ყოველთვის, როდესაც GLOVO მიაწვდის მონაცემებს მესამე პირებს, იგი ვალდებულია უზრუნველყოს აღნიშნული მოქმედების განსახორციელებლად საჭირო ყველა ხელშეკრულების, კანონმდებლობით მოთხოვნილი დოკუმენტებისა და ნებართვების მომზადება (ასეთის არსებობისა და კანონმდებლობით გათვალისწინებული ვალდებულები შემთხვევაში).

ზემოაღნიშნულის შესაბამისად, GLOVO-მ შეიძლება მოითხოვოს სხვა კომპანიათა მომსახურებები, მათ შორის, შემდეგი მიზნებისათვის:

• რჩევა და კონსულტაცია, მათ შორის, საბუღალტრო, საგადასახადო, სადაზღვევო, იურიდიული და ტექნიკური საქმიანობის განვითარებისთვის;
• პერსონალური მონაცემების შენარჩუნება და გარეშე კომპანიისთვის დაკვეთილი არქივირება;
• IT და ტექნოლოგიური ინფრასტრუქტურის მომსახურებები;
• „კურიერისა“ და „კლიენტ-მომხმარებლისთვის“  განკუთვნილი მომსახურებები;
• კონსულტაცია და კომპიუტერული დამუშავება;
• ბანკები, გადახდის პროცესორები 
• დაზღვევა 

ანალოგიურად, ურთიერთობის განხორციელების დროს და იმისათვის, რომ შესაძლებელი იყოს „კურიერის“ საქმიანობასთან შესაბამისობა და ანგარიშის გამოწერის პროცესის დასრულება, პირადი იდენტიფიკაციის, საკონტაქტო და გეოლოკაციის მონაცემები შეიძლება მიეწოდოს იმ დაწესებულებებს, რომლებთანაც GLOVO-ს აქვს კომერციული ხელშეკრულება ასევე, „კლიენტ-მომხმარებლებს“, რომლებმაც განათავსეს შეკვეთა და რომლის შესრულებაზეც დათანხმდა „კურიერი“.

გარდა ამისა, GLOVO-მ შეიძლება გადასცეს „კურიერების“ პერსონალური მონაცემები GLOVO-ს „ჯგუფის“ სხვა კომპანიებს, რომლებიც შეიძლება განსხვავებულად მოეპყრონ მათ, ერთმანეთისთვის მომსახურებების მიწოდების მიზნით, ან როგორც მონაცემთა დამოუკიდებელ მაკონტროლებლებს, როცა ეს საჭიროდ ჩაითვლება, მაგალითად, თვითონ GLOVO-ს „ჯგუფის“ ადმინისტრაციული მიზნებისათვის და „მომსახურებათა“ სწორი მიწოდების უზრუნველსაყოფად ყველა იმ ქვეყანაში, სადაც GLOVO აწვდის „მომსახურებებს“, ან დაუშვას, მათ შორის, „კურიერის“ ქვეყნის შეცვლა. GLOVO-ს „ჯგუფის“ კომპანიების შესახებ დამატებითი ინფორმაციისთვის, შეგიძლიათ გაეცნოთ კონფიდენციალურობისა და მონაცემთა დაცვის პოლიტიკას, რომელიც გამოიყენება აპლიკაციის ყველა მომხმარებლისთვის და ხელმისაწვდომია საიტზე: www.glovoapp.com/en/legal/privacy.

„მონაცემები“ ასევე შეიძლება გადაეცეს ევროპული კავშირის შიგნით და მის ფარგლებს გარეთ ჯგუფის კომპანიებს ან მესამე პირებს, რომლებიც პასუხისმგებელი არიან კომპიუტერული მონაცემების არქივირებასა და მართვაზე მხოლოდ იმ მიზნებისათვის, რომელიც დაკავშირებულია „მხარეებს“ შორის დამყარებული ურთიერთობის მართვასთან და მონაცემთა დაცვის მოქმედი რეგულაციებით დადგენილი პირობების სრული პატივისცემით.

GLOVO აცნობებს, რომ მან მიიღო აუცილებელი ზომები იმის უზრუნველსაყოფად, რომ „კურიერის“ მონაცემების მიწოდება ხორციელდებოდა ზემოაღნიშნული რეგულაციების დაცვით.

9.8   მონაცემთა საერთაშორისო გადაცემა

მომსახურების მიმწოდებლის არჩევისას, GLOVO-მ შეიძლება გადასცეს „კურიერების“ მონაცემები ევროპული ეკონომიკური ზონის საზღვრებს გარეთ. ამ შემთხვევებში და გაგზავნამდე, GLOVO უზრუნველყოფს, რომ მომსახურების ეს მიმწოდებლები შეესაბამებიან ევროპული კომისიის მიერ დადგენილ უსაფრთხოების მინიმალურ სტანდარტებს და რომ ისინი ყოველთვის ამუშავებენ მონაცემებს GLOVO-ს მიერ მიწოდებული ინსტრუქციების შესაბამისად. 

GLOVO-ს შეიძლება ჰქონდეს მათთან სახელშეკრულებო ურთიერთობა, როდესაც მომსახურების მიმწოდებლები იღებენ ვალდებულებას, შეასრულონ GLOVO-ს ინსტრუქციები და მიიღონ უსაფრთხოების აუცილებელი ზომები „კურიერების“ მონაცემების დასაცავად.

ნებისმიერ შემთხვევაში, როდესაც GLOVO-მ უნდა დაამუშაოს „კურიერების“ პერსონალური მონაცემები ევროპული ეკონომიკური ზონის ფარგლებს გარეთ, უზრუნველყოფილი იქნება, რომ ეს განხორციელდება შესაბამისი გარანტიებით „GDPR”-ის დებულებების, ან ევროკავშირის ფარგლებს გარეთ არსებული ქვეყნების მოქმედი ადგილობრივი კანონების შესაბამისად, რაც შეიძლება მოიცავდეს ევროპული კომისიის მიერ დამტკიცებული სტანდარტული სახელშეკრულებო დებულებების გამოყენებას, მესამე პირთა სერტიფიკატებს, რომლებიც ამუშავებენ მონაცემებს, ან ნებისმიერ სხვა მექანიზმს, რომელიც ნებისმიერ დროს გამოიყენება.

„კურიერს“ შეუძლია მოითხოვოს დამატებითი ინფორმაცია მიღებული გარანტიების შესახებ GLOVO-სთან დაკავშირებით, მისამართზე: gdpr@glovoapp.com.

9.9   მონაცემთა შენახვის პერიოდი

GLOVO შეინახავს მონაცემებს „მხარეებს“ შორის  საქმიანი ურთიერთობის მთელი პერიოდის განმავლობაში, ხოლო, შეწყვეტის შემდეგ, მანამ, სანამ ეს აუცილებელია GLOVO-ს მიმართ მოქმედი სამართლებრივი ვალდებულებების შესასრულებლად (მაგალითად, ინვოისის გამოწერის კუთხით, ინვოისებში არსებული იდენტიფიცირებადი მონაცემები შეიძლება შენახულ იქნეს მოცემული ქვეყნის მიხედვით თითოეული მოქმედი რეგულაციის კონკრეტული პერიოდის განმავლობაში). მას შემდეგ, რაც მოქმედი სამართლებრივი ვალდებულებები ამოიწურება, GLOVO-ს შეუძლია შეინახოს საჭირო პერსონალური მონაცემები, დამუშავების სისტემებისგან სათანადოდ დაბლოკილი ან იზოლირებული ფორმით, კანონით დადგენილი პერიოდის განმავლობაში თითოეული ადგილობრივი კანონმდებლობისთვის შესაბამისი სამართლებრივი ქმედებების ფორმულირების ან დაცვისთვის, რომლებიც მითითებულია ჩვენს „კონფიდენციალურობის პოლიტიკაში“, https://glovoapp.com/en/legal/privacy/

წინამდებარე წესებისა და პირობების 9.3-ე ნაწილით განსაზღვრული გეოლოკაციის მონაცემებთან დაკავშირებით, „კურიერი“ ინფორმირებულია, რომ ის ავტომატურად გახდება ანონიმური მათი შეგროვების დღიდან ოცდაათი (30) დღის შემდეგ, გარდა თითოეული შეკვეთის შეგროვებისა და მიტანის ადგილთან დაკავშირებული მონაცემებისა, რომლებიც იქნება ანონიმური GLOVO-ს მიერ მათი შეგროვების მომენტიდან თორმეტი (12) თვის შემდეგ. მიუხედავად ზემოაღნიშნულისა, ადგილმდებარეობის ან გეოლოკაციის შესახებ ყველა ინფორმაცია, რაც მოცემულია დოკუმენტებში და  რომლებიც აუცილებელია სამართლებრივი ვალდებულებების შესასრულებლად (მაგალითად, ინვოისებში), შეინახება კანონით მათი შენახვისთვის დადგენილი პერიოდის განმავლობაში.

9.10 მონაცემთა სუბიექტების უფლებები

„კურიერს“ შეუძლია:

• მიიღოს დადასტურება მისი „მონაცემების“ არსებობის ან არარსებობის შესახებ GLOVO-ს სისტემებში.
• იცოდეს დამუშავების მიზნები და მისი მეთოდები, მიმღებები და შენახვის პერიოდი.
• მოითხოვოს „მონაცემთა“ შესწორება ან გაუქმება და, საჭიროების შემთხვევაში, დამუშავების შეზღუდვა.
• დამუშავების ობიექტი.
• საჭიროების შემთხვევაში, მიიღოს „მონაცემები“ სტრუქტურირებულ და წაკითხვად ფორმატში ავტომატურ მოწყობილობაზე და გადასცეს ის მონაცემთა სხვა მაკონტროლებელს.
• შეიტანოს საჩივარი უშუალოდ შესაბამის სამეთვალყურეო ორგანოში.

ზემოაღნიშნული უფლებები შეიძლება განხორციელდეს ელფოსტის გაგზავნით მისამართზე: gdpr@glovoapp.com.

ანალოგიურად, ამავე ელ. ფოსტის მისამართის საშუალებით gdpr@glovoapp.com, „კურიერს“ შეუძლია დაუკავშირდეს ჩვენს „მონაცემთა დაცვის ოფიცერს“ ნებისმიერი ეჭვის ან შეკითხვისთვის, რომელიც შეიძლება ჰქონდეს პერსონალური მონაცემების დამუშავებასთან დაკავშირებით, ასევე, დაუკავშირდეს, თუ ჩათვლის, რომ GLOVO-მ დაამუშავა მონაცემები იმ მიზნებთან შეუთავსებლად, რაც მითითებულია ამ „წესებსა და პირობებში“, ან მონაცემთა დაცვის შესახებ მოქმედი რეგულაციების დარღვევით. „მონაცემთა დაცვის ოფიცერი“ შეეცდება, მიაწოდოს ყველა საჭირო ინფორმაცია, ასევე, მოაგვაროს ნებისმიერი პრობლემა რაც შეიძლება სწრაფად. ნებისმიერ შემთხვევაში, თუ „კურიერი“ არ მიიღებს სათანადო ყურადღებას „მონაცემთა დაცვის ოფიცრისგან“ ან არ არის კმაყოფილი ამით, მას შეუძლია აცნობოს კომპეტენტურ ორგანოს.

დანართი I

დამუშავების შეკვეთის ხელშეკრულება

როგორც ეს რეგულირდება წინამდებარე „წესებისა და პირობების“ მე-9 პუნქტში, „კურიერი“ არის პასუხისმგებელი „მომხმარებლებისა“ და „ობიექტების“ „დამუშავებაზე“, რომლებთანაც იგი მართავს შეკვეთას, რა შემთხვევაშიც, GLOVO მოქმედებს, როგორც „დამუშავების მენეჯერი“, „კურიერის“ სახელით.

ფიზიკური პირების დაცვის შესახებ პერსონალური მონაცემების დამუშავებასა და ამგვარ მონაცემთა თავისუფალ გადაადგილებასთან დაკავშირებით და 95/46/EC დირექტივის გაუქმების შესახებ („GDPR”) ევროპული პარლამენტისა და საბჭოს 2016 წლის 27 აპრილის 2016/679 რეგულაციის (EU) მუხლის 28-ე მუხლის დებულებების სრულად შესასრულებლად, „კურიერი“ (შემდგომში, „პასუხისმგებელი პირი“ ან „გლოვერი“) და Glovoapp Georgia LLC. (შემდგომში, „დამმუშავებელი“ ან „GLOVO”) აფორმებენ ამ „დამუშავების შეკვეთის ხელშეკრულებას“ (შემდგომში, „დშხ”) შემდეგი პირობებით:

პუნქტები

1.— შეკვეთის ობიექტი და მიზანი

ა) „დამმუშავებლის“ მიერ „მონაცემთა დამუშავების“ ობიექტი, ბუნება, სფერო და მიზანი გამომდინარეობს ორივე მხარის კომერციული ურთიერთობების დასაფარად და დასამყარებლად მიღებული „წესებიდან და პირობებიდან“ („ძირითადი ხელშეკრულება“). წინამდებარე „ხელშეკრულების“ მიზანია, „დამმუშავებელს“ მიანდოს იმ „მომხმარებლების“ ან „ობიექტების“ პერსონალური მონაცემების გამოყენება (შემდგომში, „მომხმარებლები“), რომლებმაც განათავსეს შეკვეთა GLOVO-ს „აპლიკაციის“ მეშვეობით, მხოლოდ და მხოლოდ ამის სწორი შესრულებისთვის („დამუშავება“), რათა „პასუხისმგებელმა პირმა“ შეძლოს ანგარიშის გამოწერასთან დაკავშირებული თავისი ვალდებულებების შესრულება მომხმარებლების მიმართ, საჭიროებისამებრ.

ბ) „დამმუშავებელს“ შეუძლია შეაგროვოს, დაამუშაოს ან გამოიყენოს მხოლოდ ის აუცილებელი მონაცემები, რომლებიც გათვალისწინებულია „ძირითადი ხელშეკრულების“ ფარგლებში და ამ „ხელშეკრულებაში“ აღწერილი „პასუხისმგებელი პირის“ ინსტრუქციების შესაბამისად. „დამმუშავებელს“ არავითარ შემთხვევაში არ შეუძლია დაამუშაოს მომხმარებლების პირადი ინფორმაცია სხვა მიზნით, გარდა წინა პუნქტში აღნიშნულისა, იმ მონაცემების შელახვის გარეშე, რომლებიც, შემთხვევით, GLOVO-მ შეიძლება დაამუშაოს საკუთარი სახელით, როგორც „დამუშავებაზე“ „პასუხისმგებელმა პირმა“ და თავისი კონფიდენციალურობის პოლიტიკის შესაბამისად.

 2.— ხანგრძლივობა

ა) ეს „ხელშეკრულება“ ძალაში იქნება მანამ, სანამ ძალაში რჩება „ძირითადი ხელშეკრულება“, რომელიც ორივე „მხარეს“ აქვს. ზემოაღნიშნულის შედეგად, „ძირითადი ხელშეკრულების“ შეწყვეტა გულისხმობს წინამდებარე „ხელშეკრულების“ ავტომატურ შეწყვეტას იმ უფლებებისა და მოვალეობების შეულახავად, რომელმაც, მისი ბუნების გათვალისწინებით და ნებისმიერ დროს მოქმედი კანონმდებლობის შესაბამისად, უნდა გააგრძელოს მოქმედება ამ „ხელშეკრულების“ შეწყვეტის შემდეგ.

ბ) ზემოაღნიშნულის მიზნებისათვის, ანგარიშის გამოწერასთან დაკავშირებით „პასუხისმგებელი პირის“ ვალდებულებების გათვალისწინებით და, კერძოდ, ანგარიშის გამოწერის შესახებ ინფორმაციის შენახვაზე მოქმედი რეგულაციებით ნებისმიერ დროს დადგენილი პერიოდის განმავლობაში, GLOVO-ს შეუძლია შეინახოს ეს ინფორმაცია, მაქსიმუმ, სამი (3) თვის პერიოდით, რომლის განმავლობაშიც „პასუხისმგებელ პირს“ შეუძლია ჩამოტვირთოს ან მოსთხოვოს GLOVO-ს მისი სახელით დამუშავებული ყველა ინფორმაციის დაბრუნება. სამი (3) თვის შემდეგ, GLOVO წაშლის „პასუხისმგებელი პირის“ ყველა ინფორმაციას, რითაც ათავისუფლებს მას ამ კუთხით ყოველგვარი პასუხისმგებლობისაგან. ნებისმიერ შემთხვევაში, თუ „პასუხისმგებელ პირს“ მეტი დრო დასჭირდება, მას შეუძლია ეს მოითხოვოს „დამმუშავებლისგან“, რომელიც შეინარჩუნებს მათ ორივე „მხარეს“ შორის, შეთანხმებული პერიოდის განმავლობაში.

 3.— პერსონალური მონაცემებისა და დაინტერესებული მხარეების კატეგორია

ა) „დამუშავების“ განსახორციელებლად („პასუხისმგებელი პირის“ მიერ მართული შეკვეთების მონაცემების მართვა შესაბამისი ინვოისების გაცემის მიზნით), „პასუხისმგებელი პირი“ ანდობს „დამმუშავებელს“ ქვემოთ აღწერილი ინფორმაციის შეგროვებასა და დამუშავებას (ორივე კატეგორიის, დაინტერესებული მხარეებისა და მონაცემთა ტიპოლოგიის ჩათვლით):   

☒ მომხმარებელთა საიდენტიფიკაციო და საკონტაქტო მონაცემები (რომელიც შეიძლება შეიცავდეს, თუმცა არ შემოიფარგლება, სახელს, გვარს, ელფოსტის მისამართს, ტელეფონის ნომერს).

☒ შეკვეთასთან დაკავშირებული მონაცემები (შეგროვების ან ობიექტის ადგილი, „მომხმარებლის“ იდენტიფიკაცია და საკონტაქტო მონაცემები, მიტანის მისამართი, გეოლოკაციის მონაცემები, რომლებიც აუცილებელია გარბენის გამოსათვლელად, გავლილი მარშრუტი, მომხმარებლების მიერ მითითებული მომსახურების შესრულების ფასები და პირობები).

 4.— დამმუშავებლის ვალდებულებები

„დამმუშავებელი“ და მთელი მისი პერსონალი, რომელსაც აქვს წვდომა პერსონალურ მონაცემებზე, რომელზეც პასუხისმგებელია „კურიერი“, იღებს ვალდებულებას: 

• გამოიყენოს პერსონალური მონაცემები მხოლოდ ამ შეკვეთის მიზნებისათვის. 
• დაამუშაოს პერსონალური მონაცემები იმ ინსტრუქციების შესაბამისად, რომლებსაც ყოველთვის მიუთითებს „პასუხისმგებელი პირი“.
• თუ „დამმუშავებელი“ მიიჩნევს, რომ „პასუხისმგებელი პირის“ მხრიდან მიღებული რომელიმე ინსტრუქცია არღვევს „GDPR”-ს ან მონაცემთა დაცვის სხვა მოქმედ დებულებას, „დამმუშავებელი“ დაუყოვნებლივ აცნობებს „პასუხისმგებელ პირს“.
• ჰქონდეს წერილობითი ჩანაწერი „პასუხისმგებელი პირის“ სახელით განხორციელებული დამუშავების საქმიანობების შესახებ, რომელიც შეიცავს „დამმუშავებლისა“ და მაკონტროლებელთა სახელსა და საკონტაქტო მონაცემებს, რომელთა სახელითაც იგი მოქმედებს და, საჭიროების შემთხვევაში, „მონაცემთა დაცვის ოფიცრის“ საკონტაქტო მონაცემებს, თითოეული მაკონტროლებლის სახელით განხორციელებული დამუშავების კატეგორიებს, პერსონალური მონაცემების გადაცემას მესამე ქვეყანასა ან საერთაშორისო ორგანიზაციაში, ამ მესამე ქვეყნის ან საერთაშორისო ორგანიზაციის იდენტიფიკაციის ჩათვლით, და შესაბამისი გარანტიების დოკუმენტაციას.
• შეინახოს მის კონტროლსა და მეურვეობაში „პასუხისმგებელი პირის“ მიერ მოწოდებული პერსონალური მონაცემები და არ გაამჟღავნოს, გადასცეს ან სხვაგვარად შეატყობინოს ისინი მესამე პირს (საილუსტრაციოდ და არა ამომწურავად: ქვეკონტრაქტორი, გარე მიმწოდებელი, ამავე ჯგუფის სხვა კომპანია, თანამშრომელი და ა.შ.), თუ „პასუხისმგებელი პირის“ მკაფიო და წინასწარი ნებართვა არ არის და არ არღვევს ქვემოთ მოცემული მე-6 პუნქტის დებულებებს.
• მხარი დაუჭიროს „პასუხისმგებელ პირს“ მონაცემთა დაცვაზე ზეგავლენის შეფასების განხორციელებაში, საჭიროების შემთხვევაში, ასევე, დახმარება გაუწიოს მას ზედამხედველობის ორგანოსთან წინასწარი კონსულტაციების ჩატარებაში, საჭიროებისამებრ. 
• ხელმისაწვდომი გახადოს „პასუხისმგებელი პირისთვის“ ყველა ის ინფორმაცია, რომელიც აუცილებელია მის ვალდებულებებთან შესაბამისობის დასადასტურებლად, ასევე, „პასუხისმგებელი პირის“ ან მის მიერ უფლებამოსილი სხვა აუდიტორის მიერ განხორციელებული აუდიტის ან ინსპექტირების ჩასატარებლად.[MM1]
• უზრუნველყოს, რომ მისი ორგანიზაციის თანამშრომლები, რომლებიც ამუშავებენ პერსონალურ მონაცემებს, იღებენ ვალდებულებას, დაიცვან „პასუხისმგებელი პირის“ სახელით დამუშავებული პერსონალური ინფორმაციის კონფიდენციალურობა.
• უზრუნველყოს, რომ პირებმა, რომლებსაც ჰქონდათ წვდომა პერსონალურ მონაცემებზე წინამდებარე „ხელშეკრულების“ საფუძველზე, დაიცვან მათთან დაკავშირებით საიდუმლოების მოვალეობა, მათი შეწყვეტის შემდეგაც კი.
• მიაწოდოს დაინტერესებულ მხარეებს ინფორმაცია „დამუშავების“ ფარგლებში განხორციელებული მათი მონაცემების დამუშავების შესახებ, მათი მონაცემების შეგროვების დროს.
• „ძირითადი ხელშეკრულების“ დასრულების შემდეგ, „დამმუშავებელმა“ უნდა დაუბრუნოს „პასუხისმგებელ პირს“, ნებისმიერ შემთხვევაში, „პასუხისმგებელი პირის“ სახელით დამუშავებული ყველა დოკუმენტი, მონაცემი და პირადი ინფორმაცია, ამ „ხელშეკრულების“ მე-2 „მუხლის“ ბ) პარაგრაფის დებულებების შესაბამისად. დაბრუნების შემდეგ, „დამმუშავებელმა“ უნდა წაშალოს ის, რომელიც გამოჩნდება მათ ვირტუალურ სისტემებში, გარდა იმ შემთხვევისა, როდესაც არ არსებობს მისი შენახვის ვალდებულება ევროპული კავშირის კანონმდებლობით ან ევროკავშირის შესაბამისი წევრი ქვეყნის კანონმდებლობით, სადაც იმყოფება „დამმუშავებელი“. მონაცემთა შენახვა უნდა დაექვემდებაროს მათ დაბლოკვას, რამდენადაც პასუხისმგებლობა შეიძლება გამომდინარეობდეს „პასუხისმგებელ პირთან“ მათი ურთიერთობიდან.

 5.— დამმუშავებლის მიერ პერსონალური მონაცემების ქვეკონტრაქტირება ან გადაცემა

ა) „პასუხისმგებელი პირი“ უფლებას ანიჭებს „დამმუშავებელს“, მოახდინოს ყველა იმ ტექნოლოგიური მომსახურების ქვეკონტრაქტირება, რომელიც აუცილებელია „დამმუშავებლის“ აპლიკაციის შესანარჩუნებლად და განვითარებისთვის, რომლის მეშვეობითაც დამუშავდება შეკვეთის მონაცემთა ობიექტი, მათ შორის, ქვეკონტრაქტირებული შენახვის მომსახურებები. 

ბ) თუ „დამმუშავებელს“ სურს, დაიქირაოს სხვა კომპანიები ზემოაღნიშნულისგან განსხვავებული გარკვეული მომსახურებების განსახორციელებლად, „დამმუშავებელმა“ წინასწარ უნდა აცნობოს ეს წერილობით „პასუხისმგებელ პირს“, განსაზღვროს ქვეკონტრაქტირებით გადასაცემ მომსახურებათა სახეობა და უზრუნველყოს „პასუხისმგებელი პირისთვის“ წინააღმდეგობის გაწევის უფლება ამგვარ ქვეკონტრაქტირებაზე. 

გ) „პასუხისმგებელ პირს“ შეუძლია, ნებისმიერ დროს მოითხოვოს ინფორმაცია გამოყენებული ქვეკონტრაქტორების შესახებ. 

დ) ნებისმიერ შემთხვევაში, ყველა ქვედამმუშავებელმა უნდა უზრუნველყოს საკმარისი გარანტიები შესაბამისი ტექნიკური და ორგანიზაციული ზომების გამოყენებისათვის, რათა მონაცემთა დამუშავება დაექვემდებაროს მონაცემთა დაცვის მოქმედი რეგულაციების დებულებებს.

ე) იმ შემთხვევაში, თუ „პასუხისმგებელი პირი“ პირდაპირ არ ეწინააღმდეგება მონაცემთა დამუშავების ქვეკონტრაქტირებას, „ქვედამმუშავებელი“, რომელიც ასევე ფლობს „დამმუშავებლის“ სტატუსს, ვალდებული იქნება, შეასრულოს ამ „ხელშეკრულებით“ დადგენილი მონაცემთა დაცვის ვალდებულებები. „დამმუშავებლის“ გადასაწყვეტია „ქვედამმუშავებელთან“ ურთიერთობის ფორმირება „GDPR”-ის 28-ე მუხლის დებულებების შესაბამისად. 

ვ) თუ „ქვედამმუშავებელი“ არ შეასრულებს „ხელშეკრულებით“ გათვალისწინებულ მონაცემთა დაცვის ვალდებულებებს „დამმუშავებლის“ მიმართ, „დამმუშავებელი“ დარჩება სრულად პასუხისმგებელი აღნიშნული ვალდებულებების შესრულებაზე „პასუხისმგებელი პირის“ წინაშე. 

ზ) იმ შემთხვევაში, როდესაც „დამმუშავებელი“ გადასცემს პერსონალურ მონაცემებს, რომლებზეც პასუხს აგებს „კურიერი“, „პასუხისმგებელი პირის“ მკაფიო ნებართვის გარეშე, მას შეუძლია, დაუყოვნებლივ და ავტომატურად:

• დაუყონებლივ შეწყვიტოს „დამმუშავებელთან“ „ძირითადი ხელშეკრულება“ და მისი შესაბამისი შესწორებები, ასეთის არსებობის შემთხვევაში,
• წამოიწყოს სამართლებრივი ქმედებები, რომელსაც მიზანშეწონილად მიიჩნევს საკუთარი უფლებების დასაცავად.

 6.— მონაცემთა საერთაშორისო გადაცემა

ა) „პასუხისმგებელი პირი“ უფლებას ანიჭებს „დამმუშავებელს“, განახორციელოს მონაცემთა ის საერთაშორისო გადაცემა მესამე ქვეყანაში წინამდებარე „ხელშეკრულებით“ გათვალისწინებული „დამუშავების“ განსახორციელებლად, რომელიც მკაცრად არის საჭირო ამ მიზნის შესასრულებლად, თუ „პასუხისმგებელ პირთან“ საპირისპირო წინასწარ არ არის შეთანხმებული წერილობით. 

ბ) „დამმუშავებელი“ „პასუხისმგებელი პირის“ განკარგულებაში შეინახავს ყველა საჭირო დამხმარე დოკუმენტაციას, რომელიც ადასტურებს საკმარისი გარანტიების უზრუნველყოფას მომხმარებელთა პერსონალური მონაცემების დაცვის ადეკვატური დონის უზრუნველსაყოფად, „GDPR”-ის 44-ე და შემდგომი მუხლების დებულებების შესაბამისად.

7.— პერსონალურ მონაცემთა უსაფრთხოება და შეტყობინებები დარღვევის შესახებ

ა) „დამმუშავებელი“ მიიღებს შესაბამის ტექნიკურ და ორგანიზაციულ ზომებს, რათა უზრუნველყოს „პასუხისმგებელი პირის“ მიერ დავალებული მონაცემთა დამუშავებით წარმოდგენილი რისკების შესაბამისი დონე. 

ბ) სხვა ზომებთან ერთად, „დამმუშავებელი“ იღებს ვალდებულებას:

• საჭიროების შემთხვევაში, მოახდინოს პერსონალური მონაცემების ფსევდონიმიზაცია და დაშიფვრა.
• უზრუნველყოს გადამამუშავებელი სისტემებისა და მომსახურებების მუდმივი კონფიდენციალურობა, მთლიანობა, ხელმისაწვდომობა და გამძლეობა.
• სწრაფად აღადგინოს პერსონალურ მონაცემებზე ხელმისაწვდომობა და წვდომა, ფიზიკური ან ტექნიკური ინციდენტის შემთხვევაში.
• რეგულარულად შეამოწმოს, შეაფასოს და განსაზღვროს გატარებული ტექნიკური და ორგანიზაციული ღონისძიებების ეფექტურობა, დამუშავებას დაქვემდებარებული პერსონალური მონაცემების უსაფრთხოების უზრუნველსაყოფად.
• დანერგოს შესაფერისი უსაფრთხოების ზომები (ტექნიკური და საორგანიზაციო), გამოყენებული საშუალებების გათვალისწინებით, დამუშავებული პერსონალური ინფორმაციისა და დაინტერესებულ მხარეთა უფლებების უსაფრთხოების უზრუნველსაყოფად.
• აცნობოს „პასუხისმგებელ პირს“, ზედმეტი დაყოვნების გარეშე, მის ხარჯზე და მისი სახელით დამუშავებული პერსონალური მონაცემების უსაფრთხოების დარღვევის შესახებ, რაც ხდება „დამუშავების“ გამო. გაფრთხილება შეიცავს ინფორმაციას, რომელიც აუცილებელია „პასუხისმგებელი პირის“ მიერ ინციდენტის დოკუმენტაციისა და შეტყობინებისთვის. „დამმუშავებელმა“ „პასუხისმგებელ პირს“ უნდა მიაწოდოს, მინიმუმ, შემდეგი ინფორმაცია უსაფრთხოების დარღვევასთან დაკავშირებით: დარღვევის ხასიათის აღწერა, კატეგორიები და მონაცემთა სუბიექტების სავარაუდო რაოდენობა, პერსონალური მონაცემების ჩანაწერების კატეგორიები და სავარაუდო რაოდენობა, „მონაცემთა დაცვის ოფიცრის“ (თუ დანიშნულია) სახელი და საკონტაქტო ინფორმაცია ან სხვა საკონტაქტო პუნქტი, რომლიდანაც შესაძლებელია ინფორმაციის მიღება, პერსონალური მონაცემების უსაფრთხოების დარღვევის შესაძლო შედეგები, მიღებული ან შემოთავაზებული ზომები დარღვევის გამოსასწორებლად. იმ შემთხვევაში, თუ შეუძლებელია ინფორმაციის ერთდროულად მიწოდება, ზემოაღნიშნული ინფორმაციის მიწოდება უნდა მოხდეს ეტაპობრივად, ზედმეტი დაყოვნების გარეშე. „დამმუშავებლის“ შეტყობინება „პასუხისმგებელი პირისთვის“ საჭირო არ იქნება, როდესაც ნაკლებად სავარაუდოა, რომ უსაფრთხოების დარღვევა წარმოადგენს რისკს ფიზიკური პირების უფლებებისა და თავისუფლებებისთვის.

8.— დაინტერესებულ მხარეთა უფლებები

ა) „დამმუშავებელი“ დაეხმარება „პასუხისმგებელ პირს“, რათა მან შეძლოს მისი ვალდებულების შესრულება, უპასუხოს დაინტერესებულ მხარეთა უფლებების განხორციელების მოთხოვნებს (წვდომა, შესწორება, წაშლა, გაპროტესტება, მონაცემთა დამუშავების პორტატიულობის შეზღუდვა და, საჭიროების შემთხვევაში, უფლება, არ დაექვემდებაროს ავტომატიზებულ ინდივიდუალურ გადაწყვეტილებებს, პროფილების შემუშავების ჩათვლით).

ბ) იმ შემთხვევაში, თუ დაინტერესებული მხარეები ახორციელებენ რაიმე უფლებას „დამმუშავებლის“ წინაშე, „პასუხისმგებელი პირი“ უფლებას ანიჭებს GLOVO-ს, მართოს პასუხი უშუალოდ დაინტერესებულ მხარესთან, „GDPR”-ით ან ნებისმიერი მოქმედი რეგულაციით დაწესებული ვალდებულებების შესაბამისად ფორმასა და პასუხის პერიოდთან დაკავშირებით. ანალოგიურად, „დამმუშავებელი“ „პასუხისმგებელი პირის“ განკარგულებაში შეინახავს „დამმუშავებლისადმი“ მიმართული უფლებების განხორციელების მოთხოვნებს, აგრეთვე, „დამმუშავებლის“ მიერ გამოგზავნილი პასუხის მტკიცებულებებს.[MM2]

9.— პასუხისმგებლობა

ა) „დამმუშავებელი“ დაიცავს, აუნაზღაურებს და გაათავისუფლებს „პასუხისმგებელ პირს“ პასუხისმგებლობისაგან და დაიცავს მას ყოველგვარი პრეტენზიისა და რეალური ზიანისგან, რომელიც გამოწვეულია „პასუხისმგებელი პირის“ მხრიდან „დამმუშავებლის“ მიერ დამუშავებული ნებისმიერი პერსონალური მონაცემის არალეგიტიმური ან არაავტორიზებული დამუშავების, შემთხვევითი დაკარგვის, გამჟღავნების, განადგურების ან დაზიანების შედეგად, იმ პირობით, თუ საიმედოდ დადასტურდება, რომ ასეთ ზიანზე პასუხისმგებლობა არ ეკისრება „დამმუშავებელს“. 

10.— იურისდიქცია და გამოსაყენებელი სამართალი

ა) „მხარეები“, რომლებიც მკაფიოდ ამბობენ უარს მათ შესაბამის იურისდიქციაზე, პირდაპირ იღებენ ვალდებულებას ნებისმიერი შეუთანხმებლობა, დავა ან კონფლიქტი, რომელიც წარმოიშობა  მათ შორის ამ „ხელშეკრულების“ მოქმედების, განმარტების და/ან გამოყენების შედეგად,  განიხილება თბილისის საქალაქო სასამართლოს მიერ.

ბ) წინამდებარე „ხელშეკრულება“ რეგულირდება და განიმარტება „GDPR”-ისა და ნებისმიერი სხვა ადგილობრივი დებულების ან რეგლამენტის შესაბამისად, მონაცემთა დაცვასთან დაკავშირებით, რომელიც გამოიყენება როგორც „პასუხისმგებელი პირის“, ისე „დამმუშავებლის“ მიმართ. 

„მხარეები“ გამოხატავენ თავიანთ თანხმობას წინამდებარე „დამუშავების შეკვეთის ხელშეკრულებაზე“, რომელსაც ისინი გასცემენ და ხელს აწერენ ვირტუალურად, ციფრული/ელექტრონული ხელმოწერით ან ამ წესებისა და პირობების მიღების გზით.